Elektron ticarətin ölkə üçün bir çox üstünlükləri var
Bu zaman
alıcı vaxta və pula
qənaət edir, dövlət isə vergi sistemində şəffaflığa nail olur
Hazırda bütün dünyada elektron ticarətə böyük maraq yaranıb. Tələbin artdığı halda Azərbaycanda bu sahə hələ də öz inkişaf səviyyəsinə çatmayıb. Bir neçə gün əvvəl ölkə prezidentinin vətəndaşların nağdsız ödənişlərdən çox az istifadə etməsi barədə səsləndirdiyi iradlar və bu sahədə inkişafın təmin edilməsi məqsədilə Vergilər Nazirliyi qarşısında məsələ qaldırması bu mövzunu yenidən aktuallaşdırıb. Azərbaycanda elektron ticarət haqqında qanun 2005-ci ildə qəbul olunsa da, internetdən istifadənin az olması səbəbindən bu sahədə ilkin addımlar 2008-ci ildən atılıb. Belə ki, Azərbaycanda ilk dəfə internetə çıxış imkanları yarananda istifadəçi sayı çox az idi. Bunun əsas səbəbi internet paketi qiymətlərinin çox baha olması idi. 2009-cu ildən etibarən isə qiymətlər kəskin şəkildə, bir neçə dəfə azaldı və beləliklə, internetdən istifadə edənlərin sayında da kəskin artımlar qeydə alındı. Bu isə e-ticarətlə tanışlığa və e-ticarətin istifadəsinə səbəb oldu. Lakin bu sahə Azərbaycanda öz təsdiqi tapmış, geniş yayılmış sahə deyil, çünki yeni yaranıb.
Son zamanlar
bütün dünyada
olduğu kimi
respublikamızda da onlayn
alış-veriş imkanlarının genişlənir. Azərbaycanda
bu sahədə müəyyən irəliləyişlər
olsa da, bunu inkişaf etmiş bir sahə kimi qələmə vermək hələ tezdir. Məsələyə münasibət
bildirən İqtisadi və Sosial İnkişaf Mərkəzinin
eksperti Nərmin İbrahimovun
sözlərinə görə, Azərbaycanda internet
istifadəçilərinin sayı 3.7 milyondan
çoxdur: «Azərbaycanda internet istifadəçilərinin sayı 3.7 milyondan çoxdur. Əhalinin
kənd və şəhər üzrə bölgüsünə
əsasən, əhalinin 52.9 faizi şəhərdə,
47.1 faizi isə kəndlərdə məskunlaşıb.
Şəhər əhalinin isə təxminən 50 faizi Abşeron
yarımadasında yerləşir. Bu
isə o deməkdir ki,
internet istifadəçilərinin də böyük əksəriyyəti şəhər
əhalisi, daha doğrusu,
Bakı, Sumqayıt və Xırdalan şəhərlərinin
əhalisinin payına düşür. Bu statistika isə onu deməyə əsas verir
ki, ölkədə internet
istifadəçilərinin şəhər və kənd əhalisi
üzrə paylanmasında disproporsiya
vardır. Regionlarda aktiv
internet istifadəsinə ehtiyac
duyulur. İnternet
istifadəçiləri daha çox gənc nəslin nümayəndələridir
və təbii ki, onlar
alqı-satqı əməliyyatlarının aktiv
istifadəçi təbəqəsi deyil.
Elektron ticarət isə birbaşa
internetdən asılı olduğu üçün regionlarda
internetə olan marağın az olması bu sahənin
inkişafına öz mənfi təsirini
göstərir. Hazırda mobil telefon vasitəsilə də internetə
çıxışın mümkünlüyü
nəticəsində internet istifadəçilərinin böyük bir qismini mobil
telefon istifadəçiləri təşkil
edir. Bu isə hələ
e-ticarətə maraq yaradan
səbəb deyil».
VƏRDİŞ
YARATMAQ ÜÇÜN ELEKTRON TİCARƏTƏ MÜƏYYƏN
GÜZƏŞTLƏR EDİLMƏLİDİR
Ekspertin
sözlərinə görə, elektron ticarətin tam
inkişaf etməməsinin digər səbəbi bazarda hakim
olan elektron ticarət veb-saytlarının mövcud olmaması
ilə bağlıdır: «Həmçinin, mövcud
veb-saytlara əhali arasında inam yoxdur və internet üzərində
ticarət əməliyyatları edən insanlar daha çox
yuxarıda adları çəkilən xarici saytlara
üstünlük verirlər. Belə ki,
bəzi hallarda isə elektron
ticarətlə məşğul olan
şirkət qeyd edir ki, “Gətirilən mala biz məsuliyyət daşımırıq və
əvvəlcədən sizi məlumatlandırırıq.
Hər hansı bir problem
yaranarsa biz məsuliyyət
daşımırıq.”. Belə olan halda alıcının həmin şirkətə
və başqa sözlə, elektron ticarətə olan
marağı və inamı azalır. Elektron ticarətlə məşğul
olan şirkətlərin bəziləri isə
əhalinin elektron ticarətə insanlar arasında marağın az olmasından və insanların e-ticarətlə
məşğul olan şirkətlərə
inamın olmamasından şikayətlənirlər.
