Cəmi on doqquz il yaşadı...
Sənan
Əkbər oğlu Rüstəmov 1973-cü il yanvarın 11-də
Ağdam şəhərində
dünyaya göz açmış, burada böyüyüb ərsəyə
çatmışdı. Şəhər 2 saylı məktəbdə
oxuduğu dövrdə
o, idmana böyük maraq göstərmiş və idmançı kimi yetişmişdir.
O, dəfələrlə respublika
çempionatında doğma
Ağdamın adını
qaliblər sırasına
yüksəltmiş, yarışlarda
uğurlar qazanmışdır.
Sənan musiqiyə də böyük həvəs göstərmişdi. Qarmonda ifa etdiyi xalq mahnılarını, bəstəkar əsərlərini
dinlədikcə bu gənc oğlanın barmaqlarının yaratdığı
möcüzələrə vurulmamaq olmurdu. Beləcə,
idmançı musiqili
bir ömür yaşadı. Və bu
şən, şaqraq həyat pozulanda onun cəmi 15 yaşı vardı.
1988-ci ildə Qarabağın
başının üstünü
qara buludlar alanda Sənan ağlına belə gətirməzdi ki, nə vaxtsa o, vətən uğrunda həlak olacaq, şəhidlik kimi uca bir zirvəyə
yüksələcək.
Sənan
cəmi 19 il
yaşadı. Amma bu on doqquz ili böyük bir tarixi ömür
yaşadı. Günlərin birində ermənilərin
Gülablıya hücum
etməsindən xəbər
tutub. Və hərbi hissəyə
yollanıb, kəndin müdafiəsinə gedən
dostlarına qoşulub.
Elə bu vaxt bizim vertolyotlardan
biri düşmən tərəfindən vurulur. Paraşütlə atılan heyətin düşmən əlinə
keçəcəyini görən
Sənan bir neçə döyüşçü
ilə onları xilas etmək üçün irəli atılır. Podpolkovnik azad
edilir. Sənan ağır yaralanır.
Və bu yaralar...
Ağdamda Şəhidlər Xiyabanında
bir məzar var. Bu məzarda 19 yaşlı bir gənc uyuyur
- Sənan Əkbər
oğlu Rüstəmov. Bu gün yaşasaydı, Sənanın 41 yaşı
tamam olacaqdı.
Amma o, 19
yaşında əbədiyyətə
qovuşdu. 22 ildir gedib onun
məzarını ziyarət
edə bilməsək
də, Allah Əkbər
müəllimə ömür
versin, o məzarların
hamısını ziyarət
edək.
Surxay Əlibəyli
Təzadlar.- 2015.- 10 yanvar.- S.13.