Naxçıvan şəhərində yeni istehsal müəssisəsi
fəaliyyətə başlayıb
Azərbaycan Respublikasının Prezidenti
cənab İlham Əliyev deyib: “Sahibkarlığın inkişafı
Azərbaycanın ümumi
inkişafının əsas
şərtidir”.
Bu gün
muxtar respublikada sahibkarlıq davamlı dövlət qayğısı
ilə əhatə olunub. Daxili tələbatı ödəyən,
keyfiyyətli və ixracyönümlü məhsul
istehsal edən müəssisələrin yaradılması
istiqamətində ardıcıl
tədbirlər görülür.
Naxçıvan Muxtar Respublikası Ali Məclisinin mətbuat xidmətindən
AZƏRTAC-a bildirilib ki,
oktyabrın 25-də “Cahan
Sənaye Kompleksi” Məhdud Məsuliyyətli
Cəmiyyətinin istilik
panelləri və dam örtükləri istehsalı müəssisəsi
istifadəyə verilib.
Naxçıvan Muxtar Respublikası Ali Məclisinin Sədri Vasif Talıbov açılış
tədbirində iştirak
edib.
“Cahan Holdinq”
Kommersiya Şirkətləri
İttifaqının sədri
Vüqar Abbasov tədbirdə çıxış
edərək deyib ki, muxtar respublikada
sahibkarlıq fəaliyyəti
üçün geniş
imkanlar yaradılıb.
Müasir texnologiyaların
tətbiqi və qabaqcıl idarəetmə
təcrübəsindən istifadə
rəqabətədavamlı məhsul istehsal edən müəssisələrin
yaradılmasına və
keyfiyyətli məhsul
istehsalına imkan verir. Muxtar respublikada
istilik panellərinə
və dam örtüklərinə olan
tələbat nəzərə
alınaraq “Cahan Sənaye Kompleksi” Məhdud Məsuliyyətli
Cəmiyyəti tərəfindən
istilik panelləri və dam örtükləri
müəssisəsi yaradılıb.
Yeni müəssisə
daxili tələbatı
ödəməklə yanaşı,
həm də geniş ixrac imkanlarına malikdir. Vüqar Abbasov sahibkarların fəaliyyəti
üçün yaradılan
şəraitə görə
Ali Məclisin Sədrinə minnətdarlıq
edib.
Naxçıvan Muxtar Respublikası Ali Məclisinin Sədri Vasif Talıbov muxtar respublikada daxili tələbatı ödəyən
və ixracyönümlü
məhsul istehsal edən yeni müəssisənin istifadəyə
verilməsi münasibətilə
kollektivi təbrik edərək deyib: Bu gün Azərbaycan
müstəqil ölkədir.
Hər bir müstəqil ölkədə isə ərzaq təhlükəsizliyinin
təmin olunması, sənayenin inkişafı,
yerli istehsal hesabına daxili tələbatın ödənilməsi,
yeni iş yerlərinin açılması
və daxili bazarın qorunması qarşıda duran əsas vəzifələrdir.
Ölkəmizdə bazar
iqtisadiyyatının tətbiq
olunması öz bəhrəsini vermişdir.
Muxtar respublikada qeyd olunan sahələrin inkişafı diqqətdə
saxlanılır, Sahibkarlığa
Kömək Fondunun kreditləri və sahibkarların öz vəsaitləri hesabına
yeni istehsal sahələri yaradılır,
daxili tələbat ödənilir, xaricə valyuta axınının qarşısı alınır,
sahibkarlıq müəssisələrinin ixrac imkanları genişləndirilir.
Bu gün istifadəyə verilən
müasir istehsal müəssisəsi də
Sahibkarlığa Kömək
Fondunun krediti və müəssisənin
gəliri hesabına yaradılmışdır.
