Vətən sevgisinin düşmənə nifrəti

Qəhrəmanlıq Cavanşirin alın yazısıdır

Vətən! Ana bətnindəykən insanın varlığına məkan olan Vətən!

Sən insana Allahdan verilən haqsan! Səni atmaq-satmaq, itirmək-batırmaq cahillik olar. Səni atanlar, satanlar haqsız qalar.

Bu dünyanın ən böyük cəzasıdır vətənsizlik, Yurdsuzluq.

Ona görə də sənin uğrunda ölmək və öldürmək şərəf işidir. Təbii ki, Vətən onun üstündə yaşayan xalqın mənliyi - ləyaqəti deməkdir. Vətəndaş (əsgərlər) isə bu mənliyin keşikçisi, sipəridir.

Vətən işğaldadırsa millət vətən duyğularını önə çəkməli, Vətən sevgisini düşmənə nifrətə çevirməlidir.

Düşmənə nifrət müqəddəs hissdir. Millət, xalq uğrunda mübarizə apardığı işə məhəbbət, əleyhinə mübarizə apardığı işə nifrət bəsləməlidir. Nifrət olduqca güclü silahdır. Onu nifrətli münasibət yaradır. Mübarizə laqeyd və soyuq olanda nifrət həqiqətliyini itirir. Düşmənə bütün varlığınla kin bəsləməyi öyrənmədikcə ona qalib gəlmək, sadəcə, xəyal olaraq qalır.

Həqiqi nifrət üçün fədakarlıq, prinsipiallıq zəruri şərtdir. Nifrət sözdə, əməldə, arzu və onun zərərliyini tam ləğv etməyincə sakitləşib toxtamaq olmaz. Bu mənada düşmənə kompleks şəkildə nifrət bəsləyib, ona ruhi-psixoloji, maddi , iqtisadi, siyasi, fiziki, hərbi zərbələr vurmaq gərəkdir. Özü də gözlənilməz istiqamətdə. Çünki müharibədə döyüş uğrunda əsas şərtlərdən biri gözlənilməzlik faktorudur.

Tarixdən bəllidir ki, ermənilər Azərbaycana olan düşmən münasibətlərini zaman-zaman pərdələyiblər.

Erməni elə bir düşməndir ki, məğlubiyyəini hiss edən kimi qılığa, yaltaqlığa və özünü dost kimi qələmə verməyə çalışır. Amma düşmənə inanıb aldananlar məhvə gedir. İbrət ala bilmədiyimiz belə tarixi acı gerçəkliklərimiz çoxdan da çoxdur. Millətlər tarixinə nəzər salanda görürük ki, ağıllı millətlər düşmənini ayıltmamağa çalışır və lazımi şəraitin çatmasını gözləyir. Bu gözləmə müddətində isə öz nifrətini qarşısı alınmaz bir enerjiyə çevirir. Uğurlu düşmənçilik üçün əqli təcrübə əsas amildir. Əqli təcrübə işin necə nəticələnəcəyini öncə ağılda götür-qoy etməkdən ibarətdir. Bu hərəkət bütün variantları ağılla yoxlamaq məcburiyyətidir. Düşmənin əks hərəkət məqsədlərini, niyyətlərini nəzərə alıb, onları öncədən və ya məqamında heçə endirmək bacarığıdır. Əqli təcrübə düşmənə vurulacaq zərbələrin hətta mürəkkəbliyini də sadələşdirərək asanlaşdırır.

Düşmənə qarşı açıq və gizli çoxtərəfli şayiə müharibəsini şiddətləndirmək, bütün dünyada ona yönələn nifrətin tərkib hissəsi olan ikrah hissini tutarlı tarixi faktlarla formalaşdırmaq lazımdır. Bu ikrah hissi hər hansı psixi çatışmazlıqdan deyil, torpaqlarımızın işğalından gələn haqlı intiqam hissindən və düşmənin məhvə layiq olmasından doğmalıdır. Düşmənə qarşı müstəsna diqqəti silaha çevirməklə, onu unutmamaq çox vacibdir. Bu ciddi məsələdə diqqət xüsusi tərzdə tərbiyə edilib qüvətləndirilməlidir.

Mənə elə gəlir ki, Vətən çöllərində, düzlərində,- dərələrində bitən lalələr şəhidlərimizin qanlarından yaranır, bitir.

Qəhrəmanlıq ölməzlik nəğməsidir!

Ölməzlik zirvəsinə yüksələn qəhrəmanlardan biri də Rəhimov Cavanşir İzzət oğludur.

5 iyun 1973-cü ildə Qax rayonunun Qaşqaçay kəndində anadan olub. Ailəsi ilə birgə Bakıya köçən Cavanşir Suraxanı rayonundakı 104 saylı orta məktəbi bitirdikdən sonra təhsilini texniki-peşə məktəbində davam etdirir. İdman ustası idi. 1992-ci ildə hərbi xidmətə Azərbaycan hərbi-hava qüvvələrində başlayır. Hərbi vertolyotun bort atıcısı peşəsiinin sirlərinə yiyələnir. 1992-ci ildə səmaya qalxan Cavanşir bir neçə uğurlu uçuş keçirərək düşmənə ağır zərbələr endirir. Belə hava zərbələrinin birində isə Kasapet yüksəkliyi uğrunda gedən döyüşlərdə onun vertolyotu düşmən tərəfindən vurulur. Cavanşirin cəsədi hərbi hissəyə gətirilir. 1992-ci il sentyabrın 9-da Müdafiə Nazirliyinin əməkdaşlarının və valideynlərinin iştirakı ilə Cavanşiri Bakıda Şəhidlər Xiyabanında dəfn edirlər. O, subay idi.

Azərbaycan Respublikası Prezidentinin 14 sentyabr 1992-ci il tarixli 204 saylı fərmanı ilə Rəhimov Cavanşir İzzət oğlu ölümündən sonra Azərbaycanın Milli Qəhrəmanı adına layiq görülmüşdür. Bakıda Suraxanı rayonundakı 146 saylı orta məktəb onun adını daşıyır.

Suraxanı rayon Qaraçuxur qəsəbə parkında büstü qoyulub.

"Milli Qəhrəman" qəzetinin baş redaktoru Mirbəşir Seyidzadənin məsləhəti və dəstəyi ilə Cavanşir Rəhimov haqqında "Ömrün 19-cu anı" adlı sənədli film çəkilib.

Qəhrəmanlıq Cavanşirin alın yazısıdır.

Şərq.- 2011.- 29 iyul.- S. 5.