Ermənistan faşist, irqçi və terrorçu dövlətdir

Prezident İlham Əliyev Aşqabad şəhərində keçirilən MDB Dövlət Başçıları Şurasının məhdud tərkibdə iclasında Ermənistanda hökm sürən nasizm və faşizmə diqqət çəkib, Ermənistanda faşizm ideologiyasına çəkən terrorizmi bir daha ifşa edib”.

Qaregin Njde ləqəbi ilə alman faşistlərinə xidmət etmiş Qaregin Ter-Arutyunyana Ermənistanda heykəl qoyulması Ermənistanın əsaslarının yarandığı gündən məhz terrorizm üzərində qurulmasından xəbər verir, Azərbaycan torpaqlarının işğal edilməsində, xalqımıza qarşı soyqırımın həyata keçirilməsində də bu cür faşist, nasist əhval-ruhiyyə mühüm rol oynayıb. Terrorizm və faşizmlə silahlanan bir ölkə rəhbərliyi sülh yolu ilə Dağlıq Qarabağ probleminin həlli istiqamətində addımlar ata bilməz. Bu mənada Azərbaycan Prezidentinin Ermənistandakı daxili ideoloji, siyasi abı-havanı ifşa etməsi, bunu MDB dövlət başçılarının diqqətinə çatdırması əslində Ermənistanın işğalçılıq siyasətinin iç üzünün açılması demək idi.

Professor Qafar Çaxmaqlı özünün fundamental “Erməni faşizmi” kitabında yazır:”Tsexakron - ermənicə iki sözün – irq) ve din kəlmələrinin birləşməsidir. Qaregin Njde (Qaregin Ter- Harutyunyan) tərəfindən ortaya atılan bu hərəkata Tsexakron, onun ideoloji təliminə isə Tsexakronutyun (tsexakronizm) adı verilmişdir. Ermənistan Respublikası bu təlimi əsas alaraq öz dövlət siysətini müəyyənləşdirir.Keçmişdövlət başçısı Serj Sarkisyanın rəhbəri olduğu Ermənistan Respublikaçılar partiyası Njdeni özlərinin lideri, ideoloji öndəri sayır. O həm də ermənilərin ən məşhur tarixi şəxsiyyətlərindən biri hesab olunur. Ermənistan öz dövlət siyasətini Tsexakron təlimi əsasında müəyyənləşdirir. Erməni milli şovinizmini əsrin ilk onilliklərində davam etdirdiyi siyasəti ayaqda tutmaq və onu bütün ermənilər yaşayan yerlərə çatdırmaq üçün belə bir təlimə ehtiyac var idi-qənaətindədi Ermənistan toplumu.Burada əsas məqsəd, Tsexakron ideologiyası çərçivəsidə guya erməni millətini, ana köklərindən uzaqlaşmaq təhlükəsi qarıisinda qalan Erməni diasporasını və xüsusilə gəncləri yenidən səfərbər edərək Türkiyəyə qarşı bir hərəkat meydana gətirmək idi. Garegin Njde önce savaş meydanında Türklərə divan tutmağa çalışmışdır. Qəddarlıqda Andranikdən geri qalmayan bu şəxsin tökdüyü qanların sayı-hesabı yoxdur. İstədiyinə nail ola bilməyən (əslində ermənilər nə istəmişdilər onu artıqlaması ilə almışdılar) “2004-ci ildə Ermənistanda, keçmiş iqtidarda olan Respublikaçılar Partiyası tərəfindən çap edilmiş “Garegin Njdenin Təlimi” kitabı hər bir erməni üçün stolüstü kitab anlamına gəlir.

