IV İslam Həmrəylik Oyunları zamanı tibbi xidmətə könüllülər cəlb olunacaq

Mayın 12-dən 22-dək ölkəmizdə keçiriləcək IV İslam Həmrəylik Oyunları zamanı tibbi xidmətin təşkili məqsədilə 600-ə qədər könüllü, o cümlədən Azərbaycan Tibb Universitetinin (ATU) 200-ə qədər tələbəsi cəlb ediləcək. Bu məqsədlə ATU-nun Tədris Cərrahiyyə Korpusunda təlimlər keçirilir.

Bu barədə məlumat verən İslam Oyunları Təşkilat Komitəsinin baş tibbi məsləhətçisi Samir Zeynalov bildirib ki, bütün könüllülər fevral-mart ayları ərzində müxtəlif tibbi təlimlərə cəlb olunacaqlar. Artıq 360 tibbi yardım könüllüsü ən müasir təlim və tədris avadanlıqlarından istifadə olunan təlimlərə qatılıb. Onlar oyunlar zamanı ilkin tibbi yardımın strukturu, təşkili haqqında məlumatlandırılıb, praktiki vərdişlərə yiyələniblər.

Tibb qəzeti.-2017.-fevral-mart.-S.5.