Səttar Bəhlulzadə - 100

Boyalarda yaşayan ömür

Bu yaxınlarda M.F.Axundov adına Azərbaycan Milli Kitabxanasının mətbəəsində xalq rəssamı Səttar Bəhlulzadənin 100 illiyinə həsr olunmuş “Boyalarda yaşayan ömür” adlı metodik vəsait çapdan çıxmışdır. Məlumat üçün əlavə edirik ki, Səttar Bəhlulzadənin 100 illiyi “YUNESKO”-nun qərarı ilə keçirilir. Vəsaitin tərtibçisi Bəybala Ələsgərov, nəşriyyat redaktoru Tamara Ağamirovadır. Vəsait xüsusi quruluşa malik olub 5 başlıqdan ibarətdir. Birinci başlıq “Boyalarda yaşayan ömür” adlanır. Burada rəssamın həyatı və yaradıcılığı haqqında geniş məlumat verilir. İkinci başlıq “Həyat və fəaliyyətinin əsas tarixləri” adlanır. Diqqəti cəlb edən maraqlı başlıqlardan biri də “Görkəmli şəxsiyyətlər Səttar Bəhlulzadə haqqında”dır. Burada Anri Fujenonun, Mikayıl Abdullayevin, Rəsul Rzanın, Xəlil Rzanın, Bəxtiyar Vahabzadənin, Tağı Tağıyevin, Ömər Eldarovun, Toğrul Nərimanbəyovun, Vladimir Negitaylonun, Elmira Hüseynovanın, Anarın, Səlim Ədnanın, Ziyadxan Əliyevin, Qrirori Anisixovun fikirləri öz əksini tapmışdır. Başlıqlardan biri də “Səttar Bəhlulzadənin yaradıcılıq irsinin kitabxanalarda təbliği” adlanır. Vəsaitin sonunda ədəbiyyat verilmişdir.

Zümrüd

Səs.- 2009.- 29 sentyabr.- S. 12.