Ali Məclisin
Sədri deyib: Bu gün muxtar respublikada dövlət tikintisinin həyata keçirilməsi, əhali
tərəfindən yeni
mənzillərin tikilməsi,
eləcə də istehsal və xidmət sahələrinin
yaradılması dam örtüklərinə və
istilik panellərinə
olan tələbatı
artırmışdır. İstifadəyə
verilən istilik panelləri və dam örtükləri müəssisəsi keyfiyyətli
məhsul istehsalına
və daxili tələbatın tam ödənilməsinə imkan
verəcəkdir. Keyfiyyətli
və rəqabətədavamlı
məhsul istehsal edən müəssisələrin
yaradılması sahibkarlığın
inkişafında başlıca
şərtdir. Ona görə də istehsal müəssisələrində
müasir avadanlıqlar
quraşdırılmalı, keyfiyyətli xammaldan istifadə olunmalı və keyfiyyət amilinə ciddi diqqət yetirilməlidir. Fəaliyyətə başlayan
hər bir müəssisə həm muxtar respublika əhalisini keyfiyyətli məhsullarla təmin etməli, həm də xarici bazarlara məhsul çıxarmalıdır. Bu
gün muxtar respublikada yaradılan şərait sahibkarlıq
müəssisələrinin xarici bazarlara çıxış imkanlarını
artırır. Sahibkarlar
bu imkanlardan səmərəli istifadə
etməli, keyfiyyətli
məhsul istehsalına
və yerli mütəxəssislərin hazırlanmasına
diqqət artırılmalıdır.
Mütəxəssis hazırlığı
keyfiyyətli məhsul
istehsalında başlıca
şərtdir. Muxtar respublikadakı peşə
məktəblərində və
sahibkarlıq müəssisələrində
yaradılan şərait
mütəxəssis hazırlığı
üçün geniş
imkanlar açır.
Ali Məclisin
Sədri deyib: Bu gün ölkəmizdə
sahibkarlığın inkişafı
üçün hərtərəfli
şərait yaradılmışdır.
Ölkə başçısı
Ümummilli Liderimizin yolunu uğurla davam etdirir, hər il sahibkarlıq
fəaliyyəti ilə
bağlı qərarlar
qəbul olunur, müvafiq Sərəncamlar
imzalanır. Həmçinin
bazar iqtisadiyyatının
tələblərinə uyğun
olaraq istehsal müəssisələri dövlət
tərəfindən özəlləşdirilərək
sahibkarlara verilmişdir.
Bu da sahibkarlıq
sinfinin formalaşmasına
və onların səmərəli fəaliyyət
göstərməsinə geniş
imkanlar açır. Ona görə də sahibkarlar fəaliyyətlərini daha
da gücləndirməli,
daxili tələbat yerli istehsal hesabına ödənilməli,
sahibkarlıq müəssisələrində
ixracyönümlü məhsul
istehsal olunmalı, ölkəmizə valyuta axını təmin edilməlidir. Yeni müəssisələrin qurulması
həm də yeni iş yerlərinin
açılması deməkdir.
İş yerlərinin
açılması isə
məşğulluğun təmin
olunmasına və insanların yaşayış
səviyyəsinin yaxşılaşmasına
xidmət edir. Bir sözlə, dövlət-sahibkar münasibətləri,
sahibkarların fəaliyyətinin
tənzimlənməsi sahəsində
görülən işlər
ölkəmizin dayanıqlı
inkişafını təmin
edir. Muxtar respublikada da aid təşkilatlar sahibkarların fəaliyyətinə
və istehsal olunan məhsulların ixracına hərtərəfli
köməklik göstərməlidirlər.
Ali Məclisin
Sədri deyib: Bəzən sahibkarlar yalnız daxili bazarın tələbatını
ödəmək üçün
məhsul istehsal edirlər. Bu, sahibkarlığın inkişafına
və müəssisələrin
fəaliyyətinin genişləndirilməsinə
mane olur. Hər bir sahibkar
bilməlidir ki, yeni texnologiyalar tətbiq olunmadan, ixracyönümlü məhsul
istehsal etmədən müəssislərin inkişafına
və keyfiyyətli məhsul istehsalına nail olmaq mümkün
deyil. Ona görə də sahibkarlar yeni texnologiyaların tətbiqini
və ixracyönümlü
məhsul istehsalını
daim diqqətdə saxlamalıdırlar.
