Qəhrəmanlar unudulmur

Məhəmməd Həsənov ömrünün 52-ci yayını yaşayır

Qarabağ Azadlıq Təşkilatı və Milli Qəhrəmanları Tanıtma İctimai Birliyi Azərbaycanın ərazi bütövlüyü uğrunda vuruşmuş Milli Qəhrəmanların cəmiyyətə bir daha təqdim olunması üçün təşəbbüs irəli sürüb.

Qəhrəmanlar unudulmur!

9 avqust Milli Qəhrəman Məhəmməd Həsənovun doğum günüdür. Məhəmməd Ələsgər oğlu Həsənov 1959-cu il avqustun 9-da Goranboy rayonu Qarasüleymanlı kəndində anadan olub. O, 1991-ci ildən Goranboy rayonu ərazisində bölük komandiri kimi düşmənə qarşı döyüşlərdə iştirak edib, həmin il dekabrın 9-da Todan kəndi uğrunda döyüşə rəhbərlik edib, onlarla erməni yaraqlısını məhv edərək kəndi düşməndən təmizləyib, sonra Mənəşli, Erkəc, Rus Borisi, Erməni Borisi, Qaraçinar, Talış kəndləri uğrunda qəhrəmanlıqla vuruşub. Onun rəhbərlik etdiyi batalyon keçmiş Şaumyan rayonunun erməni quldurlarından təmizlənməsində, Ağdərənin azad edilməsində xüsusi fərqlənib. Ehtiyatda olan polkovnik-leytenant Məhəmməd Həsənov hazırda Goranboy rayonu Veyisli kənd orta məktəbində direktor vəzifəsində çalışır.

"Şərq"in araşdırma qrupu

Məqalə Azərbaycan Respublikası Prezidenti yanında KİV-ə Dövlət Dəstəyi Fondunun maliyyə dəstəyilə hazırlanıb

Şərq.- 2011.- 10 avqust.- S.5.