Məşhur blüz və caz pianoçusu Bakıda konsert verib

Beynəlxalq Muğam Mərkəzində məşhur blüz və caz pianoçusu Silvan Zinggin ifasında "Boogie Woogie" musiqi janırında konsert keçirilib

İsveçrədə "Boogie Woogie səfiri" sayılan Silvan Zingg Afro-amerikalı blüz pianoçuların əsərlərindən ilhamlanaraq pianoda ifa etməyə uşaq yaşlarından başlayıb.Konsert Beynəlxalq Muğam Mərkəzi və İsveçrə səfirliyinin birgə təşkilatçılığı ilə keçirilib.Bu günə qədər ifaçı İsveç, Almaniya, Lixtenşteyn, Avstriya, Fransa, İtaliya, Hollandiya, Belçika, İspaniya, Lüksemburq, Yunanıstan, Monako, Andorra, Vatikan, Bolqarıstan, Polşa, Çexiya, Macarıstan, İsveç, İngiltərə, İrlandiya, ABŞ, Kanada, Hindistan, Ərəb Əmirlikləri, Çin, Rusiya, Meksika kimi xarici ölkələrdə qastrol səfərlərində olub və konsert proqramları ilə çıxış edib.İfaçı Chuck Berry, Ray Charles, Kathie Webster, Sammy Price, Memphis Slim, Champion Jack Dupree, Tito Jackson və bir çox digər məşhurlarla eyni səhnəni bölüşüb.Tənqidçilər ifaçının texnikasından təsirlənərək, onu qeyri-adi pianoçu kimi təqdim edirlər. Onun ən böyük hiti olan "Dancing The Boogie" musiqi nömrəsi Youtube-da 8 milyondan çox izləyici toplayıb. Onun bu növ musiqi janrına olan marağı 2002-ci ildə İsveçrədə indi də çox uğurla davam edən Luqano Beynalxalq “Boogie Woogie” Festivalını təsis etməsinə səbəb olmuşdu.Konsertdə ilk olaraq İsveçrənin Azərbaycandakı səfiri Filip Ştalder tanınmış İsveçrəli pianoçu Boogie Woogie və blüz ifaçısı Silvan Zingg haqqında geniş məlumat verib. Bildirib ki, ifaçının Bakıda konsertlə çıxış etmək seçimi təsadüfi olmayıb. Ötən il Bakıda keçirilən ənənəvi Beynəlxalq Caz Festivalında klassik musiqi ilə coşqun cazı bir-biri ilə uyğunlaşdırmağı bacaran isveçrəli musiqi qrupu Mats-up çıxış edib. Bu çıxışdan sonra İsveçrənin Azərbaycandakı səfirliyi “Boogie Woogie” üslubunda ifa edən isveçrəli musiqiçinin konsertini təşkil etmək qərarına gəlib.Daha sonra Silvan Zingg Azərbaycanda olmağından məmnunluğunu bildirib: "Şəhəriniz gözəldir, çox xoşuma gəldi. Sizin musiqiniz, xüsusilə muğam və onun cazla sintezi qeyri- adidir".

İfaçı gecədə caz bluz və “Boogie Woogie” üslubunda musiqilər ifa edib.

Üç nöqtə.- 2018.- 31 yanvar.- S.12.