Rüstəm Behrudiyə açıq məktub

(Zəng etdim, telefonu götürmədin. Xətlərini kəsiblər, yoxsa dolanbaclarda qalmısan?)

Tanrı Dağından

gəlib,

Haqqa sığınan

Dərviş,

Cismin Dağdan güc

Almış,

Ruhun göydən

pərvəriş!

Götürüb babaların

söz dolu xurcununu

"Şaman duaları"nla

Düzəlmisən yollara,

Yolların oymaq-

oymaq,

yolların hey

Kəndbəkənd,

Ya Urmiya,

Ya Dərbənd!

Uşaqçın "Yurd

nağılın",

Böyükçün "Qurd

nağılın",

Anlayan kim,

qanan kim,

Haqq oduna yanan kim,

öz əslini danan

kim!?

Şair qardaş

naola de

Sən "göydənmi gəlmisən?"

Haraya gəldiyini

Hələ də bilməmisən?!

Tülkülü, canavarlı,

çaqqallı, havadarlı,

Bir az məmur

havalı,

Bir az da

deputatlı,

Bir az rüşvət

soraqlı,

Məclisləri araqlı,

Katibəli, "oxranlı",

Kişilər zamanında

Sən haqqın sorağında?!

Haqqın yolu daş-kəsək

Göz yaşın ətək-ətək!

Efir məkanlarında

Vədə dolu siyasət

Siyasətin yanında

Rüşvət dolu cinayət!

Şairlər də çaşıbdır

Bu savaş meydanında;

Beş mərtəbəli evin

Lap yeddinci qatında

Anar qibləni tapmır!

Zəlimxan isə yatmır;

İndi də mədhlər yazır

Peyğəmbərin adına

Bəlkə tanrı yetişdi

Rəiyyətin dadına!

Rüstəm qardaş

naola de,

Sən "göydənmi gəlmisən?"

Haraya gəldiyini

Hələ də bilməmisən?!

Bu yer fərqli

cahandır,

Hər iş bir

imtahandır.

İmtahan götürənin

sağ-soldışı

şeytandır.!

Şeytan dolu

məkanda

Füzulilər döyülüb,

Nəsimilər soyulub.

ölməyini çox görüb

Doğmaca vətənində

Sibirə göndəriblər

Cavid əfəndini də!!

Seyidi qanmayıblar,

Sabiri qanmayıblar,

Gizli qoqqalarıyla

Şıxəlini kül edib

Gör necə yandırıblar

Tarixi dondurublar!

Sənsə haqq axtarırsan

Dağda, daşda, kəsəkdə,

Göz yaşların ətəkdə!

Görə-görə dərdləri

Götürüb babaların

Söz dolu xurcununu

Düzəlmisən yollara.

Ah, bu necə sənətdir,

Sənə sənət qəhətdir?!

"Şaman duaları"nla

Bu millətin

dərdini

Yaza-yaza gedirsən,

Gör ki, nələr

edirsən!

Sənə salamlar olsun

Ey boz qurdlu ruhların

Nəğmə qoşan sirdaşı,

Millətin qan yaddaşı!i

Amma öz aramızdır,

"Göylərdən gələn" qardaş,

Bu yerlər çox gözəldir,

özəllikdə əzəldir!

Burda Nizami şeri,

Füzuli qəzəli var,

Sefidin kəlamları

Alimin muğamları,

Millətin haqq

səsi var!

Qarabağ naləsi

var!

Bura dahilər

yurdu,

Qıratlar

oylağıdır.

Mil-muğan,

Kəlbəcəri,

Bata-bat

yaylağıdır.

Bu yerin

mayasında

Mübarizə

dayanır-

Qılıncdan qələmədək!

Döyüş-vuruşlar

bitməz

Millət oyananadək!

Tanrı dağından

gəlib

Haqqa sığınan

Dərviş,

Cismin Dağdan

güc almış,

Ruhun Göydən

pərvəriş.

Götürüb

babaların

Söz dolu

xurcununu

"Şaman duaları"nla

Düzəlmisən

Yollara-"qandal dəymiş qollara".

Babalar

söykənmişkən

Dünya belə

qalamaz

Dəyişəcəkdir

gərdiş,

Sənə uğurlar

olsun

Bu savaş

meydanına

Tanrı Dağından

gəlib

Haqqa sığınan

Dərviş!

Mustafa Qulə Bala

Təzadlar.- 2011.- 27 dekabr.- S.15.