Muğam ustası Canəli Əkbərovun yubileyi qeyd olunub
Sabit
Rəhman adına Şəki Dövlət Dram Teatrında xalq
artisti, görkəmli muğam ustası, professor Canəli Əkbərovun
anadan olmasının 70 illiyinə həsr olunmuş yubiley tədbiri
keçirilib.
Sabit Rəhman adına
Şəki Dövlət Dram Teatrında xalq artisti, görkəmli
muğam ustası, professor Canəli Əkbərovun anadan
olmasının 70 illiyinə həsr olunmuş yubiley tədbiri
keçirilib.
Şəki şəhər
icra hakimiyyəti başçısının müavini Zərinə
Cavadova görkəmli muğam ustasının ömür
yolundan, yaradıcılığından
danışmış, onun muğam sənətinin
inkişafındakı xidmətlərindən bəhs
etmişdir. O bildirmişdir ki, Canəli Əkbərov
xalqımızın muğam sənətində öz dəsti-xətti
ilə seçilən, yüksək xanəndəlik məharəti
və səhnə mədəniyyəti ilə dinləyicilərin
hörmətini qazanan xanəndələrimizdəndir. Lənkəran
rayonunda musiqiçi ailəsində anadan olmuş Canəli Əkbərov
uzun illər Azərbaycan Dövlət Filarmoniyasının
solisti olmuş, Azərbaycan Dövlət Akademik Opera və
Balet Teatrının səhnəsində İbn Səlam, Məcnun,
Şah İsmayıl, Aşıq Qərib kimi məşhur səhnə
obrazları yaratmışdır. Dövlət Mədəniyyət
və İncəsənət Universitetinin kafedra müdiri,
professor Canəli Əkbərova milli muğam sənətimizin
inkişafındakı xidmətlərinə görə 1992-ci
ildə xalq artisti fəxri adına, 2000 - ci ildə
“Şöhrət” ordeninə, 2002 - ci ildə Prezident təqaüdünə,
2005 - ci ildə isə Heydər Əliyev Fondunun təqaüdünə
layiq görülmüşdür. Sonra yubilyarın
ömür yolundan bəhs edən sənədli film
nümayiş etdirilmişdir.
Mərasimdə Azərbaycan
Dövlət Akademik Milli Dram Teatrının aktyoru, xalq artisti
İlham Əsgərov, şəhər mədəniyyət və
turizm şöbəsinin müdiri Aydın İbrahimxəlilov,
Yazıçılar Birliyi Şəki təşkilatının
sədri Vaqif Aslan və b. çıxış edərək,
yubilyarı təbrik etmiş, ona xoş arzularını
bildirib.
Yubiley tədbirində sənətkarın
yetirmələri maraqlı konsert proqramı ilə
çıxış ediblər.
Tədbirin sonunda Şəki
şəhər icra hakimiyyətinin başçısı
Nazim İbrahimov Azərbaycan muğam sənətinin
inkişafına böyük töhfələr vermiş
görkəmli sənətkarı 70 illiyi münasibətilə
təbrik edərək ona xatirə hədiyyəsi təqdim
etmişdir.
Xalq artisti C.Əkbərov
tədbirin təşkilatçılarına və
iştirakçılarına minnətdarlığını
bildirib.
Zümrüd
Səs.- 2009.- 2 may.- S. 16.