Elektron kitabxanalara maraq artır

 

İnformasiyalaşdırma – insan sivilizasiyasının ümumi qaçılmaz inkişaf mərhələsidir

 

Dünyada informasiya texnologiyalarına heç vaxt indiki qədər maraq oyanmayıb. Ölkələrdə informasiyakommunikasiya vasitələrinin inkişafı əsasında əmək məhsuldarlığının artımı hiss olunacaq dərəcədə təmin olunub və təhsildə, məişətdə, səhiyyədə, ticarətdə, istehsalda həyat səviyyəsi yeni baxımda formalaşıb. Belə ki, hal-hazırda respublikada dövlət səviyyəsində dövlət və özəl qurumlarda informasiyakommunikasiya texnologiyaları sahəsində bir sıra əhəmiyyətli dövlət proqramları və layihələr həyata keçirilib. Respublikada sosial-iqtisadi münasibətlərdə aparılan yenidənqurma, cəmiyyətdə həyat tərzinin demokratikləşməsi isə cəmiyyətin fəaliyyətinin bütün sahələrində informasiya təminatının strukturuxarakterinin kökündən dəyişməsini tələb edir. Yeni dövlət və ictimai təşkilatların əmələ gəlməsi, mövcud funksiyaların dəyişilməsi və yaxud yenilərinin yaranması –bunların hamısı cəmiyyətdə informasiya tələbatının artdığını, informasiya axınının istiqamətini və tərkibinin dəyişməsini, informasiyanın təqdim olunma formasını təyin edir.

Tarixi-mədəni, ədəbi-bədii və elmi-fəlsəfi irsin toplanmasında, nəsildən-nəsilə çatdırılmasında və cəmiyyətin intellektual, mənəvi potensialının inkişafında kitabxanalar əvəzsiz rol oynayır. Kitabxana fondlarının müasir informasiya daşıyıcıları ilə zənginləşdirilməsi, dünyanın qabaqcıl kitabxana-informasiya müəssisələrinin təcrübəsindən istifadə edilməsi, elektron məlumat bazalarının yaradılması isə dövrümüzün vacib məsələlərindən biridir. Lakin onun yaradılması heçasan olmayıb. Çünki ötən əsrin 90-cı illərinin

əvvəllərində ölkədə baş verən hadisələr kitabxanaların da fəaliyyətinə təsirini göstərib, yəni kitab nəşri və kitab təchizatı sistemi tamamilə iflic vəziyyətə düşüb, onların maddi-texniki bazasının olduqca zəifləməsinə gətirib çıxarıb. Bütün bunlar kitabxana sahəsinə öz mənfi təsirini göstərib. Nəticədə kitabxanalar realpotensial oxucularını itirib, xeyli sayda kitabxanalar bağlanıb, əksəriyyəti oxucu tələbatını ödəyə bilməyib.

Qeyd edək ki, dünyanın əksər ölkələrində cəmiyyətə göstərilən kitabxana xidmətinin, sənəd-informasiya təminatının təşkili səviyyəsi milli prioritetə malik məsələ kimi qiymətləndirilir və bu sahənin inkişafına həm rəsmi orqanlar, həm işgüzar dairələr, həm də qeyri-hökumət təşkilatları tərəfindən böyük diqqət və qayğı göstərilir. Dünyanın inkişaf etmiş ölkələrində kitabxanalara həm də vətəndaşların informasiyaya azad müyəssərlik hüququnun reallaşdırıldığı bir məkan kimixüsusi önəm verilir. Belə bir yanaşma tərzi dünyanın BMT, YUNESKO və İFLA kimi ən nüfuzlu qurumlarının siyasətində və sənədlərində öz əksini tapıb. Unutmaq olmaz ki,

kitabxana siyasəti dövlətin həm iqtisadi, həm təhsil, həm mədəniyyət, həm də informasiya

siyasətinin üst-üstə düşdüyü sahədir. Cəmiyyətin sənəd-informasiya tələbatının ödənilməsi

funksiyasını həyata keçirən bir təsisat kimi kitabxanalar vətəndaş cəmiyyətinin formalaşmasında zəruri vasitə rolunu oynayır.

Hələ XX əsrin 90-cı illərinin əvvəllərindən informasiya cəmiyyətinin formalaşması konsepsiyası

meydana çıxsa da, yalnız 2003-cü ilin dekabrında BMT və YUNESKO-nun Cenevrədə keçirilən