Tsexakron təlimi aşağıdakı kimi inşa edilir: "Mən öz Soyumu (tsex) bilirəm, mən öz nəslimə güvənirəm, mənim soyum Allaha daha yaxındır, ali irqdir, mən cismimdə Tsexarakonu daşıyıram". Bu cəhətdən Tsexakron faşizmlə eyniləşir. Maraqlıdır ki, eyni illərdə İtaliyada faşizm, Almaniyada isə milli sosializm düşüncələri ictimai kütlələrə sirayət etməyə başlamışdı. Başqa bir deyişlə, Ermənistan o dövrdə müstəqil bir dövlət kimi qalsaydı, bir erməni faşist quruluşundan bəhs edəcəkdik. Əslində XXI əsrin diqtə etdyi meyarlara bugünki erməni dövləti əməl etmək, ona uyğunlaşmaq istəmir. Bir çox məsələlərə münasibətdə yenə də faşist yanaşma açıqca görmək mümkündür. Dövlət bu gün də Njdenin məlum təlimi ilə yönləndirilirsə demək nasional sosializmdən hələ uzaqlaşa bilməmişdir. Ermənistan Respublikaçılar Partiyasının ermənicə və rusca çap etdirdiyi “Garegin Njde və onun təlimi” (Yerevan-2004)14 kitabında qeyd olunur ki, II Dünya müharibəsi başlanarkən Njde bilirdi ki, Avropa ölkələrində antierməni ovqat güclənmişdi və Almanlarda belə bir fikir vardı ki, ermənilər Almaniyanın düşmənlərinə yardım edərlər.”

Q.Çaxmaqlı daha sonar yazır: ”Ermənistan o dövrdə müstəqil dövlət kimi qalsaydı, bir erməni faşist quruluşundan bəhs edəcəkdik. Erməniləri də yəhudilərin taleyini yaşayacaqlarından ehtəyatlanan Njde hərəkətə keçərək Almanlarla əlaqəyə girir və Bolqarıstan və Rumıniyada ermənilərin bu ölkələrdən qovulub çıxarılmasının qarşısını alır. Rumıniya baş naziri Antoneskunun erməniləri toplu halında yaşadıqları yerlərdən çıxarılması əmri vardı. Njde 1942-ci ildə Berlinə gedərək ermənilərin almanlara sədaqətli olacaqlarını sübut edən materiallar aparmışdı. Bu materiallar sonradan onun həbs olunaraq 25 il cəza almasına səbəb oldu. O Berlində Dro ilə də görüşmüşdü. Dro da almanların yanında olan erməni liderlərdən idi. Həbsdən sonra baxın nə edir bu ideoloq. Sovet hökümətinin Türkiyəyə heç də yaxşı olmayan münasibətlərindən istifadə edərək 1947-ci ildə təklif edir ki, “Xaricdə yaşayan ermənilərin hərbi-siyasi təşkilatı” yaradılsın və o Türkiyənin Şərqindəki vilayətləri SSRİ-yə (Sovet Ermənistanına) birləşdirməyi təklif edir.

Amma bu qəbul olunmur. Sovet höküməti bu cinayətkarla əməkdaşlıq etmir. “Qaregin Njde və KGB” adlı kitabında yazar Ustyan qeyd edir ki, Njdenin məramı Sovetlərin məqsədləri ilə üst-üstə düşmür.

Njdenin Tsexakron təliminə görə, hər bir erməni bütün həyatı boyunca “Qərbi Ermənistanın” (Şərqi Anadolu torpaqları) türklərin əlindən alınmasına çalışmalıdır. “Batı Ermənistan” dedikləri Türkiyənin 6 Şərqi Anadolu vilayətləri də buraya aid edilirdi.

“Mən Yer Kürəsindəki ilahi izləri öz soyumda oxudum, gördüm, öpdüm, təzim etdim və Tsexakrona çevrildim” deyərkən Njde ermənilərin ilahi soydan gəldiyini iddia edir və iddia edir ki, “Soy Allah kimi birincidir. Erməni soyu da Allah kimi əsrlərin şahididir, o, əbədi olaraq ermənidir, Allahın ortağıdr”. Ona görə, soy Ruhun və Qanın sintezidir, psixoloji anbardır və eyni zamanda bioloji quruluşdur, insan etnosuna bir birindən fərqlilik, özünəxaslıq xarakteri verir. Onun fikrincə, Tsexakronutyun bu cəhdləri qoruyub saxlamaq üçün soyun əlində bir əbədi varlıqdır. Bu erməni varlığını Əbədi etmək və erməni kimi Yaşamağı təlqin və özündə ehtiva edir. Erməninin özünüdərki üçün bu təlimə inam da aşılanmalıdır. Kronçular bunu etməlidirlər.”

