Azərbaycanın ilk hüquq professoru
Mustafa Vəkilovun 110 yaşı
tamam olur
Mustafa Məhəmmədağa oğlu
Vəkilov 25 yanvar
1899-cu ildə Tiflis şəhərində
anadan olub. 1917-ci ildə Tiflisdə I oğlanlar gimnaziyasında
orta təhsilini başa vurub. Həmin ili
Qafqaz Cəbhəsi Müsəlman Qaçqınlarına
yardım üzrə müvəkkil vəzifəsində
çalışıb. Azərbaycan istiqlalını
elan edəndən sonra Tiflisdə Azərbaycan Xalq Cümhuriyyətinin daimi nümayəndəliyində tərcüməçi-diplomat
vəzifəsindən çalışıb.
1919-cu ildə Bakıya gəlib və Azərbaycan Xalq Cumhuriyyətinin xətti ilə xaricə təhsil almağa göndərilib,
Fransadakı Paris Universitetinin
hüquq fakültəsinə
daxil olub. AXC-nin rus imperiyası
tərəfindən süquta
uğraması nəticəsində
xaricdə təhsil alan əksər
tələbələrin təhsili
yarımçıq qalıb.
Ancaq
Mustafa Vəkilov öz
imkanları hesabına
təhsilini davam etdirib. Sonra Azərbaycan Xalq
Komissarlar Sovetinin sədri N.Nərimanovun təşəbbüsünə əsasən, xaricdə təhsil alanların təqaüdü bərpa
olunub. M.Vəkilov təhsilini başa
vurduqdan sonra Moskvaya - Kremlə gəlib, orada MİK sədri N.Nərimanovla görüşüb. N.Nərimanov gənc hüquqşünasa
Kremldə qalıb ixtisası üzrə işləməyi təklif
edib. O, bu təklifi qəbul etməyib və 1924-cü
ildə Bakıya qayıdıb. Mustafa Vəkilov Bakıda Konyuktor Bürosuna "ştatbüro"da əvvəlcə
katib, sonra isə rəis vəzifəsində işləyib.
1925-ci ilin mayında
M.Vəkilov hakim kimi Ədliyyə Komissarlığına
işə qəbul olunub. 1927-ci ildə Xalq Ədliyyə Komissarlığında
müfəttiş-təlimatçı, eyni zamanda xüsusilə
mühüm işlər
üzrə xalq məhkəməsi hakimi vəzifəsində çalışıb.
Eyni zamanda Bakı və onun rayonlarında
mühüm mülki işlərə rəhbərlik
də ona həvalə olunub. 1928-ci ildə o, öz
xahişi ilə Ədliyyə Komissarlığından
işdən azad olunub. Sonra əsasən 1927-ci ildən dərs dediyi ADU hüquq fakültəsində pedaqoji
və elmi fəaliyyətlə məşğul
olub. Az.DETİ təşkil olunduqda ali məktəbdə
öz müəllimlik
işinə fasilə
verərək buranın
sovet quruculuğu və hüquq şöbəsinin aspiranturasına
qəbul olunub. 1930/31-ci tədris ilinin sonlarında aspiranturanı bitirib (aspiranturanın ilk buraxılışını)
dosent dərəcəsi
alır. Ardınca
iki iri elmi
əsər yazır:
"İnqilabdan əvvəlki
Azərbaycanda nikah münasibətləri", "Hüquq və əxlaq". 1935-ci ildə isə gənc alim ASSR Konstitusiyası türk mətninin redaktoru olub. Mustafa
Vəkilov eyni zamandə tərcümə və redaktə işləri ilə məşğul olub, habelə rus, fransız, alman dillərini mükəmməl bilib. 1935-ci ildə o, dövlət və hüquq elmləri namizədi alimlik dərəcəsi alaraq, təsərrüfat-hüquq
kafedrasının professoru
olub. 1941-ci ilin yanvarın 25-də XDİK yanında
xüsusi müşavirədə
Mustafa Vəkilova "antisovet-millətçi
təşkilatda iştirakına
görə cəzasını
islah-əmək düşərgəsində
çəkməklə" 5 il müddətinə
azadlıqdan məhrum
edilib.
Mustafa Vəkilov
1943-cü il aprelin 30-da vəfat edib.
Yeri gəlmişkən, Gürcüstanın
Azərbaycan əsilli
ziyalıları Mustafa Vəkilovun
110 illik yubileyin keçirməyə hazırlaşırlar. Bu barədə Milli Azlıqların Hüquq Müdafiəsi Monitorinqinin
qrup rəhbəri, hüquq müdafiəçisi
Elbrus Məmmədov bildirib.
Təbdir çərçivəsində
elmi konfrans da keçiriləcək.
Uğur
Xalq Cəbhəsi.- 2010.- 30 iyul.- S.14.