Aprel döyüşləri - Böyük qələbəmizə aparan yolun başlanğıcı

Aprelin 1-i Azərbaycan və Ermənistan arasında baş vermiş Aprel döyüşlərinin növbəti ildönümüdür.

Azərbaycan Ordusunun qələbəsi ilə yekunlaşan tarixi döyüşlərin başlanmasından 9 il ötür.

Xatırladaq ki, 2016-cı ilin mart ayının ortalarından ermənilər atəşkəsi intensiv pozmağa başlayıblar. Aprelin 1-dən 2-nə keçən gecədən başlayaraq isə bütün cəbhə boyu Azərbaycan Ordusunun mövqeləri və yaşayış məntəqələri düşmən tərəfindən intensiv atəşə məruz qalıb. Nəticədə ermənilər aprel ayının 2-dən 5-dək qoşunların təmas xəttində silahlı təxribatlar törədiblər. Təxribatlar zamanı dinc əhaliyə də hücumlar olub. Bu hadisələr nəticəsində Azərbaycan Ordusu şəhid verib, həmçinin mülki əhali arasında da ölən və yaralananlar olub.

Döyüşlər zamanı Azərbaycan Ordusu da ermənilərin mövqelərinə cavab zərbələri endirib, həyata keçirilən sürətli əks-həmlə zamanı 2 min hektardan artıq ərazi azad edilib və daha çox ərazi əməliyyat baxımından nəzarət altına keçib. Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər düşmən qüvvələrindən tam təmizlənib. Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" adlandırılan yüksəklik də Azərbaycan Ordusunun nəzarətinə keçib. Bu döyüşlər nəticəsində 320 erməni hərbçisi məhv edilib, 500-dən çoxu isə yaralanıb.

Azərbaycanın ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdikləri qəhrəmanlıq və igidliyə görə Azərbaycan hərbçilərinin xüsusi fərqlənən bir qrupu 2016-cı il aprelin 19-da Azərbaycan Prezidentinin müvafiq sərəncamları ilə yüksək fəxri ada layiq görülüb, orden və medallarla təltif olunub. Vətən qarşısındakı xidmətlərinə görə təltif edilənlər arasında Azərbaycanın Milli Qəhrəmanı fəxri adına, “Azərbaycan Bayrağı” və “Vətənə xidmətə görə” ordenlərinə, “Vətən uğrunda”, “İgidliyə görə” və “Hərbi xidmətlərə görə” medallarına layiq görülənlər var.

Tarixi qələbəmizə qısa ekskurs edən Azərbaycan Respublikası Beynəlmiləlçi Əlil Döyüşçülər Fondunun prezdenti, Əfqanstan və Qarabağ mharibələrinin veteranı Sərraf Orucov qəzetimizə deyib ki, Aprel döyüşləri Qarabağda Böyük Qələbəmizə aparan şanlı zəfər yolun başlanğı olub.

O, qeyd edib ki, 2016-cı il aprelin 1-dən 4-nə qədər, Ermənistan silahlı qüvvələri sərhədyanı kəndlərimizi, qoşunların təmas xəttindəki yaşayış məntəqələrimizi amansızcasına atəşə tutub. Azərbaycan Ordusunun cəsur və qəhraman oğulları düşmənin hücumunun qarşısını alıb, əks hücuma keçərək işğalçı ordunu geri oturtmaqla bərabər xeyli ərazilərimizi azad edib.

Bunlar Tərtər rayonunun Selsulan, Qazaxlı kəndləri, Talış kəndi ətrafındakı strateji yüksəkliklər, Cəbrayıl rayonunu LələTəpə strateji yüksəkliyi və Cocuq Mərcanlı kəndidir:

“2016-cı ilin apreli bu qətiyyətin başlanğıcı oldu. Ermənistan silahlı qüvvələrinin cəbhə xəttində təxribatlarının qarşısı qətiyyətlə alındı, Lələtəpə, Bayraqtəpə kimi olduqca əhəmiyyətli yüksəkliklər də daxil olmaqla, 2 min hektarlarla ərazi düşməndən təmizlənərək işğaldan azad edildi, 320 erməni silahlısı məhv edildi. Bu, Azərbaycan Ordusunun böyük tarixi qələbəsi idi. Bu, Azərbaycan Ordusunun gücünü, qüdrətini, döyüş əzmini, qələbə ruhunu təsdiqlədi. Bu, ordu ilə xalqın birliyinin qələbəsi kimi tarixləşdi.

