«Eurovision»a görə restoran xidmətinin səviyyəsi
artırılmalıdır
Gələn ilin mayında
Bakıda təşkil
olunacaq «Eurovision – 2012» mahnı
müsabiqəsinə hazırlıq
prosesi davam edir. Bu məqsədlə yaradılan təşkilat
komitəsində təmsil
olunan nazirlik və idarə-təşkilatlar
onlara həvalə olunan səlahiyyətlər
çərçivəsində müvafiq işlər görürlər. Məsələn, İqtisadi İnkişaf Nazirliyi müsabiqədə
iştirak edəcək
turistlərə təqdim
olunması üçün
Azərbaycana məxsus
suvenirlərin hazırlanması
üzrə investisiya müsabiqəsi elan edib. Rabitə və İnformasiya
Texnologiyaları Nazirliyi
müsabiqə zamanı
telefon, poçt,
internet xidmətlərin tətbiqi
zamanı bir sıra yeniliklər edilməsi üçün
hazırlıq işlərinə
start verib. Mədəniyyət və Turizm Nazirliyi müsabiqə zamanı Azərbaycanda fəaliyyət göstərən
bütün otellərin
onlayn bronlaşdırma
şəbəkəsinə daxil olacağını vəd edir. Nazirlikdən
verilən məlumata görə Bakı Turizm İnformasiya Mərkəzi nəzdində
bu şəbəkə
uzun müddətdir çalışır. Bunu türkiyəli
mütəxəssislər həyata
keçirir. Doğrusu, bəzi
otellər o şəbəkəyə
daxil olmaqdan hələ çəkinirlər.
Lakin nazirlik rəsmiləri düşünürük ki,
otellərin hamısı
bu şəbəkəyə
qoşulacaq.
Bu sistemin tamamlanması həm Bakıda keçiriləcək
«Eurovision-2012» yarışması, həm də Azərbaycanda turizminin inkişafı baxımından
vacib sayılır. Nazirlikdən bildirdilər ki,
«Eurovision-2012» mahnı müsabiqəsi
öncəsi paytaxt otellərinin qiymətlərində
artım olmaması üçün otel rəhbərləri ilə
danışıqlar aparılır.
Müsabiqə öncəsi otel
qiymətləri ilə
bağlı hazırda
razılaşmalar gedir.
Azərbaycan Turizm Assosiasiyası
bu işlə ciddi məşğuldur və lazımi işlər görülür.
Standartlaşdırma, Metrologiya və Patent üzrə Dövlət Komitəsi isə «Eurovision-2012» mahnı
müsabiqəsi ilə
əlaqədar olaraq Mədəniyyət və
Turizm Nazirliyi ilə birlikdə Azərbaycanda fəaliyyət
göstərən otel
və restoranlarda monitorinqlər aparacaq. Artıq əksər aparıcı
otel və restoranlara məktub göndərilib ki, fəaliyyətlərini və
xidmət səviyyələrini
müəyyən vaxta
qədər qəbul olunmuş beynəlxalq standartlara uyğunlaşdırsınlar.
İki aydan sonra monitorinqlərə
başlanılması gözlənilir.
Mütəxəssislərin fikirlərinə görə, «Eurovision-2012» mahnı
müsabiqəsi ilə
əlaqədar olaraq hazırlığın ən
vacib elementi gələn turistlərə
xidmət göstərəcək
restoranlarda keyfiyyətin
yüksəldilməsidir. Heç kəsə sirr
deyil ki, ölkəmizdə, bir çox restoranlarda xidmətin səviyyəsi
nəinki, beynəlxalq,
heç elementar standartlara cavab vermir, yeməklərin keyfiyyəti çox aşağı, qiymətlər
isə bahadır.
Bu prosesin müsabiqə
günlərində davam
etməsi arzuolunmaz nəticələrə gətirib
çıxara bilər.
Qeyd edək ki, müsabiqənin
təşkil olunduğu
ölkələrdə belə
restoranlara qarşı
istehlakçı birliklərinin
mübarizəsi davam edir və getdikcə
daha çox insan bu restoranlardan
istifadə etməməyə
qərar verir. Bizdə isə təqlidçilik güclü olduğuna görə, bu restoranda oturmağı başqalarından fərqlənməkçün
vasitə hesab edənlər çoxdur.
Bu, özəlliklə də yeniyetmə və gənclərə aiddir.
Müşahidələr göstərir ki, əksər müştərilər dedyimiz
məqamlara diqqət etmirlər və bizim milli psixologiyamızı
yaxşı bilən işbazlar bundan sui-istifadə edərək asan yolla yaxşı
pul qazanırlar. Sağlamlığımızı tanımadığımız işbazlara etibar etməmişdən öncə
düşünmək lazımdır.
Və bir suala cavab
vermək lazım gələcək- görəsən
Eurovision müsabiqəsi günlərində
də mövcud restoranların sahibini qazandıqları pul daha çox maraqlandıracaq, yoxsa ölkənin imcini yüksəklərə qaldırmaq
üçün gələn
qonaqların sağlamlığı?
Bu möhtəbər müsabiqə hazırlığı
çərçivəsində restoranlarda xidmətin səviyyəsini yüksəltmək
üçün hansı
vacib tədbirlərin
həyata keçirilməsindən
ötrü Milli Kulinariya Mərkəzinin rəhbəri Tahir Əmiraslanovun fikirlərini
öyrənməyə çalışdıq. Onun sözlərinə
görə, ilk növbədə
çalışmaq lazımdır
ki, Bakıda fəaliyyət göstərən
restoran və orada çalışanların
hamısı qeydiyyata
düşsün: «Ofisiantdan
tutmuş, aşpazlara
qədər personajın
hamısı həkim
müayinəsindən keçsin.
