"Azərbaycan
və Almaniya arasındakı akademik mübadilə, hazırkı
vəziyyət və perspektivlər" mövzusunda
konfras keçirilib
Konfransda ölkəmizi geniş tərkibdə
nümayəndə heyəti təmsil edib
Diaspora ilə İş
üzrə Dövlət Komitəsinin mətbuat xidmətindən
"Səs" qəzetinə verilən məlumata əsasən,
Almaniyada yeni yaradılan Azərbaycanlı Tələbələr
və Elmi İşçilər Birliyi "Azərbaycan və
Almaniya arasındakı akademik mübadilə, hazırkı vəziyyət
və perspektivlər" mövzusunda konfrasa qatılıb.
Konfransda Azərbaycanın
təhsil naziri Misir Mərdanov, Gənclər və İdman
naziri Azad Rəhimov, Milli Məclisin üzvləri R.Rzayev və
Əkrəm Abdullayev, Azərbaycanın Almaniyadakı səfiri
Pərviz Şahbazov, Almaniya Xarici İşlər Nazirliyinin Mədəniyyət
və Kommunikasiya şöbəsinin rəhbəri M.Kolber, Alman
Akademik Mübadilə Xidmətinin Mərkəzi və Şərqi
Avropa, MDB və Türkiyə üzrə qrupunun rəhbəri
Dr.G.Berghorn, Bundestaqın deputatları iştirak ediblər.
Konfransda Azərbaycanlı
Tələbələr və Elmi İşçilər
Birliyinin üzvlərindən Mannhaym Universitetinin doktorantı
Azər Babayev "Cənubi Osetiya müharibəsinin
Dağlıq Qarabağ münaqişəsinə təsirləri"
və Vürzburg Universitetinin tələbəsi Nicat Heydərov
"AB qonşuluq siyasəti proqramı və Azərbaycan
üçün bundan irəli gələn əməkdaşlıq
imkanları" mövzularında çıxışlar
ediblər. Hər iki çıxış Almaniya dövlətini
təmsil edən rəsmi şəxslərin böyük
marağına səbəb olub.
Daha sonra Berlində fəaliyyət
göstərən "Azərbaycan Evi"ində birliyin
toplantısı keçirilib. Tədbirdə birliyin sədri
Samir Abbasov Birliyin yaranmasının zəruriliyi və gələcək
perspektivləri haqqında ətraflı məlumat verib. Tədbirə
qatılan təhsil naziri M.Mərdanov və Milli Məclis
üzvləri R.Rzayev və Ə.Abdullayev azərbaycanlı tələbə
və elmi işçilərin problemləri ilə
maraqlanıb. Onların həlli yollarını birlik üzvləri
ilə ətraflı müzakirə ediblər.
Müzakirələrdən
sonra qurumun birillik iş planı təsdiqlənib. ATEİB
üzvlərinin növbəti görüşünün
Vürzburg Universitetində keçirilməsi qərara
alınıb. Bu barədə Vürzburg
Universitetinin professoru E.Hilgendorfla razılıq əldə edilib.
Kübra ƏLİYARLI
Səs.- 2009.- 23 yanvar.- S.10.