“Gənclər ekoloji inkişaf uğrunda”

Bakıda keçirilən beynəlxalq elmi-praktiki konfransın yekun qətnaməsi qəbul olunub

Bakıda keçirilən “Gənclər ekoloji inkişaf uğrunda” beynəlxalq elmi-praktiki konfransın yekun qətnaməsi qəbul olunub. Bu haqda Gənclər və İdman Nazirliyində (GİN) beynəlxalq tədbirə həsr olunmuş mətbuat konfransında məlumat verilib. GİN-in gənclərlə iş şöbəsinin müdiri Fərhad Hacıyev bildirmişdir ki, yekun sənəddə ekoloji problemlərin birgə həlli, gənclərin bu problemlərə diqqətinin cəlb olunması, dövlət qurumlarının QHT-lərlə sıx əməkdaşlığı, elmi institutların daha aktiv fəaliyyət göstərməsi, ekoloji mövzuda araşdırmaların genişləndirilməsi, sahibkarların, iş adamlarının, ümumiyyətlə, vətəndaş cəmiyyətinin bu problemlərin həllində iştirakı kimi məsələr öz əksini tapıb.

Xatırladaq ki, “Gənclər ekoloji inkişaf uğrunda” beynəlxalq elmi-praktiki konfransı “Ekologiya İli” çərçivəsində Azərbaycan Gənclər və İdman, Ekologiya və Təbii Sərvətlər nazirlikləri, AMEA və BMT-nin Uşaq Fondunun (UNİCEF) təşəbbüsü ilə keçirilib. Tədbirdə dünyanın 13 ölkəsindən 150-ə yaxın gənc alim, tədqiqatçı iştirak edib.

Elməddin

Üç nöqtə.- 2010.- 13 noyabr.- S. 12.