BƏYƏNMƏYİR
Sən dünyanın işinə bax,
Əyri düzü bəyənməyir.
İş o yerə çatıbdır ki,
Astar üzü bəyənməyir.
Haqqımızı kimdən alaq,
Az qalıbdır dəli olaq.
Başımıza nə daş salaq,
Nadan bizi bəyənməyir.
İnsanların üzü dönük,
Həyat eşqi solğun, sönük.
Bu cəmiyyət xarab, çürük,
Görən gözü bəyənməyir.
Qəlbimizin odu yoxdur,
Suyumuzun yodu yoxdur,
Ağzımızın dadı yoxdur,
Damaq duzu bəyənməyir.
Gözlərimiz intizarda,
Xətir-hörmət yox heç harda.
Yanıb-yanıb qurtaranda,
Ocaq közü bəyənməyir.
Hamı işə biganədir.
Görün hansı
zəmanədir,
İndi hər şey tərsinədir,
Qarı qızı bəyənməyir.
Dövrümüzün çətin
vaxtı,
Ağır gedir hər saatı.
Cəfakeşli bu həyatı,
İlham özü bəyənməyir.
DANIŞAR
Bir məmura
ithaf edirəm
Məəttəl qalmışam
öz-özümə mən,
Bu insan nə qədər
yalan danışar.
Göz-gözə, üz-üzə
baxıb qırmızı,
Yüksək bir kürsüdən böhtan danışar.
Qeyrətli oğullar
düzdü çox olur,
Düşmənin gözünə
xəncər, ox olur,
Bir buna tuş gələn yalnız yox olur,
Hamıya şər atıb, hədyan danı\şar.
İlham görə-görə
fəlakətləri,
Çatdıra bilmirik həqiqətləri.
Tanrım bağışlamaz
cinayətləri,
Vaxt gələr bunları zaman danışar.
QALMAYIB
Son vaxtlar
zəmanə kəskin
dəyişib,
Daha əvvəlki tək hörmət qalmayıb.
Hamı bir-birinin
üzünə durur,
Heç kəsdə nə insaf, mürvət qalmayıb.
Millətə olmazın
yalan satıblar,
Şirin vədlər verib, çox aldadıblar.
Ölkəni talayıb,
lap dağıdıblar,
Beləcə, var-dövlət, sərvət
qalmayıb.
Açıq görə-görə
olmuşuq lal-kar,
İtibdir bizdəki əzəmət,
vüqar.
İlham, danışmağın
nə mənası var,
Torpaq əldən gedib, qeyrət qalmayıb.
1993-cü il.
DANIŞA-DANIŞA
Birisi var gecə-gündüz,
Qalıb danışa-danışa.
Başımızı zülmə-ərşə
Salıb danışa-danışa.
Batırıb ad-sanımızı,
Zəhərləyib qanımızı,
Əzrail tək canımızı
Alıb danışa-danışa.
Çöl donuzu, kəli kimi,
Əl çəkməyir
zəli kimi,
Son zamanlar
dəli kimi
Olub danışa-danışa.
Başımızı təmiz
qatıb,
El-obanı yeyib, satıb.
Amma deyən
axrı çatıb,
Solub danışa-danışa.
Hər şey bizə tam əyandı,
İlham, başqa bir zamandı.
İndi halı
lap yamandı,
Ölüb danışa-danışa.
İlham MUSAOĞLU
Təzadlar.- 2011.- 19-21 may.- S.15.