“Muğam aləmi” təsdiq edildi

Azərbaycan Respublikası Prezidenti Administrasiyası rəhbərinin sərəncamı ilə “Muğam aləmi” Üçüncü Beynəlxalq Muğam Festivalının keçirilməsinə dair tədbirlər planı” təsdiq edilib. Azərtac-ın verdiyi xəbərə görə, sənəddə müvafiq dövlət qurumlarına festival çərçivəsində “Azərbaycan muğamlarında və Şərqin oxşar ənənəvi janrlarında musiqi alətlərinin rolu” mövzusunda Beynəlxalq elmi simpoziumun, muğamın solo və instrumental ifaları üzrə respublika və beynəlxalq müsabiqələrin təşkili və keçirilməsi ilə bağlı məsələləri həll etmək barədə müvafiq tapşırıq verilib. Həmçinin festival çərçivəsində keçiriləcək tədbirlərdə Azərbaycan elmi və mədəni ictimaiyyəti nümayəndələrinin, eləcə də gənclərin iştirakının təmin olunması, festivalın keçiriləcəyi yerlərin müəyyənləşdirilməsi və tərtibatı, rəsmi açılış və bağlanış mərasimlərinin təşkili, festivalla əlaqədar çap və reklam materiallarının (proqramlar, bukletlər, dəvətnamələr və s.) hazırlanması və digər məsələlər də tədbirlər planına daxil edilib

Festivalın yerli və xarici kütləvi informasiya vasitələri tərəfindən işıqlandırılmasına şərait yaradılması, Bakı şəhərində festivala dair müvafiq məlumat lövhələrinin quraşdırılması, nəqliyyat, regionlarda konsertlərin təşkili məsələlərini həll etmək də müvafiq qurumlara tapşırılıb

Aygün Asimqızı

Üç nöqtə.-2013.-6 fevral.-S.-13.