Azərbaycan milli mətbuatı
- 135
Zərdabda konfrans keçirilib
Ötən gün Zərdab rayonunda "Azərbaycan milli mətbuatı 135: tarixi nailiyyətlər və perspektivlər" mövzusunda
konfrans keçirilib. Azərbaycan milli mətbuatının 135 illik
yubileyinə həsr olunan mərasimin iştrakçıları Həsən
bəyin ev muzeyinə baş çəkərək oradakı
eksponatlarla tanış
olublar. Konfrans iştirakçılarını salamlayan Zərdab rayon İcra Hakimiyyətinin başçısı Lütfəli
Babayev Həsən bəy Zərdabi irsinə verilən önəmin nümunəsi
olan tədbirin təşkilatçılarına təşəkkürünü bildirib. Ölkədə mediaya göstərilən
dövlət qayğısından
söhbət açan
L.Babayev milli mətbuatın 135 illik yubileyinə həsr olunan prezident sərəncamını bu
sahədə həyata
keçirilən məqsədyönlü
siyasətin mühüm
tərkib hissəsi kimi dəyərləndirib.
Mətbuat Şurasının
sədri Əflatun Amaşov "Azərbaycan
milli mətbuatı
135: tarixi nailiyyətlər
və perspektivlər"
mövzusunda məruzə
ilə çıxış
edib: "Görkəmli
alim, mütəfəkkir
Həsən bəy Zərdabinin 1875-ci il iyulun 22-də nəşrinə
başladığı "Əkinçi" fəaliyyətdə
olduğu iki il müddətində özündən sonrakı
mətbu vasitələr
üçün bir növ cığır yaratmış oldu. Qəzetin mövzu dairəsi, toxunduğu məsələlər o zamankı
Azərbaycan cəmiyyətinin
ictimai şüurunda
tam yeni bir səhifə açdı.
Bu ağır zəhmətlər
hesabına başa gələn bir mərhələ idi. Həsən bəy ilk vaxtlar milli təfəkkürə,
ictimai fikrin inkişafına, ən başlıcası maarifçiliyə
yönələn missiyanı,
demək olar, təkbaşına öz öhdəsinə götürmüşdü.
Naşirlik və redaktorluqla yanaşı,
o, müxbirlik və korrektorluq etmək məcburiyyətində də
qalmışdı. Lakin
yandırdığı ziya
məşəlinin ətrafına
dövrünün saf
məsləkli insanları
toplaşdı və
"Əkinçi" təşkilatçılığı,
fədakarlığı, parlaq
istedadı ilə seçilənlər üçün
ilkin jurnalistika məktəbi oldu. Bu, qəzetin cəmiyyətdə
jurnalistika ənənələrinin
formalaşmasına, söz
sənətinin tərəqqisinə
misilsiz töhfəsi idi".
Ə.Amaşov qeyd edib ki, çar
Rusiyasının son çağlarında
mətbuat Azərbaycan
ictimai şüurunda bir növ katalizator
rolunu oynamağa başlayıb: "Bu rol çarizmin süqutundan sonrakı mərhələnin
son nəticə etibarilə
Azərbaycanın müstəqilliyinə
qədər uzanmasının
təminatına dəstək
baxımından həlledici
idi. "Əkinçi"
ənənələrindən qidalanan mətbuat dövrün görkəmli
ziyalılarının, ideoloqlarının
istiqlal ideyasının
carçısına çevrilmişdi.
Cəmi 43 il ərzində belə bir missiyanın daşıyıcısı olmaq
təbii ki, böyük uğur idi".
Bundan sonra konfransda məruzə ətrafında çıxışlar
və müzakirələr
başlanıb. KİV-in İnkişafına
Dövlət Dəstəyi
Fondunun icraçı
direktoru Vüqar Səfərli rəhbərlik
etdiyi qurumun fəaliyyət istiqamətlərindən
söhbət açıb.
O, 2009-cu ilin mayından
işə başlayan
fondun ötən müddətdəki təcrübəsinin
media ilə bağlı
əhatəli proqramların
işlənib hazırlanması
üçün əsas
yaratdığını önə
çəkib. Mətbuat
Şurası sədrinin
müavini Umud Rəhimoğlu diqqəti
KİV-in İnkişafına Dövlət Dəstəyi
Konsepsiyasına yönəldib.
Fondun Müşahidə
Şurasının sənəddə
nəzərdə tutulan
prinsiplərin reallaşması
istiqamətində ardıcıl
fəaliyyət göstərdiyini
deyən U.Rəhimoğlu
bu məqsədlə beynəlxalq təcrübənin
də öyrənilməsinə
geniş yer verildiyini önə çəkib.
"İki
sahil" qəzetinin baş redaktoru Vüqar Rəhimzadə isə öz növbəsində Azərbaycanda
1993-cü ildən bəri
media sahəsində həyata
keçirilən dövlət
siyasətinin mahiyyətcə
mətbuatın saflığının
qorunmasına, jurnalistikamızın
mütərəqqi ənənələrinin
bərqarər olmasına
yönəldiyini söyləyib.
Zərdabda çıxan
"Əkinçi" qəzetinin
redaktoru Üsaməddin
Əhmədov rəhbərlik
etdiyi nəşrin keçdiyi yoldan söhbət açıb.
O, tarixi ad daşıyan
mətbu orqanın ötən illər ərzindəki yaradıcılıq
xüsusiyyətlərini təhlil
edərək qəzetin
bölgə KİV-ləri
arasındakı özəlliklərinə
toxunub. Konfransda Həsən bəy Zərdabi nəslinin nümayəndələri də
iştirak ediblər. Onlardan akademik Böyükkişi Ağayev
Həsən bəyin və onun övladlarının
ömür yolu barədə konfrans iştirakçılarına ətraflı
məlumat verib. Zərdabi nəslinin digər nümayəndəsi
Sara xanım İsayeva
da eyni fikirləri
bölüşərək konfrans iştirakçılarını
təmsil olunduğu nəslin həyat və fəaliyyətinə
dair faktik məlumatlarla tanış
edib.
Çıxış edənlərdən
Kürdəmir rayon İcra
Hakimiyyətinin şöbə
müdiri Ağəli
Kərimov, "Xocavənd"
qəzetinin redaktoru Gültəkin Ağayeva və başqaları Azərbaycanda mediaya dövlət qayğısının
spesifik cəhətləri
barədə məlumat
verməklə yanaşı
bəzi media vasitələrinin
fəaliyyətinin Həsən
bəy Zərdabi ənənələrinə uyğun
gəlmədiyini təəssüf
hissi ilə qeyd ediblər. Onlar bu kimi
halların aradan qaldırılmasında Mətbuat
Şurasının daha
aktiv iş aparmasının arzulandığını
bildiriblər. Sonda çıxış edən
Prezident Administrasiyasının
ictimai-siyasi məsələlər
şöbəsinin sektor
müdiri Vüqar Əliyev Azərbaycanda
media sahəsindəki dövlət
siyasətinin prioritetlərindən
söhbət açıb.
Ülviyyə Şamilqızı
Xalq Cəbhəsi.-
2010.- 2 iyul.- S.13.