Həkimdən pula yox, həqiqi
sağlamlıq kağızı
alınmalıdır. Bu
yolla müsabiqə günlərində gələn
insanların təhlükəsizliyini
təmin etmək olar, turistləri qidadan zəhərlənmələrdən
qorumaq olar. Bu bizim ilk tələbimizdir.
Çünki bu günki gün vəziyyət ürəkaçan deyil».
T.Əmiraslanov dedi ki, eyni zamanda müsabiqəyə
gələn qonaqlara xidmət göstərəcək
restoranlarda hazırlanacaq
yeməklərin menyusu
tərtib olunmalıdır:
«Yeməklərin hazırlanması
reseptləri barədə
aşpazlara müvafiq
məlumatlar verilməlidir.
Ofisiantlarla təcili iş aparılmalıdır.
Çünki əksər restoranlarda
ofsiant personajın xidmət səviyyəsi çox aşağıdır.
Beynəlxalq təcrübədə xidmət texnologiyası ofisiantlara da öyrədilməlidir».
Müsahibimiz xüsusi qeyd etdi ki, bütün
restoranların menyularında
ingilis dili ilə yanaşı Azərbaycan dilində böyük hərflə yazılmış adlar olmalıdır: «Eləcə
də xarici adları olan restoranların da adları Azərbaycan dilində də göstərilməlidir. Bütün bunlar
qavrşıda duran məsələlərdir.
Xörəklərin hamısı standartlara uyğun hazırlanmalıdır. Gigyenik normalar, qaydalar
bütün restoranlarda
tətbiq olunmalıdır.
Bunlar olandan sonra qalan
məsələləri düzəltmək
mümkündü».
Baş kulinar müsabiqə
zamanı qonaqlara xidmət edəcək xüsusi restoran qrupları da yaradıla bilər: «Bunu isə yalnız
dövlət edə bilər. Səhf etmirəmsə Mədəniyyət
və Turizm Nazirliyinin kurasiyasında olan məsələdir.
Yeri gəlmişkən qeyd edim ki, restoranlara
lisenziya verilərkən
bizim mərkəzin rəyi nəzərə alınmayıb. Yəqin ki,
bu pratikaya artıq başlamaq lazımdır. Xaricdə lisenziyanı
peşəkar təşkilatlar
verir. Bizdə bunu dövlət
qurumu versə də, heç olmasa peşəkar təşkilatların rəyi
də nəzərə
alınmalıdır. Restoranlar hökmən beynəlxalq standartlara uyğunlaşdırılmalıdır.
Eyni zamanda restoranlara kateqoriya verilməlidir.
Çünki sadə xidməti
olan, ofisiantsız,
2-3-cü dərəcəli aşbaz işləyən
restoranlarla, daha peşəkar aşbazın
işlədiyi restoranlarda
eyni qiymət olmamalıdır. Amma bizdə
hamısı özünü
«Marsdan gəlmiş» hesab edir və
qiymətlər də
o qədər fərqlənmir.
Dövlət bu kimi işlərin təşkilatçılığını
bizə versə, vəzifənin öhtəsindən
yüksək səviyyədə
gələ bilərik».
T.Əmiraslanov Azərbaycan yeməklərinin
təbliği baxımından
milli xörəklərimizin
hər bir restoranın menyusuna salınmasını zəruri
hesab edir: «Gələn turist potensialı analiz edilməlidir. Onların tələbi nəzərə
alınaraq Azərbaycan
yeməkləri seçilməlidir.
Gələnlər üçün Azərbaycan xörəkləri
maraqlı olacaq.
Ancaq həmin xörəklər
seçilərkən yerli
amillər də nəzərə alınmalıdır.
Ət yeyənlərə ət,
tərəvəz yeyənlərə
tərəvəzdən hazırlanan
xörəklər verilməlidir.
Ola bilər ki,
gələnlər içərisində
xüsusi xəstə
insanlar var. Onlar üçün müvafiq
pəhriz stollar bütün restoranlarda təşkil olunmalıdır».
Mərkəz rəhbərinin fikrincə,
müsabiqədə təmsil
olunan ölkələrdən
gələ biləcək
turist potensialı qiymətləndirilib, üstün
təşkil edən ölkələrin mili xörəklərini də
hazırlamaq olar: «Ancaq bir ölkədən
3 nəfər turist gələcəksə, restoranda
ona uyğun böyük dəyişiklik
etmək lazım deyil. Elə ölkə var
ki, ordan daha çox sayda turist gələcəyi
gözlənilir, o ölkələrin
mili mətbəxi araşdırılıb, xörəklərinin
hazırlanması texnologiyası
öyrənilməlidir. Hətta, həmin ölkələrin
yeməkləri burda hazırlana bilmirsə, xüsusi aşpazlar dəvət etmək olar və ya
Azərbaycan aşpazlarını
o ölkələrə təlim
kursuna göndərmək
mümkündür. Müsabiqəyə gələn turistlərə
paketdə təqdim etmək olar ki, sizə xidmət
filan ünvanda, filan restoranda göstəriləcək. Məsələn, Almaniyanın xörəklərini
filan ünvanda, Azərbaycan xörəklərini
filan ünvanda alıb yeyə bilərsiniz».
T.Əmiraslanov dedi ki, müsabiqəyə vaxt çox az
qalıb. «3 aya
hər şeyin super olacağını demək
çətindir. İndidən bizim təşkilata müəyyən işlər
həvalə olunsa,
biz müəyyən işlər
görə bilərik»,
deyə o vurğuladı.
Əfsun
Üç nöqtə.- 2011.- 19 noyabr.-
S. 17.