Gözəllik gözəlliyə gözəlliklə
yanaşmağı da gözəlləşdirir
“Təzadlar” qəzetinin
baş redaktoru Asif Mərzili 55 yaşına çatdı. Təbrik yüklü
duyğuların qələmə
alınması vacibliyi
doğur. Asif bəyi
baş redaktoru olduğu qəzetdə öymək etikayla, səmimiyyətlə nə
qədər uyğunsuz
olsa da, ad günü amili buna uyğunluq gətirir. Anlamaq üçün təbii ki, anlamaq qabiliyyəti gərəkdir.
Məncə, Asif Mərzilinin “Təzadlar”da göstərdiyi
hələlik son 20 illik
qəzetçilik fəaliyyəti
əvvəlki həyatının
35 ilində göstərdiyi
bütün fəaliyyətindən
daha üstündür. İnsanlara öz
halal haqqını vermək lazımdır.
Təbii
ki, mən haqverən böyüklüyündə
deyiləm. Amma bunu
heç olmasa, sözlə dilə gətirmək də bir haqdır. O, Qarabağın Ağdam rayonunun Mərzili kəndindən rəhmətlik
Millət kişinin oğlu olub. Bu konkret genetik
kodlu ünvan dəyişməz qalmaqla Asif Mərzili həmin konkretliyə ictimai miqyas qazandıraraq adını,
namını Azərbaycanın
övladı səviyyəsinə,
statusuna ucaldıb.
Bunu “Təzadlar”ın
ən azı 20 illik arxivi və
Asif Mərzilinin cəmiyyətdəki nüfuzu
deyir. Riyaziyyatçı alimlərin fikrinə
görə, dünyada
baş verən hadisələr, proseslər
qanunauyğunluqlardır. Nə olacaqdırsa olur və olacaqlar olmuşların izi ilə gedir. Asif Mərzilinin ad günü
elə “Təzadlar”ın
da ad günü kimidir. Bu baxımdan,
“Təzadlar” qəzeti
haqqında düşüncələrimizi
misralayaq ki, bu elə Asif
Mərzilinin də haqqında da söz demək kimi alınsın.
GÖZƏLLİK GÖZƏLLİYƏ
GÖZƏLLİKLƏ YANAŞMAĞI DA
GÖZƏLLƏŞDİRİR.
Dəyişməyən dəyişmənin
özüdür
Qılınctək o saysız çəkic
yemişdi,
Azərbaycan dərdin mənimsəmişdi.
Aylar, illər ötdü, zaman dəyişdi,
“Təzadlar” dəyişmədi!
Sanma bu anlayış çox müşkül işdi,
Şaxtada üşüdü, istidə
bişdi.
Kimlər ilişmədi, kimlər ilişdi?
“Təzadlar” dəyişmədi!
Çağrı haqdan isə bu yüksəlişdi,
Tələb məqamında bir yönəlişdi.
Polad sındı, hava mülayimləşdi...
“Təzadlar” dəyişmədi!
Qarabağ günahı çoxluğa
düşdü,
Haqdan bağı
qopan yoxluğa düşdü.
Beyinlər də ayaq kimi sürüşdü…
“Təzadlar” dəyişmədi!
Zənn
etmirəm göydən
gələn gərdişdi,
Yurd-yuva unutmaq bizdə vərdişdi.
Bunu mən demirəm, bir görsənişdi…
“Təzadlar” dəyişmədi!
Sözardı...
Dahi Nizami Gəncəvi deyir ki, əlinə bir imkan düşübsə,
o imkanı iki-üç
və daha çox imkana çevirməyə çalış. Düzü,
vaxt və s. məhdudluqdan mətbuata hələ ki az-az çıxıram. Ona görə də yuxarıdakı yazıya “sözardı”nı da əlavə etsəm, məncə, bu böyük yazı xətası olmaz.
Olimpiya oyunlarına
gələcək xaricilər
yalnız Gənclər
və İdman Nazirliyinin, Azərbaycanda möhtəbər insanların
deyil, eyni zamanda xalqımızın
qonağı sayılacaq. Çünki onlar gedəndən sonra təkcə dövlətimiz barəsində
yox, həmçinin öz ölkələrində
xalqımız haqqında
yeni-yeni fikirlər formalaşdıracaq, rəylər
yayacaq. Məncə, mətbuat və
televiziyamız bu ciddi mövzunu bayağılaşdırmadan yetərli
ağırlığı ilə
daha geniş təfərrüatla önə
çəkməlidir. Biz güclü silah
olan tolerantlığımızı
qabartmaqla, yüksək
mədəniyyət və
silsilə önləyici
tədbirlərlə vətənimizin
işğala məruz
qalmaq cəzasına qətiyyən layiq olmadığımızı bütün
dünyaya əməllə
sübut etməliyik.
Olimpiya oyunları bunun üçün olduqca yaxşı imkanlardan biridir. Yəqin ki, televiziya,
mətbu orqanlar kimi, “Təzadlar” qəzeti də bu istiqamətdə yeri gəldikcə öz üzərinə düşəni edib, vətəndaş məsuliyyətini
gerçəkləşdirməyə çalışacaq. Bu bir vəd deyil,
mənəvi, siyasi, ideoloji və hətta bəşəri öhdəlikdir. Pulla
çox şeyi həll etmək olar, amma hər
şeyi yox! Təbliğat və informasiya
savaşı “görüm-baxım”dan
çox, böyük
söz deyə bilən təb əhlinin işidir. Biz barış, sülh
tərəfdarıyıq. Amma bizə dava açanların da önündən qaçan
deyilik.
2015-ci ilin sərt küləkli yanvar çovğunu nəyin əlamətidir? Bu il - Azərbaycanın neqativlər fonuna cəzalarla, pozitivlər fonuna isə səmimiyyətlərlə səciyyələnəcək. Rusların bir məsəli var: “Yaşayarıq, görərik”.
Nizami SÜLEYMANOĞLU
Təzadlar.- 2015.- 10 yanvar.- S.11.