Mübarək

Akademik, Azərbaycan MEA-nın prezidenti, böyük ziyalı Akif Əlizadənin ad gününə

Akif-akademik, səmimi, sadə,

Həssas, alicənab, dəyanətli, mərd.

Ondakı bacarıq, bilik, iradə

Göyün göndərdiyi ən ali qismət!

Təhsil illərinin qızğın çağında

Sevən və sevilən dostumuz olub;

Meysarı tərəfdə, Lütrə dağında

Lay, süxur tanıyan “usta”mız olub.

Məramı tərtəmiz, qərarı qəti,

Bütün sınaqlardan çıxıb üzüağ;

Tamilla xanımın ilk məhəbbəti-

Akif ürəyindən od alan çıraq.

Adının mənası yorulmaz, fəal...

Adına yaraşır xasiyyəti də.

Az deyil müəmma, sirr, çətin sual,

Akif qayğıları artır get-gedə.

Mezazoy-çox qədim, sehrli qatlar,

Akifi cəlb edib nə vaxtdan bəri;

Aləmə səs salan şah əsəri var-

“Təbaşir dövrünün belemnitləri”

Şimal alqışlayıb, cənub səsləyib,

Təbriz gündəliyi salnaməyə tən.

Sözünü inamla, ilhamla deyib

Hamburq, Kopenhagen kürsülərindən.

Samir-unudulmaz fədakar oğlu,

Samir xatirəsi müqəddəs, əziz.

Gənc ikən torpağa tapşırdıq onu,

Bu ağır itkiyə dözmək - çarəmiz.

Gənc, fəal, əlaçı, tələbə idik,

Səksəndən doxsana doğru gedirdik.

Zaman nəhayətsiz, xatirə min-min!

Ad günü mübarək mütəfəkkirin!

Oqtay Rza,

şair, Əməkdar müəllim

Təzadlar.- 2015.- 24 fevral.- S4.