Ermənilərin Mesopotamiya ərazilərindən gəldiyi bir daha sübut edilib

Fransa və İspaniya muzeylərindən Azərbaycanın tarixi ərazilərini təsdiq edən 80-ə yaxın xəritə tapılıb

Azərbaycanın tarixi ərazisini, sərhədlərinin hüdudlarını bir daha təsdiq edən qədim xəritələr aşkarlanıb. Eramızın X əsrindən orta əsrlərə qədər aid olan 80-ə yaxın qədim xəritə Fransa və İspaniya muzeylərindən tapılıb. Elmin İnkişafı Fondunun maliyyə dəstəyi ilə reallaşan layihə çərçivəsində Azərbaycan tarixçiləri İspaniya və Fransaya ezam olunaraq sözügedən ölkələrdə axtarışlar aparıblar. Nəticə isə çox ürəkaçan olub. Belə ki, xəritələr bir daha Azərbaycanın tarixi əraziləri haqqında həqiqəti olduğu kimi təsdiqləyib. Layihənin rəhbəri Gövhər Baxşəliyeva bildirir ki, X-XIII əsrlərin birinci yarısında tərtib olunan bu xəritələr Azərbaycanın tarixi ərazilərinin Dərbənd şəhərindən bir az da yuxarıdan başlayaraq Urmiya gölünün sahilinə qədər olduğunu təsdiqləyir. Xəritələrdə ermənilərin isə Mesopotamiyada Dəclə-Fərat çayının sahillərində yaşadığı göstərilir. Layihə rəhbəri deyir ki, tapılan xəritələrin tarixçilərə Azərbaycanın tarixinə əlavələr etməkdə böyük köməyi dəyəcək: “Yeni tapılan xəritələrdən Azərbaycanın yeni atlası hazırlanacaq. Daha bir neçə ölkədə xəritələrin axtarılması istiqamətində işlər aparılacaq. Nəzərdə tutulan axtarışlar yekunlaşdıqda isə tapılan bütün növ yeni xəritələrin vasitəsilə Azərbaycanın yeni böyük atlası tərtib olunacaq.

Elməddin

Üç nöqtə.- 2011.- 13 sentyabr.- S. 3.