Tsexakron Müqəddəs Soyu tanıyır və elan edir: "Erməni olmağa o adam layiq deyildir ki, onun üçün bizim planetdə “erməni” kəlməsindən daha üstün şeylər vardır".

Və yaxud, “Erməni olmaqdan əvvəl də sən Erməni olmalısan!”, “Erməni öz tarixində Ermənidən daha öncə adam olmuşdur, bu xüsusiyyətinə görə də onun faciələri qaçılmaz olmuşdur”.

Njdeyə görə, erməni xalqı aşağıdakı Kultlarlahəyatını davam etməlidir. Bunlardır:

Vətən kultu, Qan kultu, Dil kultu, Vətən uğrunda öz həyatını qurban etmə kultu, Ulular kultu, Güc kultu, Öndər kultu.Erməni üçün dəyişməyən prinsiplər də bunlardan ibarətdir.

Prezident İlham Əliyev həm tarixi arqumentlərlə, həm də bugünkü işğalçılıq siyasətinin həyata keçirilməsi kontekstində Ermənistanda faişizmi, nasizmi ifşa etdi, bunun bütün MDB məkanında fiaşizmin qurbanları olmuş insanların xatirəsinə hörmət baxımından da yolverilməz olduğunu bildirdi: “Arqumentlərlə əsaslandırılmış bu fikirlər Soçi şəhərində keçirilən “Valday” Beynəlxalq Diskussiya Klubunun XVI illik iclasının plenar sessiyasından səsləndirilən “Dağlıq Qarabağ Azərbaycandır!” bəyanatından sonra Ermənistana yeni zərbə oldu. Bununla Prezident İlham Əliyev Ermənistanda hansı proseslərin getdiyini və bunun nə dərəcədə təhlükəli olduğunu dünya ictimaiyyətinə çatdırmış oldu.Ermənistanın həyata keçirdiyi işğalçılıq siyasətinin və onun ideoloji əsaslarının bir mənbəyi ermənilərin faşizm və nasizmə sevgisidir.MDB ölkələri sırasında isə belə zərərli, terrorizmlə silahlanmış bir dövlətin olması təkcə Azərbaycan deyil, bütün MDB ölkələri üçün təhlükə mənbəyidir.Azərbaycan Prezidenti öz çıxışında bütün bunları bir daha ifşa etməklə Ermənistanın nə qədər təhlükəli yolda olduğunu diqqətə çatdırdı.Düşünürəm ki, bu, bir daha Azərbaycan həqiqətlərinin erməni işğalçılarının fəaliyyəti kontekstində dünyaya çatdırılması idi.Bu çıxışdan sonra Xocalı soyqırımının, Ağdaban faciəsinin törədilməsinin ideoloji, siyasi əsaslarını da MDB dövlət başçıları daha düzgün dərk etmiş oldular.Əgər bunun qarşısı alınmasa, bu zərərli tendensiya pis nümunə kimi yaxşı nəticələrə gətirib çıxara bilməz.Ona görə Dağlıq Qarabağ münaqişəsinin həlli bir daha zərurət kimi ortaya çıxır.Dövlət başçısı da çıxışında bunu vurğuladı”.

