Bu gün "Əli və Nino"nun təqdimatı olacaq

Bu gün ABŞ-ın "Sundance” beynəlxalq film festivalı çərçivəsində "Əli və Nino” filminin premyerası keçiriləcək. Movqe.az-ın Axşam.az-a istinadən məlumatına görə, filmin nümayişi 3 gün - yanvarın 27-də, 28-də və 31-də olacaq. "Əli və Nino” ötən il yazıçı Qurban Səidin dünya bestselleri, eyniadlı romanı əsasında çəkilib."Əli və Nino” filminin icraçı prodüseri Leyla Əliyeva, prodüseri Kris Tikyer, rejissoru "BAFTA” mükafatı sahibi Asif Kapadia, ssenari müəllifi isə "Academy Award” mükafatı laureatı Kristofer Hemptondur. Çəkilişlər Bakıda, Qobustanda, Xınalıqda və başqa ərazilərdə aparılıb.Filmdə Adam Bakri, Mariya Valverde, Halit Ergenç, Mendi Petinkin, Konni Nilson, Rikkardo Samariko, Humayon Erşardi, xalq artisti Fəxrəddin Manafov, Əsad Bub, Numan Akar və digər məşhur aktyorlar çəkiliblər.

Üç nöqtə.- 2016.- 27 yanvar.- S 6