Onlar musiqi alətlərini, tamaşaçılar da onları sevdi…

Səlim Abbasov: «Kamança ifaçısı kimi qalsaydım, bu qədər sevilmək, tanınmaq olmazdı»

Gülbahar Şükürlü: «Qarmonu özümə, özümü də qarmona yaraşdırıram»

«Skripka musiqi alətini seçməkdə məqsədim insanlara daha çox yaxın olmaq, özümü daha yaxşı tərəfdən göstərmək və ayaqüstə performans göstərmək olub». Bu sözləri “Üç nöqtə”yə açıqlamasında tanınmış skripkaçı Səlim Abbasovselim bildirib. Onun sözlərinə görə, skripkaya qədər bir çox alətlərdə ifa edib: “Musiqi məktəbində təhsil almışam. Kamança sinifində oxuyurdum. Skripka kamançaya yaxın olduğuna görə skripka dərslərini öyrənməyə başladım və bu gün skripka ifaçısı kimi tanınıram. Performans göstərmək, ifa etmək skripkaya uyğun gəlir. Kamança ilə o performansı göstərmək çətin olar. Kamança aləti Azərbaycanın milli alətidir. O alətin səsi yanğılı olduğu üçün performans göstərmək çətin olardı. Məni kamança çalan kimi də tanıyırlar. Daha çox skripka çalan kimi insanlara özümü sevdirirəm. İnsanların qarşısında çıxış edən zaman görürəm ki, daha çox skripkaya reaksiya var. Kamança ifaçısı kimi qalsaydım, bu qədər sevilmək, tanınmaq olmazdı».

Səlim Abbasov skripka ilə yanaşı mahnı ifa etməsindən də danışdı. Bildirdi ki, mahnı oxumağa “Eurovision”da başlayıb: «Ondan sonra məndən Maykl Ceksonun “Smile” mahnısını ifa etməyi istədilər. Mahnının musiqisini Çarli Çaplin yazıb. Ondan sonra oxuyub və ifa etmək çox maraqlı və çətin idi. Amma şükürlər olsun, öhdəsindən gəldim. İfa yaxşı alınmışdı. Ondan sonra mən gözləmədim ki, kimsə mənə mahnı oxumağı desin. Özüm mahnı yazmağa başladım. “Gangnam style” mahnısını oxudum. Tamaşaçılar tərəfindən müsbət reaksiya aldım. Mənfi reaksiya verənlər də oldu».

S.Abbasov bildirdi ki, mənfi reaksiyaları normal qarşılayır:

“Böyük sənətkarımız Zeynəb Xanlarova zeynebdeyir ki, vacib deyil, 10 nəfər əl çalsın. 5 nəfər əl çalsın, amma məni sevən və dinləyən olsun. Ümumi götürəndə, qınağa tutan yoxdu. Sənətdə nə maqlıdırsa onu etmək lazımdır».

Məşhur skripkaçı yaradıcılığındakı yeniliklərə də toxundu. Dedi ki, yeni mahnılar üzərində işləyir: “Tanınmış ifalardan biridir. Pitbullun mahnısını oxumuşam. Bu yaxınlarda eşidəcəksiniz. Bundan başqa, xalq mahnılarımızdan birini ifa edəcəm. Sözlərin yazılmasını gözləyirəm ki, maraqlı alınsın. Yaxşı sözlər olsun. Daim öz üzərimizdə işləyirik».

Qarmon ifaçısı Gülbahar Şükürlü gulbahar sukurluisə qeyd etdi ki, əvvəllər qadın toylarında yalnız qarmon musiqi aləti olurdu: “Başqa alət olmurdu. Əvvəl özümün qarmonum olmayıb. Qonşunun qarmonu var idi. Onlarda ifa edirdim. Mən qarmonu əlimə götürən kimi ifa etməyə başlayırdım. Qarmona çox marağım olub. Bu musiqi alətində çalmaqla yanaşı, heç vaxt müğənni olmaq istəməmişəm. Pis mənada demirəm. Özümü başqa sənətdə görmürəm. Qarmonu özümə, özümü də qarmona yaraşdırıram. Qarmonu o qədər çox sevirəm ki, onu ifa edərkən həzin mahnılar məni çox rahatlaşdırır».

Rəqsanə Həsənova

Üç nöqtə.-2014.- 6 iyun.- S.13.