Əhalinin sosial müdafiəsi diqqət mərkəzindədir

NAZİRLİYİN KOLLEGİYA İCLASI KEÇİRİLDİ

DÜNƏN Əmək və Əhalinin Sosial Müdafiəsi Nazirliyinin (ƏƏSMN) kollegiya iclası keçirildi. İclası giriş sözü ilə açan nazir Füzuli Ələkbərov əhalinin sosial müdafiəsi sahəsində görülən işlərdən danışıb.

Ünvanlı sosial yardımların məbləğinin 60 manata çatdırıldığını və 2009-cu ildə yardım alacaq şailələrin sayının 170-180 min arasında olacağını deyən nazir 2008-ci ildə 163 min 409 ailənin yardım aldığını bildirdi. Hər ailəyə düşən yardımın orta məbləği 100,96 manat olub.

YUNİSEF-in Azərbaycandakı nümayəndəsi Məhəmməd Alaminin bu sahədə əməkdaşlığını yüksək qiymətləndirdi.

Nazir müavıini İlqar Rəhimov əhalinin sosial müdafiəsinin üç istiqamətdə (sosial yardım, sosial müavinət və sosial xidmət) aparıldığını deyib. Neqativ hallardan danışan nazir muavini 43 rayonda əhalinin sosial müdafiəsi mərkəzində yoxlamanın nəticəsi olaraq 5 nəfərin işdən çıxarıldığını, 39 nəfərə isə töhmət verildiyini diqqətə çatdırdı.

Tibbi Sosial Ekspertiza və Əlillərin Reabilitasiya Xidmətinin işlərindən danışan nazirliyin şöbə müdiri Rəfail Novruzov ötən il 215306 nəfər 18 yaşdan yuxarı şəxsə əlillik dərəcəsi verildiyini, bunlardan 24770-nin ilk dəfə müəyyən edildiyini bildirdi.

Məğrur AĞSU

Üç nöqtə.-2009.-7 fevral.-S.6.