MÜSTƏQİL ÖLKƏNİN VƏTƏNDAŞIYAM

(Azərbaycan Respublikasının Dövlət müstəqilliyinin iyirminci ildönümünə ithaf edirəm)

Fəxr edirəm böyük sevinc içində,

Ana yurdun bir adicə daşıyam.

Arzulanan belə gözəl bir gündə,

Müstəqil ölkənin vətəndaşıyam!

Bağ-bağçası qönçə açıb güllənən,

Sünbülləri dalğa-dalğa tellənən,

Tar-kamanı "Muğam" üstə dillənən

Müstəqil ölkənin vətəndaşıyam!

Gündən-günə tərəqqiyə yol açan,

Günəş kimi könlümüzə nur saçan.

Qartalları əhgin səmada uçan,

Müstəqil ölkənin vətəndaşıyam!

Köksündə yer verən olsa haralı,

Öz Odlar Yurdum var qonaq-qaralı.

Qızları qeyrətli, dünya maralı,

Müstəqil ölkənin vətəndaşıyam!

Söndürə bilmədi hər yerdən yağı,

Yandı evimizdə haqqın çırağı.

İndi qoya bilən dağ üstə dağı,

Müstəqil ölkənin vətəndaşıyam!

Dünyada tanınan,sevib-seçilən,

Özünün şərəfli yolu keçilən,

Bu yoldan dönmərik!Andı içilən

Müstəqil ölkənin vətəndaşıyam!

Üç rəngli bayrağı gur dalğalanan,

Səmalar qoynunda ulduztək yanan.

Sınaq meydanında məğrur dayanan

Müstəqil ölkənin vətəndaşıyam!

İndi bambaşqadır çiçək də,gül də;

Nəğmələr səslənir azad könüldə.

Xarüqə yaradan iyirmi ildə

Müstəqil ölkənin vətəndaçıyam!

Əjdər Qiyaslı,

iqtisadçı alim, şair

Təzadlar.- 2011.- 18 oktyabr.- S.9.