Paklığa
çağırış
Tanrını ruhunda gəzdirməyən şəxs,
Onu başqa yerdə heç tapa bilməz!
Ədalət
Tanrının nurudur, bilsən...
Səni dirildəcək
günahsız ölsən!
Gec başa
düşəndə günahımızı,
Zülmətdə qoyduq sabahımızı.
Qapısı açıqdır
Haqqın dərgahı...
Keçirmək olarmı ora günahı?!
Günahla sən ora üz tutsan
belə,
Cəhənnəm odundan dönərsən külə!
Ora övliyalar
məkanıdır, bil!
Haqqı dananların
meydanı deyil!
Əgər tövbə
edib, düz yola düşsən,
Müqəddəs qapıdan sən də keçərsən.
Tanrı bağışlayar
günahlarını
Çəkməzsən cəhənnəm
əzablarını!
Xoşbəxtdir günahın
anlayan hər kəs!
İlahi paklıqdan
çirkaba enməz!
Boş-boş xəyalların
nə mənası var,
Sahibin məqsədə çəkməsə
onlar.
Arzular əməllə
birləşsə əgər,
Yükü ya zər olar,
ya da ki
şəkər.
Pul yığmaq
arzusu baş qaldıranda,
Çox vaxt unudulur din də, iman da...
Arzular əməldən
irağa düşür,
Dəyər karvanları yüksüz ötüşür.
Nə qədər
çox olsa pulun dəyəri,
Zirvələr fəth edər elin hünəri.
Xeyir-bərəkət də puldan başlanır...
Pulun ilk dəyəri zəhmət
adlanır.
Zəhmət dəyərindən
düşdüyü zaman
Ölkədə başlanır
təşviş-ölüm, qan...
Fitnəkar quldurla dəyərə cumar,
Çal-çağır başlanar
rüşvət elində,
Salarlar kəməndə
haqqın divin də...
İsraf qənaətə
nökər olmasa,
Zərin misə
dönər, batarsan yasa!
Qənaətlə israf düşməndir hər
an-
Biri ev tikəndi, biri ev yıxan.
Qənaət möminlik
əlamətidir,
Varlının yoxsula mərhəmətidir.
Qənaət etməsən
sən çoxa, aza,
İsrafa qurşansan,
çıxmazsan yaza!
Qənaət hər kəsin şahlıq tacıdır,
İsrafa qurşansan vicdan acıdır.
Bədxərclik israfın
son zirvəsidir,
Evinə tuşlanan
top gülləsidir!
Mərhəmət eyləyən
- mərhəmət görər,
Etibar, sədaqət,
xoş ülfət görər!
Nadanlar nə ülfət, məhəbbət
qanar,
Saxta şan-şöhrətin oduna
yanar.
Nə millət
tanıyar, nə dövlət, nə din,
Çəkməz qayğısını
namus, qeyrətin
Alıb-aldatmağı fəxarət
sanar,
"İgidlik",
"qoçaqlıq", "cəsarət" sanar...
Qayğı ədalətlə
qoşa qanaddı-
İnsanlıq onlarla kamala çatdı.
Qayğı saf vicdanın çırağıdır,
bil,
Sözlərə nur versə o, sönən deyil,
Sahibin ucaldar Haqq dərgahına,
Əziz bəndə
olar şahlar-şahına!
Qayğını, zəhməti
itirən insan,
Sağ çıxmaz
həyatda fırtınalardan!
Qayğı şərəfinə
ucalsa hər kəs,
Onu tufanlar da endirə
bilməz.
Qayğılar yaşatdı
Zeynalabdini,
El saldı tarixə o gül adını.
Halal yaşamasa
insan övladı,
Canlı bir meyitdir, diridir
adı.
Halallıq hər kəsə mayadan gələr,
Nəsildə parlayan ziyadan gələr..
Paklıq mayadan gələr,
Abır-həyadan gələr...
Təmiz nəsildən
kökdən,
Nurdan, ziyadan gələr!
Tamah - saf vicdanın ilk bəlasıdır,
Bütün pisliklərin mübtəlasıdır.
Əvvəlcə vicdanı
öldürür tamah-
Ürəyi fəsadla doldur tamah.
Tamah qılıncını
çıxarsan qından,
Sonda öz boynunu vuracaq, inan!
Tamahın yolları
hər yandan keçir-
Fitnədən, fəsaddan, talandan keçir.
Məmurlar açanda
tamah yelkəni,
Yad-yağı hədəfə alar ölkəni.
Hər şeydən
qorxuncdur məmur tamahı,
Ümidsiz, inamsız qoyar sabahı.
Vəzifə dönəndə
rüşvət rənginə,
Elin var-yoxunu alar cənginə.
Tamahdan başlanan
xəyanət yolu-
Haqqın, ədalətin qırılan
qolu.
Vətən taleyini həll edən hər kəs,
Rüşvətlə faydalı
iş görə bilməz!..
Rüşvət də tamahın törəməsidir,
"Cəhənnəm
şamı"nın
yağ - piltəsidir.
Güc tapıb
tamahın yükünü
atsan,
İnsanlıq fövqünə ucalacaqsan.
Harda açılarsa
rüşvət çiçəyi,
Ordan itkin düşər Haqqın Mələyi!..
Coşub-çağlayanda rüşvət
havası,
Ovutmaz körpəni ana laylası.
Rüşvət tarlasının
gətirdiyi bar -
Kəndliyə göz dağı, məmura anbar.
Harada açılsa
rüşvət bazarı,
Orada qazılar
haqqın məzarı
Nə millət
tanıyar, nə dövlət, nə din,
Rüşvətsiz çatlayar
goru rüşvətin!
Həqiqət qılıncı
çıxmasa qından,
Rüşvətin oduna yanacaq cahan.
Gah sellər
basacaq kəndi, şəhəri,
Göylərdən yağacaq
od zərrələri.
Gah qışda
yanacaq meşələr,
bağlar,
Gah yayda basacaq yolları buz, qar!..
Niyazxan Səfərli
Təzadlar.- 2010.- 7 avqust.- S.11.