Qarabağı azad eliyək

Deyirəm, gəlin "bu il" torpağı azad eliyək,

Gedib o əsir yurdu heç olmasa yad eliyək,

Nə ATƏT, nə BMT, a kişi, bəsdi daha,

Dığalardan bostanı, həm bağı azad eliyək,

Durun, qalxıb ayağa, Qarabağı azad eliyək.

Yatmaqdan qançır olacaq sağımız, həm solumuz,

Tutulub dizlərimiz, düşəcək zordan qolumuz,

"Ya ölüm, ya Qarabağ" olmalıdı son sözümüz,

Beləcə birdəfəlik, könülləri şad eliyək,

Durun, qalxıb ayağa, Qarabağı azad eliyək.

Torpağında qızıl, civə... Kəlbəcər talan edilir,

İstisu, nadir meşə, hər nə var viran edilir,

Qəbrim, qəbiristanım, dörd yanım şuman edilir,

Sinədən çalın-çarpaz bu dağı azad eliyək,

Durun, qalxıb ayağa, Qarabağı azad eliyək.

Nə qədər "Qaçqınkom"dan bağlama gözlər gözümüz?

Dünyaya car çəkməkdən qabar olubdu dilimiz,

Bir tərəf Zəngəzurdu, İrəvandı yurd yerimiz,

Ağdamı, Qubadlını, Qoç dağı azad eliyək,

Durun, qalxıb ayağa, Qarabağı azad eliyək.

Xocalı ürək yaram, dardadı Şuşam, Laçınım,

Fizuli, Zəngilanım, bulanıb başdan Xaçınım,

Bunu hər kəs bilir ki, türk olmaqdı bu gün suçum,

Sarılıb top, tüfəngə yaylağı azad eliyək,

Durun, qalxıb ayağa, Qarabağı azad eliyək.

Əyə bilməz qolunu, kimsə bu türk millətimin,

Çün müqəddəsdi dini, Məhəmmədin hümmətinin,

Çıxmalı axırına erməninin niyyətinin,

Təpəni, həm dərəni, həm dağı azad eliyək,

Durun, qalxıb ayağa, Qarabağı azad eliyək.

Dönməzin çoxdandı ki, eşidilmir səs-sorağı,

Dibindən kəsilməli köçəryanların qulağı,

Orduya əmir verək tamamlasın son sınağı,

Yenidən toy-düyünlü növrağı azad eliyək,

Durun, qalxıb ayağa, Qarabağı azad eliyək.

A.Dönməz

Təzadlar.- 2010.- 13 fevral.- S.15.