Ermənilərin
saxtakarlığı
QHT-lər Qarabağ həqiqətlərinin
dünyaya çatdırılması istiqamətində xeyli
iş görüb
Bu gün respublikamız üçün ən
ağrılı problem Dağlıq Qarabağ məsələsi
və onun yaratdığı çətinliklərdir.
Artıq 20 ilə yaxındır Azərbaycan müharibə nəticəsində
doğma torpaqlardan didərgin düşən insanların
problemlərinin həlli ilə məşğuldur.
Dağlıq Qarabağ həqiqətlərinin dünyaya
çatdırılması, məcburi köçkünlərin problemlərinin
həlli istiqamətində ictimai təşkilatlar da müəyyən
işlər görməyə çalışır. Bir
sıra vətəndaş cəmiyyəti institutları
bacardıqları qədər dövlətin bu istiqamətdə
gördüyü işlərə dəstək verir.
Azərbaycanda Vətəndaş Cəmiyyətinin
İnkişafına Yardım Assosiasiyası (AVCİYA) Xocavənd
rayonu Qarabağlı kəndinin faciəsi haqqında həqiqətlərin
dünyaya çatdırılması ilə bağlı layihə
icra edib. Layihənin məqsədi Xocavənd rayonu
Qarabağlı kəndində azərbaycanlı əhaliyə
qarşı ermənilərin törətdiyi vəhşilik
faktlarını tədqiq etmək və faciə haqqında həqiqətləri
beynəlxalq aləmdə geniş yaymaqdır. Bununla bağlı
Xaçmaz, Şirvan, Lənkəran, Zaqatala şəhərlərində seminarlar keçirilib. Seminarlarda 160
nəfər vətəndaş iştirak edib. Sonda nəşr olunan «Qarabağlı faciəsi» kitabında bununla bağlı materiallar toplanılıb. Regionlarda vətəndaşlar Dağlıq Qarabağ problemi, onun həlli yolları, Dağlıq Qarabağda erməni quldurlarının
törətdiyi cinayətlər,
Xocalı faciəsi haqqında yeni məlumat əldə ediblər. Əhalinin əksəriyyətinin məlumatsız olduğu Qarabağlı faciəsi və digər hadisələr haqqında
vətəndaşlara məlumatlar
verməklə yanaşı,
bu faciənin səbəbləri də faktlarla izah edilib. Qarabağlı faciəsi haqqında
yazılı məlumatlarla
yanaşı, tarix elmi sahəsində son illər Qərb ölkələrində istifadə
olunan şifahi tarixi faktlardan da geniş istifadə
olunmuşdur.
Seminarlarda həmçinin mahiyyətcə Xocalı və Qarabağlı faciələrinə oxşayan,
1995-ci ilin iyulunda Serbetnik millətçilərinin
Bosniyanın Srebrenitsa
şəhərində törətdikləri
soyqırım hadisəsi
də müqayisəli
şəkildə öyrənilib.
ERMƏNİ CİNAYƏTLƏRİ BARƏDƏ
DÜNYA İCTİMAİYYƏTİ MƏLUMATLANDIRILIB
Yerli əhali ilə yanaşı, beynəlxalq
ictimaiyyətin də Dağlıq Qarabağ həqiqətləri ilə
bağlı məlumatlandırılması
istiqamətində iş aparılıb. Qarabağ Azadlıq Təşkilatı
İctimai Birliyi bu məqsədlə «Ermənistanın işğalçı
siyasəti barədə
dünya ictimaiyyətinin
məlumatlandırılması üçün region ölkələrinin
qeyri-hökumət təşkilatları
ilə əməkdaşlığın
təşkili» layihəsini
icra edib. Layihənin məqsədi region ölkələrinin
qeyri-hökumət təşkilatlarının
potensialından, onlarla
əməkdaşlığın imkan verdiyi yeni
vasitələrdən istifadə
etməklə Ermənistanın
işğalçı siyasəti,
xalqımıza qarşı
törədilmiş erməni
cinayətləri barədə
dünya ictimaiyyətinə
daha geniş məlumatların çatdırılmasından
ibarətdir. Bununla bağlı
Türkiyə və Gürcüstanın Qeyri-Hökumət
Təşkilatları ilə
əlaqələr yaradılıb.
