Cəlal dayı

"Yaxşıdan yaman olmaz" silsiləsindən (Bakı tikinti və şəhərin inkişafı şirkətinin baş direktorunun birinci müavini, el ağsaqqalı, böyük ürəkli vətəndaş, xeyirxah insan Cəlal Bilal oğlu Qurbanovun 75 yaşının tamam olması münasibətilə)

Xətrin əziz, bəxtin iti,

Xeyrə təkan Cəlal dayı.

Qazanmısan bu hörməti

Cavan ikən, Cəlal dayı.

Qoşulmadın axınlara...

Dost oldun mərd-yaxınlara,

Ağıl ver ev yıxanlara,

Evlər tikən Cəlal dayı.

Bu daş dünya daş çətənə,

İpək hördün daş çətinə...

Daş qəlblərin zülmətinə

İşıq çəkən Cəlal dayı.

Daş atmadın daş atana,

Atmadın ki, daş utanar...

Yaş tişəylə daş kətana,

Ömrü çökən Cəlal dayı...

Qəmə könül verməyəsən,

Heç bədəsil görməyəsən,

Gül arzundan dərməyəsən

Qaratikan, Cəlal dayı.

Qıymadın şah qürur sına,

Həsədin yox çox ad-sana...

Yalnız ürək arzusuna

Sən göz dikən, Cəlal dayı...

Qəlbin bir haqq aynasıdır,

Ruhun eşqin mənasıdır,

Tək yaxşılıq dünyasıdır,

Sənə məkan, Cəlal dayı.

Yaşatmısan düz ilqarı,

Yüzdən də çox yaşa barı!..

Doğma sandın Nəğməkarı,

Dostluğa kan Cəlal dayı.

Yusif Nəğməkar

Təzadlar.- 2010.- 27 fevral.- S. 15.