"Davamlı
İnkişaf" təşəbbüs
qrupu yaradıldı
Təşəbbüs qrupunda idmançı gənclər
və QHT nümayəndələri təmsil olunurlar
Məlum olduğu kimi,
ölkəmizdə Konstitusiyaya əlavə və dəyişikliklərlə
bağlı martın 18-də referendum keçiriləcək.
Bununla bağlı təşəbbüs qrupları
yaradılmaqdadır. Hər bir kəs ölkəmizin dinamik
inkişafı fonunda, bu dəyişikliklərin zəruriliyini
qeyd edir. Bu fakt isə onu göstərir ki, ölkə əhalisi
son beş il ərzində Prezident İlham Əliyevin rəhbərliyi
altında həyata keçirilən mühüm inkişaf və
tərəqqi siyasətinin davamlı şəkildə
reallaşdırılması və Azərbaycanın gələcəyinin
bundan sonra da etibarlı əllərdə olması
üçün konstitusiyada əlavə və dəyişikliklərə
böyük ehtiyac duyur.
Bunu keçirilən
bütün yığıncaq və toplantılarda səsləndirilən
fikir və təkliflər də sübut edir. Xalq bir şəxsin
iki dəfədən artıq prezident seçilməsini
qadağan edən bəndin aradan qaldırılmasının
vacib olduğunu martın 18-də keçiriləcək
referendumda bir daha ortaya qoyacaq. Bu bənd, ilk növbədə,
vətəndaşların hüquq və azadlıqlarının
məhdudlaşdırılması deməkdir. Deməli, yeni
inkişaf, hər şeydən əvvəl, yeni dəyişikliklər
tələb edir. Azərbaycan artıq ilk dəfə
keçirilən 1995-ci ilin noyabrındakı müddətdən
bəri xeyli dəyişib və inkişaf edib. Bu isə ciddi
dəyişikliklər tələb edir.
Dünən iki minə
qədər idmançının və QHT nümayəndələrinin
iştirakı ilə referendumla bağlı yaradılan təşəbbüs
qrupunun təsis yığıncağı keçirildi. Olimpiya
çempionu Elnur Məmmədli çıxış edərək
bildirdi ki, ölkəmizin hər yerində martın 18-də
keçiriləcək referendumla bağlı təşəbbüs
qrupları yaradılır ki, bu da xalqın Konstitusiyaya ediləcək
əlavə və dəyişikliklərə dəstək
verdiyini göstərir. Prezident İlham Əliyevin rəhbərliyi
altında ölkəmizdə olimpiya və idman hərəkatının
geniş vüsət aldığını deyən E.Məmmədli
bildirdi ki, son illər Azərbaycan idmanı misli görünməmiş
bir inkişaf dövrü yaşamaqdadır. 2008-ci il Afina Yay
Olimpiadasında Azərbaycan idmançılarının
uğurla çıxış etdiklərini deyən E.Məmmədli
vurğuladı ki, hazırda bütün gənclərimizin
idman hərəkatına qoşulması, ölkəmizdə mənəvi
və fiziki baxımından sağlam bir gəncliyin meydana
çıxdığını göstərir. O,
vurğuladı ki, martın 18-də bütün Azərbaycan
vətəndaşları kimi, idmançılarımız da
referendumda fəal şəkildə iştirak edəcəklər
və dəyişikliklərə səs verəcəklər.
Gənclərin nümayəndəsi
Ramin Əliyev isə, Azərbaycan gəncliyinin son beş il ərzində
böyük uğurlara nail olduğunu bildirərək, ölkəmizin
böyük inkişaf və dəyişikliklər
dövrünü yaşadığını bildirdi. O,
vurğuladı ki, ilk referendumun keçirilməsindən
ötən müddət ərzində, Azərbaycan təsəvvürəgəlməz
dərəcədə dəyişib və inkişaf edib. 2008-ci
il Yay Olimpiya Oyunlarının bürünc
mükafatçısı olan Fuad Aslanov çıxış
edərək bildirdi ki, hər bir inkişaf etmiş ölkə
kimi, Azərbaycanın da bu inkişafa uyğun olaraq öz
qanunlarını tənzimləməsi vacibdir. Konstitusiyaya əlavə
və düzəlişlərin, ilk növbədə, vətəndaşların
seçki hüquqlarının təmin edilməsi
baxımından böyük əhəmiyyət
daşıdığını deyən F.Aslanov, Azərbaycan
gəncliyini bu dəyişikliklərə səs verməyə
çağırdı. O, vurğuladı ki, martın 18-də
keçiriləcək referendum, Azərbaycan xalqının dəyişikliklərə
və inkişafa olan dəstəyini bir daha nümayiş etdirəcək.
Sonra 25 nəfərdən "Davamlı İnkişaf"
ibarət təşəbbüs qrupu yaradıldı. Olimpiya
çempionu E.Məmmədli təşəbbüs qrupunun rəhbəri
seçildi. Təşəbbüs qrupuna Dünya və Avropa
çempionu Xəzər İsayev, güləş üzrə
milli komandanın baş məşqçisi Ağayar Axundzadə
də daxil edildilər. Səbuhi Rzayev və Azər Cavadov, təşəbbüs
qrupunun səlahiyyətli nümayəndələri
seçildilər.
Səs.- 2009.- 20 yanvar.- S. 10.