İnformasiya Cəmiyyəti üzrə Ümumdünya Sammiti üçüncü minilliyin əsas vəzifəsini – informasiya cəmiyyəti qurulması vəzifəsini bəşəriyyətin inkişafının mühüm şərti kimi vurğulayıb. Azərbaycan Respublikasının Prezidenti İlham Əliyev həmin sammitdə çıxış edərək ölkəmizdə informasiyakommunikasiya texnologiyalarının gündəlik həyatımızın tərkib hissəsinə çevrildiyini, mütəxəssislərimizin informasiyakompüter texnologiyaları üzrə müxtəlif layihələri həyata keçirdiklərini bildirib. Görülən işlərin nəticəsidir ki, bu gün informasiyakommunikasiya texnologiyaları ictimai-siyasi, sosial-iqtisadi, mədəni sahələri əhatə edərək cəmiyyətin inkişafına güclü təsir göstərən əsas amillərdən birinə çevrilməsi ilə yanaşı kitabxanaların inkişafına da ciddi təsir göstərib. Hazırda informasiyakommunikasiya texnologiyalarının tətbiqinin səviyyəsi hər bir ölkənin zehnielmi potensialının, dövlət idarəçiliyində şəffaflığın və demokratiyanın inkişafının, sosial-iqtisadi problemlərin həllinin, yoxsulluğun aradan qaldırılmasının əsas göstəricilərindən hesab olunur. Ümumiyyətlə, son illərdə ölkəmizdə cəmiyyətin sənəd-informasiya tələbatını, o cümlədən ədəbiyyata olan tələbatını daha dolğun şəkildə ödənilməsi və bu işdə informasiyakommunikasiya texnologiyalarından istifadə sahəsində bir sıra ciddi addımlar atılıb, ölkədə kitabxana işinin inkişafı sahəsində bir sıra mühüm sənədlər qəbul edilibKitabxana işi haqında” 12 mart 1999-cu il tarixli Azərbaycan Respublikasının Qanunu, “Azərbaycan kitabxanalarının fəaliyyətinin yaxşılaşdırılması haqqında” 20 aprel 2007-ci il tarixli Azərbaycan Respublikası Prezidentinin Sərəncamı, 6 oktyabr 2008-ci il tarixli “Azərbaycan Respublikasinda

kitabxana-informasiya sahəsinin 2008-2013-cü illərdə inkişafi üzrə” Dövlət Proqramı, Azərbaycan Respublikası Prezidentinin “Azərbaycan dilində latın qrafikası ilə kütləvi nəşrlərin həyata keçirilməsi haqqında” 2004-cü il 12 yanvar tarixli, “2005-2006-cı illərdə Azərbaycan dilində latın qrafikası ilə çapı nəzərdə tutulan əsərlərin siyahısının təsdiq edilməsi haqqında” 2004-cü il 27 dekabr tarixli, 24 avqust 2007-ci il tarixliDünya ədəbiyyatının görkəmli nümayəndələrinin əsərlərinin Azərbaycan dilində nəşr edilməsi haqqında” Azərbaycan Respublikası Prezidentinin sərəncamları ilə təsdiq edilmiş siyahı üzrə latın qrafikası ilə nəşr

olunmuş kitablar ölkənin bütün kitabxanalarına hədiyyə edilib. Kitğabların elektronlaşması həyata keçirilib.

Dövlət başçısı “Azərbaycan Milli Ensiklopediyasının nəşri haqqında”, həmçinin Azərbaycan ədəbiyyatı, mədəniyyəti və elminin ən yaxşı nümunələrini təbliğ etmək məqsədilə “Azərbaycan dilində latın qrafikası ilə kütləvi nəşrlərin həyata keçirilməsi haqqında” sərəncamlar imzalayaraq yenidən çap edilən kitabların bütün kütləvi və orta tədris müəssisələrindəki kitabxanalara verilməsini, bu kitabların mətnlərinin elektron daşıyıcılar və internet vasitələri ilə yayılmasını təmin etmək, latın qrafikasında “Azərbaycan ədəbiyyatının virtual kitabxanası”nın yaradılması haqqında tapşırıqlar verib. “Azərbaycan Respublikasında ümumtəhsil məktəblərinin informasiyakommunikasiya texnologiyaları ilə təminatı Proqramı” (2005-2007-ci illər) kimi mühüm əhəmiyyətli direktiv sənəd təsdiq edilib. Proqramda dünya təhsil sisteminə inteqrasiya olunmaq, ölkə əhalisini informasiyalaşdırılmış cəmiyyətə hazırlamaq məqsədilə kompüter texnikası əsasında qurulan yeni informasiya texnologiyalarının mənimsənilməsi və onun bütün imkanlarından istifadə olunması üçün elektron dərsliklərin, elektron kitabxanaların, rəqəmli tədris resurslarının işlənilib hazırlanması və tətbiqi nəzərdə tutulub.

Dövlət başçısının başqa bir sərəncamı ilə “Azərbaycan Respublikasında rabitə və informasiya

texnologiyalarının inkişafı üzrə 2005-2008-ci illər üçün Dövlət Proqramı” (“Elektron Azərbaycan”) təsdiq edilib. Bu qərarların qəbul olunması və tətbiq olunması kitabxana işində bir çox nailiyyətlərin əldə edilməsinə səbəb olub. Belə ki, kitabxanalar müasir texniki avadanlıqlarla təmin olunub, kitabxanaların avtomatlaşdırılması prosesi gücləndirilib, kitabxanalarda yeni texnologiyaların tətbiqi və istifadəsinə start verilib.

 

Üç nöqtə.-2013.- 27 avqust.- S. 9.