Prezident İlham Əliyevin MDB Dövlət Başçıları Şurasının məhdud tərkibdə iclasında yenidən Ermənistanın işğalçılıq siyasəti və onun ağır nəticələri barədə və Ermənistanda bu gün beynəlxalq sülhə və təhlükəsizliyə qarşı yönəlmiş siyasətin bütün mahiyyətini açan çox mühüm çıxış edib: ““Valday” Beynəlxalq Diskussiya Klubunun XVI illik iclasının plenar sessiyasından sonra Prezident İlham Əliyevin artıq ikinci dəfə Aşqabadda hücum taktikasına söykənən növbəti çıxışının şahidi olduq. Prezident İlham Əliyev Azərbaycan həqiqətlərini söykəyən çıxışları ilə əlaqədar zamanın, məqamın və yerin seçilməsinə xüsusi önəm verir.Bu baxımdan MDB məkanında baş verən proseslərin öyrənilməsi baxımından MDB dövlət başçılarının iclası da dünyada diqqətlə izlənilir.Eyni zamanda faşizm üzərində qələbənin 75-ci ildönümü yaxınlaşdığı üçün iclasda müzakirələr həm də bu ətrafda olacaqdı.Bütün bəşəriyyət faşizm üzərində qələbənin 75 illiyini qeyd etməyə hazırlaşır.Bu məqamdan Prezident İlham Əliyev maksimum faydalandı və ilk növbədə Azərbaycanın 1941-1945-ci illərdə faşizm üzərində qələbənin əldə edilməsində müstəsna xidmətlərini faktlarla, arqumentlərlə əsaslandırdı. Dövlət başçısı vurğuladı ki, həmin dövrdə neftin 70 faizi, benzinin 80 faizdən çoxunu, mühərrik yağının 90 faizindən çoxunu Azərbaycan təmin edirdi və Bakı nefti olmasaydı, faşizm üzərində qələbə də çox çətin olardı. Prezident İlham Əliyev bu reallıq fonunda bu gün MDB məkanında faşizmin qəhrəmanlaşdırılmasına, təbliğinə, faşistlərlə əməkdaşlıq etmiş şəxslərin Ermənistanda qəhrəman kimi təqdim olunmasına diqqət çəkdi, 2016-cı ildə Ermənistanda faşistlərin əlaltısı olmuş cinayətkar Qaregin Njdeyə heykəl qoyulduğun xatırlatdı. Bu heykəli Ermənistanda əvvəlki hakimiyyət qoysa da, bugünkü hakimiyyət də heykəli qoruyub saxlayır.Faşistə xidmət etmiş şəxsi qəhrəmanlaşdırırsansa, bu, faşizmə qarşı mübarizəyə ziddir”.

Ermənistan dünyada nadir ölkələrdəndir ki, faşist Qaregin Njdeyə heykəl ucaldıb və onu milli qəhrəman statusuna yüksəldib.Njdenin faşistlərlə əlaqəsi, 25 minlik erməni faşist legionun yaradılmasında rolu, bütün keçmiş sovet xalqlarından formalaşan sovet ordusuna qarşı döyüşməsi və yəhudilərə qarşı soyqırımda aktiv iştirakı danılmazdır və sənədlərlə artıq sübut olunub.Qaregin Njde həm də 1918-1921-ci illərdə Zəngəzur mahalında yerli azərbaycanlılara qarşı vəhşi cinayətlərin törədilməsinə də başçılıq edib.Belə bir faşist cinayətkara Ermənistan hökuməti tərəfindən heykəl qoyulması ilk növbədə Ermənistanın əvvəlki hökumətinin xislətindən, faşist ideyalarının daşıyıcısı olmasından irəli gəlir.Çünki məhz onlar eyni faşist metodları ilə Dağlıq Qarabağda azərbaycanlıların qətlinin müəllifləri idi.Məsuliyyətli və regionun gələcək taleyində maraqlı olan lider kimi İlham Əliyevin bu məsələdə qətiyyətli mövqeyi regionun bütün xalqlarının maraqlarına xidmət edir.

Vahid Ömərov

Fəlsəfə üzrə fəlsəfə doktoru, dosent

Səs.- 2020.- 16 aprel.- S.15.