Ali Məclisin Sədri
yeni istifadəyə verilən müəssisədə
istehsal olunan məhsulların daxili tələbatı ödəyəcəyinə
və xarici bazarlarda layiqli yer tutacağına əminliyini bildirib, təşkilatçılara təşəkkür
edib və müəssisəyə fəaliyyətində
uğurlar arzulayıb.
Sonra Ali
Məclisin Sədri açılışı bildirən
lenti kəsib.
Məlumat verilib ki, müəssisənin yaradılmasına
6 milyon 560 min manat vəsait sərf olunub, 5620 kvadratmetr sahədə dam örtükləri, istilik panelləri və boyama istehsalı xətləri yaradılıb, müasir avadanlıqlar quraşdırılıb.
İstilik panelləri
sahəsinin gücü
ayda 9500 metr panel və 8000 metr alüminium radiator, dam örtükləri
sahəsinin gücü
isə ayda 250 min kvadratmetr metal dam örtüyüdür.
Standartların tələblərinə
uyğun istehsal olunan məhsulların 20 faizi yerli tələbatı
tam ödəyəcək,
80 faizi isə ölkəmizin digər bölgələrində və
xarici bazarlarda satışa çıxarılacaqdır.
Binada iş otaqları,
iclas zalı, mətbəx, torna və dülgər emalatxanaları, tikinti materiallarının satış
mərkəzi, hazır
və ehtiyat hissələri anbarları
da istifadəyə verilib, 120 nəfər işlə təmin olunub, işçilər üçün xidməti
otaqlar yaradılıb.
Müəssisədə təhlükəsizlik
tədbirlərinə də
diqqət artırılıb,
video-müşahidə sistemi
quraşdırılıb, işçilər
pulsuz nahar yeməyi, xüsusi geyim forması və nəqliyyatla təmin olunublar.
Plastik boru,
profil və aksesuarlar
istehsalı müəssisəsi
yaradılır
Həmin gün
Naxçıvan Muxtar
Respublikası Ali Məclisinin Sədri Vasif Talıbov “Cahan Sənaye Kompleksi” Məhdud Məsuliyyətli Cəmiyyətində
yeni yaradılacaq plastik boru, profil
və aksesuarlar istehsalı müəssisəsinə
də baxıb.
Bildirilib ki,
əsas tikinti işləri başa çatdırılmış müəssisədə
Türkiyə, Çin
və Tayvan istehsalı olan tam avtomatlaşdırılmış
avadanlıqlar quraşdırılacaq,
38 istehsal sahəsi və müasir laboratoriya istifadəyə
veriləcək. Gücü ayda
1500 ton olacaq müəssisədə qapı-pəncərə
profilləri, polipropilen
əsaslı kompozit və sadə içməli su, eləcə də polietilen suvarma boruları, lambir, saydinq və aksesuarlar, müxtəlif boru fitinqləri olmaqla 7 növdə və 160 çeşiddə
məhsul istehsal olunacaq, daxili tələbat ödənilməklə
yanaşı, geniş ixrac imkanları da yaradılacaq. Müəssisədə
285 yeni iş yeri açılacaq.
Ali Məclisin Sədri
müəssisədə istehsal
olunacaq məhsulların
nümunələrinə baxıb,
keyfiyyətli məhsul
istehsalı, işçi-sahibkar
münasibətlərinin tənzimlənməsi,
sahibkarlar arasında əlaqələrin gücləndirilməsi
ilə bağlı aid təşkilatlara tapşırıqlar verib.
Səs.-
2017.- 26 oktyabr.- S.8-9.