"Özümüzü kəsən qılınc" Türkiyədə ikinci dəfə uğurlu səhnə həyatı yaşadı

"Bələdiyyənin Mədəniyyət Mərkəzinin iki böyük kitabı "Qədim türk milli musiqisi" bizə hədiyyə olundu"

Bildiyimiz kimi, Milli Akademik Dram Teatrı Türkiyəyə qastrol səfəri etmişdir. Səfərdən yenicə qayıtmış yaradıcı heyət tamaşaya qoyduğu əsərin böyük uğurla qarşılandığından çox böyük məmnunluqla söz açırlar. Yaradıcı heyət sırasında teatrın aparıcı aktyorlarından olan respublikanın xalq artisti Rafiq Əzimov tamaşada baş rollardan birini ifa etmişdir.

Onun sözlərinə görə, xalq şairi Bəxtiyar Vahabzadənin Bələdiyyənin Mədəniyyət Mərkəzinin iki böyük kitabı "Qədim türk milli musiqisi" bizə hədiyyə olundu. Tamaşanın quruluşçu rejissoru Ağakişi Kazımovdur. Tamaşada əsas rolları Nurəddin Mehdixanlı, Ramiz Məlikov, Sənubər İskəndərli, Laləzar Mustafayeva və b-ı ifa ediblər: "Türkiyənin Ankara və Kayser şəhərlərində on günə yaxın qastrol səfərində olduq. Türkiyənin Köçərən Bələdiyyəsinin dəvəti ilə bu qastrol səfəri baş tutmuşdur.

Qastrol çərçivəsində təşkil olunmuş Bəxtiyar Vahabzadə günlərində çox böyük uğurla çıxış etdik. Şairin həyat və yaradıcılığından söz açaraq onun şeirlərindən parçalar söylənildi. Bizimlə bərabər Azərbaycan Dövlət Televiziyasının operatoru qastrol səfərində iştirak etmiş və bütün görüntüləri lentə almışdır. Mən deyərdim ki, bu səfər Milli Akademik Dram Teatrının yaddaqalan qastrollarından biri idi. Köçərən bələdiyyəsinin başqanı Azərbaycanda olarkən, məhz "Özümüzü kəsən qılınc" tamaşasına baxmış və uğurlu səhnə həyatı yaşayan bu əsərin Türkiyədə oynanılmasına qərar vermişdir. Qeyd edim ki, bu tamaşa Türkiyədə ikinci dəfə uğurlu səhnə həyatı yaşadı. Mən deyərdim ki, həm Türkiyə aktyorları, həm yerli tamaşaçılar, həm də Azərbaycandan olan tələbə və digər sahələrdə çalışan həmyerlilərimiz tamaşanı çox böyük maraqla qarşıladılar. Obrazların hər birinin çıxışı ayaqüstü alqışlara səbəb olurdu.

Tamaşa sona yetdikdən sonra Bələdiyyənin Mədəniyyət Mərkəzinin iki böyük kitabı "Qədim türk milli musiqisi" bizə hədiyyə olundu. Eləcə də, Türkiyənin barelyefi işlənmiş mənzərə teatrımıza təqdim edildi. Biz də özümüzlə hədiyyə üçün Azərbaycanın milli mədəniyyətini təmsil edən hədiyyələr aparmışdıq və Mədəniyyət Mərkəzinə saz və dəf alətlərini bağışladıq. Bu günə qədər bu musiqidə Azərbaycanın müxtəlif milli-mənəvi dəyərlərini əks etdirən əsərlər qorunub saxlanılır ki, bu nümunələr sırasına musiqi alətlərimiz də əlavə olundu.

Onu da deyim ki, yenidən Türkiyədə keçiriləcək "Türkdilli dövlətlərin beynəlxalq teatr festivalı"na dəvət almışıq. Oynanılacaq festival çərçivəsində tamaşa hələ dəqiq deyil. Festivaldan əvvəl ənənəvi haldır ki, teatrın repertuarında olan bir çox tamaşalar seçim üçün münsiflər heyətinə göndərilir. Bu baxımdan, Bəhram Osmanovun "Uçqun", "Varlı qadın", Ağakişi Kazımovun "Özümüzü kəsən qılınc", İlham Əsgərovun "Müsyö Jordan" tamaşaları festivala göndərilib. Festival yaxın günlərdə keçiriləcək."

Nəzakət

Səs.- 2009.- 4 fevral.- S. 12.