Tarixin erməni yalanları
ABUC
elmi əsası olmayan erməni iddialarını ifşa edir
ABUC-un Azərbaycan Respublikası Prezidenti
yanında QHT-lərə Dövlət Dəstəyi
Şurasının maliyyə dəstəyi ilə həyata keçirdiyi "Azərbaycan torpaqlarına
erməni iddialarının gerçək tarixi
faktları əks etdirən təkzibedilməz dəlillərlə
ifşası" layihəsi yekunlaşıb. Avqustun 3-də
"Olaylar" informasiya
agentliyinin ofisində bununla
əlaqədar mətbuat konfransı keçirlib.
Layihənin rəhbəri Elman Cəfərli
görülən işlərin zəruriliyindən
danışıb.
O deyib ki, əsas məqsəd
tariximizi təhrif edən erməni yalanlarının ifşa
olunması olub: "Erməni tarixçilərinin əsərlərində
belə bir konsepsiya hakimdir ki, Albaniyanın Kür-Araz
ovalığının (onların dili ilə desək, sağ
sahil Albaniyasının) bir hissəsi, o cümlədən
Dağlıq Qarabağ ərazisi bizim eranın 387-ci ilinədək
"Böyük Ərməniyyə"nin tərkib hissəsi
olub və göstərilən tarixdən sonra albanlara
keçib. Guya Albaniyanın bu hissəsində əzəldən
ermənilər yaşayıblar və ya yerli əhali 600 il ərzində
erməniləşib. Erməni ekstermistlərinin son illərdə
Azərbaycana qarşı irəli sürdükləri ərazi
iddiaları da əsasən bununla bağlıdır.
Layihə rəhbəri deyib ki, erməni alimlərinin əsas məqsədi Dağlıq Qarabağ da daxil olmaqla digər ərazilərin işğalına ideoloji əsas yaratmaq, tarixi don geydirməkdir. Erməni iddialarının bu gün də davam etdiyini deyən layihə rəhbərinin fikrincə, əsas diqqət alban dili və ədəbiyyatının tədqiqinə yönəldilməlidir. Son illər bu istiqamətdə sanballı əsərlərin yazıldığına diqqəti çəkən Elman Cəfərli deyib ki, bu əsərlər alban ədəbiyyatını öz adına çıxan ermənilərə tutarlı cavabdır: "Hələ sovet dövründə tarixşünaslıqda "erməni qıpçaqçası" deyilən bir ifadə vardı. Ermənilər bu dili, bu dildə yazılmış bütün nümunələri öz adlarına çıxırdılar. Tarixçi alim Bəxtiyar Tuncay vaxtilə Qafqaz Albaniyasından Ukraynaya köç etmiş və orada çoxsaylı əsərlər yazmış alban müəlliflərinin əsərlərini tədqiq edərək bu nəticəyə gəlib ki, əslində erməni qıpçaqçası elə alban dilidir. Araşdırmalar əsasında "Qafqaz albanlarının dili və ədəbiyyatı" kitabı nəşr olundu". Əldə olunmuş mətnlər içərisində Azərbaycanın, o cümlədən Qarabağ və Zəngəzurun tarixi barədə elmə məlum olmayan çox dəyərli məlumatlar da bulunmaqdadır. Sözügedən əsərlər alban dilində, daha dəqiq desək, qıpçaq türkcəsindədir. Onların həm Azərbaycan, həm də dünya ictimaiyyətinə çatdırılmasına böyük ehtiyac var. Çünki bu materiallar erməni yalanların ifşa etmək və həqiqəti üzə çıxarmaq baxımından əvəvzsiz mənbədir". Layihə rəhbəri bildirib ki, son dövrlərdə erməni iddialarının kökünü qazımaq və həqiqəti ortaya qoymaq baxımından çox sayda təkzibedilməz dəlil və faktlar üzə çıxarılıb. Fəqət bu qiymətli materiallar sadəcə Azərbaycanın dövrü mətbuatında dərc edilib. Bu səbəbdən də geniş dünya ictimaiyyətinin, eləcə də ölkəmizin akademik dairələrinin bunlardan xəbəri yoxdur. Bu baxımdan münaqişəylə bağlı həqiqətlərin, eləcə də Qarabağın tarixinin, bu bölgənin qədim zamandan Azərbaycan xalqının dövlətçilik salnaməsinin tərkib hissəsi olduğunun bütün dünyaya çatdırılması böyük önəm daşıyır. Çünki Dağlıq Qarabağı Azərbaycandan qoparmağı qarşıya məqsəd qoyan ermənilərin əleyhimizə apardıqları təbliğat məhz tarixin saxtalaşdırılması üzərində qurulub.
Layihənin koordinatoru Məlahət
Xəlilova bildirib ki,
4 aylıq layihə çərçivəsində müəyyən
işlər görülüb: "ABUC olaraq layihədə nəzərdə
tutulan işləri gördük,
maarifləndirmə xarakterli dəyirmi masalar, seminarlar keçirdik, KİV-də xüsusi
rubrika açdıq, nəşr etdirdiyimiz təbliğat materiallarında ictimai diqqəti erməni yalanlarına yönəltməyə
çalışdıq. Qafqaz
Albaniyasının tarixi,
tarixi-coğrafiyası, albanların dili, ədəbiyyatı,
əılifbası ilə bağlı son
illərdə yazılmış elmi məqalələri
topladıq, Azərbaycan və rus dillərində
yazılı və elektron KİV-də dərc
etdirdik. Layihə çərçivəsində
ayrıca www.qafqazalbaniyasi.az saytını
yaratdıq. Sayt hazırda fəalliyyətdədir
və mövzu ilə ilgilənən oxucular saytın materillarından yaralana bilərlər".
Xalq cəbhəsi.- 2011.- 4 avqust.-
S.10.