Festivalda muğamlarımıza böyük yer ayrılır

 

Mənsum İbrahimov: “Qəbələnin gözəlliklərini seyr edə-edə musiqi dinləmək insana çox böyük zövq verir

 

Son illər Azərbaycan bir çox beynəlxalq festivallara ev sahibliyi edir. Bu festivallar ölkəmizin, mədəniyyətimizin, musiqi sahəsində çalışan insanların dünyada tanıdılması baxımından böyük əhəmiyyət kəsb edir. Əvvəllər müsabiqələr daha çox paytaxt Bakıda keçirilirdisə, indi bu sahədə irəliləyişlər mövcuddur. Artıq beynəlxalq səviyyəli tədbirlərə bölgələrimiz ev sahibliyi edirlər. Buna V dəfə Qəbələ şəhərinin ev sahibliyi edəcəyi V Qəbələ Beynəlxalq Musiqi Festivalını misal çəkə bilərik. 24 iyul – 6 avqust tarixlərində Mədəniyyət Turizm Nazirliyinin təşkilati dəstəyi ilə keçirilən festivalda iştirak etmək üçün Azərbaycandan xarici ölkələrdən görkəmli musiqiçilər, bədii kollektivlər, solistlər, dirijorlar Qəbələ şəhərinə üz tutdular. Azərbaycanın birinci xanımı, UNESCO İSESCO-nun xoşməramlı səfiri, Heydər Əliyev Fondunun prezidenti Mehriban Əliyevanın təşəbbüsü rəhbərliyi altında həyata keçirilən digər mədəniyyət layihələri kimi, Qəbələ festivalı da beynəlxalq sənət aləmində geniş rezonans doğurur. Bu festival sayəsində qədim Qəbələ dünyanın musiqi xəritəsində özünəməxsus yer qazanıb. Musiqi bayramında Rusiya, Türkiyə, Böyük Britaniya, ABŞ, İtaliya, Fransa, Koreya, İsrail, Litva, Kuba Qazaxıstandan dünya şöhrətli dirijor, ifaçı kollektivlər iştirak etdi. Yerusəlim Simfonik Orkestri, Yuri Başmet Yeni Rusiyasimfonik orkestri, Kuba caz qrupu, Amos Talmon, Boris Berezovski, Vadim Repin, Oksana Yablonskaya, Dmitri Yablonski, Yader Benyamini, Mirko Roverelli, Karmelo Korrado Karuzo, İdil Biret, Nina Koqan, Jean Bernard Pommier, Jan Lothem Konig, Ayman Musaxacayeva, Aleksandr Solovyov, Sergey Leyferkus, Muza Rubayskite, Hee Youn Choue, Mixail Qutman başqaları qonaqlara unudulmaz anlar bəxş etdilər. Festival konsertlərində Ü.Hacıbəyli adına Azərbaycan Dövlət Simfonik Orkestri, Bakı Musiqi Akademiyasının kamera orkestri, xalq artistləri Fərhad Bədəlbəyli, Rauf Abdullayev, Murad Adıgözəlzadə, Yalçın Adıgözəlov, Murad Hüseynov, Yeganə Axundova, Mənsum İbrahimov, əməkdar incəsənət xadimi Fəxrəddin Kərimov, əməkdar artistlər Gülnaz İsmayılova, Toğrul Qəniyev, Elçin Əzizov, Fəridə Məmmədova, Səbinə Əsədova, Elçin Həşimov, Elnur Əhmədov, Sahib Paşazadə, beynəlxalq müsabiqələr laureatları Fuad İbrahimov, Yusif Eyvazov, Elvin Qəniyev, Azər Rzazadə, istedadlı gənc solistlər, muğam ifaçıları çıxış etdilər. Festival çərçivəsində keçirilənMuğam axşamı”nda tələbələri ilə birlikdə çıxış edən xalq artisti Mənsum İbrahimov təəssüratlarını bizimlə bölüşdü: “Qəbələnin gözəlliklərini seyr edə-edə musiqi dinləmək insana çox böyük zövq verir. Mən festivalınMuğam axşamıkonsertində çıxış etdim. Ustaddan şagirdəadlanan muğam konsertində mən öz tələbəm Arzu Əliyeva Aytən Məhərrəmova ilə birlikdə çıxış etdim. Bizi əməkdar artist Elçin Həşimov, Elnur Əhmədov Kamran Kərimov müşayiət edirdi. Artıq ənənəyə çevrilən bu festivalda hər növbəti il iştirakçıların sayı çoxalır. Festivalda hər axşam musiqi axşamı təşkil edilir. Burda ən gözəl hadisə odur ki, festivalda muğamlarımıza böyük yer verilir. Biz çıxış etdiymizMuğam axşamıçox gözəl keçdi. Ətraf rayonlardan da xeyli tamaşaçı gəlmişdi. 2000-dən çox tamaşaçı açıq havada olan konsertimizdə iştirak edirdi. Festivalda Oksana Yablonskaya bizim ifamızdan məmnun qaldığını bildirdi. Dedi ki, biz neçə gündür məhz muğam konsertini səbrsizliklə gözləyirdik. Mən artıq 3-cü dəfədir bu festivalda çıxış edirəm. Bizim musiqimiz artıq festival iştirakçılarına tanışdır. Bu festivalın bu cür alınmasında Heydər Əliyev fondunun təşkilatçılığını xüsusilə qeyd etmək istəyirəm. Hər bir şey diqqətlə düşünülüb təşkil olunub. Konsertin proqramı, gələn qonaqların qarşılanması çox yüksək səviyyədə idi. Azərbaycanın hansısa bölgəsinin belə bir tədbiri keçirməsi çox təqdiəlayiq hadisədi. Bu festival turizm baxımından da əhəmiyyətlidi. Həm Qəbələ Beynəlxalq Musiqi festivalı dünyada tanınır. Çünki dünyanın ən məşhur musiqiçiləri hər il bu festivala qatılırlar. Mən konsertdən razı qaldım. Bu festivalın yüksək səviyyədə təşkil olunmasına görə Mehriban xanım Əliyevaya təşəkkürümü bildirirəm”.

 

Aygün

 

Üç nöqtə.-2013.- 6 avqust.- S. 13.