Keçirilən görüşlər, aparılan müzakirələr
nəticəsində birgə
strategiya müəyyənləşdirilib.
Həmçinin, mövzuya aid materialların
yayılması işi
təşkil edilib.
Türkiyə və Gürcüstan
QHT nümayəndələri Bakıya dəvət olunub, onların iştirakı ilə
«Region ölkələri QHT-lərin separatçılığa
və terrorizmə qarşı əməkdaşlıq
imkanları» mövzusunda
konfrans keçirilib.
Türkiyə və Gürcüstanın
bir qrup QHT-ləri ilə Qarabağa dair həqiqətlərin yayılması,
erməni separatçılığı
və terrorizminin ifşa edilməsi istiqamətində əməkdaşlığa
başlanılıb.
Strateji Planlaşdırma və Araşdırmalar İnstitutu İctimai Birliyi isə «Dağlıq Qarabağ münaqişəsi ilə
bağlı həqiqətlərin
dünya ictimaiyyətinə
çatdırılması istiqamətində ictimai təşəbbüslərin artırılması»
layihəsini icra edib. Layihənin məqsədi Ermənistan-Azərbaycan,
Dağlıq Qarabağ
münaqişəsi ilə
bağlı informasiya
müharibəsində Azərbaycanın
davamlı üstünlüyünü
təmin etmək və ölkəmizin haqlı mövqeyini dünya ictimaiyyətinə
çatdırmaqla erməni
yalanlarını ifşa
etməkdir. Bakı
şəhərində «Dağlıq
Qarabağ həqiqətləri»
adlı ictimai müdafiə kampaniyası
həyata keçirilib.
Təbliğat materialları xarici
dillərə çevrilərək,
beynəlxalq qurumlara çatdırılıb. Mövzu ilə bağlı monitorinq aparılıb.
Xarici mətbuatda Qarabağ mövzusunda yayımlanan məlumatların monitorinqi
keçirilib, yanlışlıqların
dəqiqləşdirilməsi işi aparılıb, ermənilərin saxtakarlığı
ifşa olunub. Monitorinq nəticəsində Ermənistan
tərəfindən yayımlanan
yalan məlumatlar aşkarlanıb. Bu məlumatların tarixi faktlara və həqiqətlərə söykənən
informasiya ilə əvəzlənməsi üçün
həmin internet səhifələrinin
rəhbərliyinə müraciətlər
göndərilib.
QARABAĞIN İŞĞALINA HƏSR
OLUNAN YENİ FİLM HAZIRLANIB
«İnam» Plüralizm Mərkəzi isə «Ağdam – Qafqaz Xirosiması və ruhlar şəhəri» adlı layihə icra edib. Layihənin məqsədi «Ağdam – Qafqaz Xirosiması və ruhlar şəhəri» adlı fotovideo stendlərindən
ibarət səyyar sərgi qalereyası yaratmaqla Qarabağ probleminin dünya ictimaiyyəti tərəfindən
daha aydın qavranması işinə yardım etməkdir.
Materiallar toplanılaraq sərgi
keçirilib. Mərasimdə
200-dək adam iştirak edib. İştirakçılara Ağdam haqqında
3 dildə nəşr
edilən buklet, film və sərgi haqqında məlumat verən nəşrlər
paylanıb. DVD-lər sərginin açılış mərasimi
vaxtı dəvət edilmiş rəsmi şəxslərə, KİV nümayəndələrinə
və xarici qonaqlara təqdim edilib. «Ağdam
– Qafqaz Xirosiması» filmi hər üç dildə – Azərbaycan, rus və ingilis dillərində youtube, facebook beynəlxalq internet
şəbəkələrində, həmçinin Mərkəzin
öz saytında yerləşdirilib. Sərgi ilə
eyniadlı film yaradılıb,
Almaniyada, Türkiyədə
və başqa ölkələrdə nümayiş
olunub. Qarabağ həqiqətlərinin dünyada daha asan dillə tanıdılması üçün
«Ağdam – Qafqaz Xirosiması» sözü mətbu dilə gətirilib. Onlarla
TV, agentlik, qəzet, sayt 3 dildə bu barədə informasiyalar yayıb. Qarabağın işğalına həsr olunan yeni bir film hazırlanıb.