İnamın olmaması isə aşkardır. Başqa bir səbəb isə insanlarda
elektron ticarət vərdişinin
olmamasıdır. İnsanlarda bu vərdişi yaratmaq üçün elektron
ticarətə müəyyən güzəştlər edilməli
və bu hal müəyyən
müddət davam etməlidir. Ən
azından e-ticarətdə qiymətlər ənənəvi
ticarətdən aşağı olmalıdır ki, insanlarda elektron ticarət vasitəsilə
alış-veriş etmək üçün
maraq yaransın. Azərbaycanda elektron ticarətin inkişafının gecikməsinin
əsas göstəricisindən biri də
ölkə əhalisinin az qismində plastik kartların olmasıdır. Baxmayaraq ki, ölkədə
5 milyona qədər plastik
kart var, bunlardan böyük bir qismi təxminən 80 faizi maaş və
pensiyaların ödənilməsi məqsədi ilə vətəndaşlara
verilən kartlardır. Digər tərəfdən əhali plastik kartlardan əksər hallarda
bankomatlardan nağd pulun çıxarılması məqsədi
ilə istifadə edir. Buna
səbəb isə plastik kartların
istifadə edilməsi qaydalarının daha
az qavranılması və marifləndirmə
sahəsində işlərin demək olar
ki, aparılmamasıdır. Halbuki, plastik kartlar müasir dövrdə
nağd pul dövriyyəsinin
məhdudlaşdırılması və elektron
ticarət sferasına inteqrasiya aləti kimi anlaşılır. Məhz bu prizmadan yanaşdıqda
e-ticarətin inkişaf etməsi və ümumi ticarət dövriyyəsində xüsusi çəkisinin artması bu sahədə aparılacaq maarifləndirmə
işlərindən asılı olacaq».
ELEKTRON TİCARƏT
SAHİBKAR ÜÇÜN DƏ SƏRFƏLİDİR
Ekspertin sözlərinə görə, elektron ticarətin alıcılar, şirkətlər və ölkə üçün bir çox üstünlükləri var: «Elektron ticarət zamanı alıcı vaxta və pula qənaət edir, dövlət isə vergi sistemində şəffaflığa nail olur. Belə ki, elektron ticarət zamanı ödəmələr onlayn üsulla aparıldığından bütün hesablaşmalar qeydə alınır və vergiyə cəlb olunur, nəticədə vergidən yayınma halları praktik olaraq mümkün olmur. Ölkədə elektron ticarətin inkişafı üçün ilk növbədə insanları bu sahəyə cəlb etmək lazımdır. Bunun üçün isə, müəyyən güzəştlər tətbiq edilməli və konkret addımlar atılmalıdır. Elektron ticarət sahibkar üçün də sərfəlidir. Təsəvvür edin ki, siz bir mağazanız var və satış həyata keçirirsiniz və siz hər ay icarə haqqı, işçilərə maaş, kommunal xərclər ödəyirsiniz. Lakin bu işi elektron ticarət vasitəsilə etsəniz siz yalnız ayda cəmi 40 manat “hostinq” pulu ödəyirsiniz. Dövlət büdcəsində vergilərin xüsusi çəkisinin az olmasını nəzərə alsaq, Azərbaycan hökuməti bu sahəni inkişaf etdirməkdə birbaşa maraqlı olmalıdır. Bununla da, vergidən yayınma halları minimuma enər və büdcədə vergilərin töhvəsi nəzərəçarpacaq dərəcədə artar. Neft sektorundan daxilolmalar hesabına formalaşan dövlət büdcəsi üçün xarakteristik hal olan fiskal-dayanıqlılıq riski kəskin şəkildə azalar. Təsəvvür edin ki, ticarət əməliyyatlarının 60 faizi elektron şəkildə aparılması, dövlət büdcəsində vergilərin payını necə artmış olar. İnsanlarda elektron ticarət vərdişi yaratmaq üçün müəyyən maarifləndirmə kampaniyaları həyata keçirilməlidir. Məişət, ticarət obyektləri, restoranlar, əyləncə mərkəzlərində ödəmələrin onlayn həyata keçirilməsi üçün xüsusi cihazların quraşdırılmalı, nəqliyyat sistemində isə “Smartkart” tipli ödənişlərin həyata keçirilməsinə başlanılmalıdır».
Qeyd edək ki, elektron ticarətin inkişaf etdiyi Amerikada insanların gündəlik həyatını elektron ticarətsiz təsəvvür etmək mümkün deyil. Amerikalılar gündəlik həyatda mağazalarda, restoranlarda, ticarət mərkəzlərində nəğd pul ödənişləri əvəzinə plastik kartlardan istifadə edirlər. Amerika kimi Avropa ölkələrində də insanların cibində nəğd pulun olması kimi bir hal dəbdə deyil, bizim ölkədə isə əksinə. Bu isə həmin ölkələrdə elektron ticarətin insanların gündəlik həyatına necə daxil olmasının göstəricisidir. Azərbaycanda da elektron ticarətə müəyyən vergi güzəştləri tətbiq edilə bilər. Məsələn, bu e-ticarəti ƏDV-dən azad etmək ola bilər. Əgər dünya praktikasına nəzər salsaq, elektron ticarətin daha çox inkişaf etdiyi ABŞ və bir çox Avropa ölkələrində insanları elektron ticarətə cəlb etmək üçün müəyyən müddətdə bu ticarət növünü vergidən azad etdiklərini görərik və beləliklə, elektron ticarətlə alış-veriş ənənəvi ticarətdən daha ucuz başa gəlir. Bu siyasət, nəticədə insanlarda elektron ticarət vərdişlərinin yaranmasına və ölkədə bu sahənin inkişafına səbəb olur. Azərbaycanda elektron ticarət ənənəvi ticarət əməliyyatlarının cəmi 4 faizini təşkil edir. Müqayisə üçün qeyd edək, ABŞ-da ticarətin 80 faizi, Avropada isə 60 faizi elektron şəkildə aparılır.
Üç nöqtə.-2013.-14
fevral.-S.-9.