ƏSİRLİKDƏ OLAN AZƏRBAYCAN
QADINLARININ FACİƏVİ TALEYİ DÜNYA İCTİMAİYYƏTİNƏ
ÇATDIRILIB
Azəri-Türk Qadınlar Birliyi isə «Faciələrimiz və soyqırımlar» layihəsini
icra edib. Layihənin məqsədi
2009-cu ildə Azərbaycan
Respublikasının Prezidenti
yanında QHT-lərə
Dövlət Dəstəyi
Şurasının maliyyə
yardımı əsasında
təşkilatın reallaşdırdığı
layihənin davamı olaraq, Belçika parlamentinin senatoru madam Tilmansın təşkilatçılığı
və yaxından iştirakı ilə Ermənistan-Azərbaycan, Dağlıq
Qarabağ münaqişəsi
nəticəsində əsir
düşmüş Azərbaycan
qadınlarının taleyi
ilə bağlı Brüssel şəhərində
xüsusi tədbirlər
keçirilib. Belçika Krallığı
senatorluğunda keçirilən
konfransda ermənilərin
Azərbaycan ərazilərini
işğal etməsi,
insanları etnik mənsubiyyətə görə
öldürməsi və
soyqırıma məruz
qoyması, eləcə
də əsirlikdə
olan Azərbaycan qadınlarının faciəvi
taleyi haqda müzakirələr aparılıb.
Konfransda
senatorluq, Azərbaycan
və Ermənistan səfirliyinin təmsilçiləri,
habelə ATƏT, BMT və
digər beynəlxalq təşkilatların nümayəndələri
iştirak ediblər.
Konfrans, onun materiallarının yayılması, Belçika
başda olmaqla, Qərb dövlətlərində
münaqişənin sülh
yolu ilə həlli, eləcə də əsir və girovların azad edilməsilə bağlı fəallığın
artmasına yardım edib.
«Xəzər – gələcək naminə
tərəfdaşlıq beynəlxalq
hərəkatı» İctimai
Birliyi isə «Azərbaycan torpaqlarının
Ermənistan tərəfindən
işğalı və
insan hüquqları problemi (beynəlxalq hüquqi məsələlər)
kitabının hazırlanması
və nəşri» layihəsini həyata keçirib. Layihənin məqsədi
Dağlıq Qarabağ
münaqişəsinin dünya
birliyi, xüsusilə
elmi ictimaiyyət səviyyəsində aktuallığını
artırmaq və məsələyə hüquqi
qiymət verilməsinə
nail olmaqdır. Kitabın hazırlanması
üçün zəruri
olan beynəlxalq hüquqi sənədlər,
beynəlxalq təşkilatların
tövsiyələri və
oxşar münaqişələr
üzrə beynəlxalq
məhkəmə presedentləri
araşdırıldı. Araşdırma zamanı beynəlxalq
ədalət məhkəməsinin
təcrübəsindən istifadə
olunub. Kitab yazılıb, redaktə
olunub, elmi məsləhətçilərin rəyini alınaraq çap edilib. Nəticədə Azərbaycan torpaqlarının
Ermənistan tərəfindən
işğalı nəticəsində
insan hüquqlarının
kütləvi şəkildə
pozulması faktları
beynəlxalq ictimaiyyətə
çatdırılıb.
Üç nöqtə.-2011.- 29
noyabr.- S. 5.