Bu qəhrəmanlar və həmin həlledici günlərdə ayağa qalxaraq ordusu ilə birgə olduğunu göstərən, cəbhəyə axışan xalqımız dünyaya göstərdi ki, biz torpaqlarımızı düşmən işğalından azad etməyə qadirik. Müəyyən dairələrin Azərbaycana qarşı istifadə etməyə çalışdığı “uduzmuş tərəf” sindromunu da məhz aprel döyüşlərinin qəhrəmanları darmadağın etdilər. Bu gün yalnız şəhid ailləri deyil, bütün xalqımız aprel və vətən müharibəsinin şəhidləri ilə qürur duyur. Bu gün hər birimizin qəlbi yüksək iftixar hissi ilə doludur. Bu il şanlı aprel döyüşlərindən 9 il ötür. O döyüşlərdə Azərbaycan əsgəri nəyə qadir olduğunu bir daha sübut etdi.

Ermənilər Azərbaycan Ordusunun qəhrəman zabit və əsgərlərinin qorxmazlığı, şücaətindən qorxuya düşdülər. Əminəm ki, Ermənistan və onlara havadarlığ edən bədnam dövlətlər 2016-cı ilin aprelində və 2020-ci il 44 günlük Vətən müharibəsində aldığı bu kəsərli zərbəni heç vaxt unudmayacaqdır.

Aprel döyüşləri Azərbaycanımızın bugnki, Zəfər Qələbəsinin ilk qaranquşları oldu.

Məhz aprel döyüşlərində Azərbaycan əsgəri subut etdi ki, nəyin bahasına olursa, olsun işğal altında olan torpağlarımızı yadelli düşmənlərdən azad edəcək.

2020-ci il tarixlərində, 44 günlük Vətən müharibəsində Azərbaycan Respublikasının Prezidenti, Azərbaycan Silahlı Qüvələrinin Müzəffər Ali Baş Komandanı Cənab İlham Əliyevin qətiyətli rəhbərliyi ilə və şəhidlərimizin qəhrəmanlığı, qanları bahasına işğal olunmuş torpağlarını ermənilərdən qeyri-şərtsiz azad edildi, Azərbaycanın ərazi bütövlüyü bərpa olundu.

Vətən Müharibəsində, Ermənistanın ordusunun Xocalıda, Xankəndində, Şuşada, Kəlbəcərdə, Laçında olan əsas döyüş texnikaları, sursatları və əsgəri qüvələrinin hamsı ilk günlərdə Xocəvənd, Fizuli, Hadrut, Ağdam, Zəngilan, Cəbrail və Qunadlı ərazilərinə gətirilərək, orada Müzəfər Azərbaycan Ordusu tərəfindən yarsı döyüş zamanı məhv edilmiş, yarsı isə atıb qaçdlıqlarından, ordumuz təfindən işlək vəziyyətdə qənimət kimi ələ keçirildi.

Aprel və 44 günlük Vətən müharibəsinin döyüşləri bir daha əminliklə təsdiqlədi ki, Azərbaycan Ordusu digər torpaqlarını işğaldan azad etməyə qadirdir və Azərbaycan dövləti, Azərbaycan xalqı Azərbaycan ərazisində ikinci erməni dövlətinin yaranmasına heç zaman imkan verməyəcəkdir”.

S.Orucovun sözlərinə görə, əminliklə təsdiqləndi ki, xalq ordusuna inanır, ona güvənir, ordu da xalqa arxalanır. Bu qələbə ermənilərin illərlə formalaşdırmaq istədiyi “qalib” rəyin puç olduğunu da təsdiqlədi. Ordumuzun gücü həm də bu amillə bağlıdır.

Qanı, canı, və bütün varlığı ilə doğma Vətənə olan tükənməz sevgisini ortaya qoyaraq sarsılmaz döyş ruhunu həm düşmənlərimizə eləcədə, onların havadarlarına nümayiş etdirdilər. Xalqımız 30 il ərzində bu qələbə müjdəsini səbirsizliklə gözləyirdi.

Bundan sonra isə, şəhidlərimizin qanları bahasına əldə etdiyimiz Azərbaycan dövlət müstəqilliyini və ərazi bütövlüyünü qoruyub saxlamaq Azərbaycan ordusu ilə yanaşı, milli mənsubiyyətindən aslı olmayaraq bütün Azərbaycan vətəndaşlarının müqəddəs vəzifə borcudur: “Buna görə də “ARBƏD”- Fondunun üzüvləri yeniyetmə və gənclərin hərbi-vətənpərvərlik ruhda tərbiyə olunmaları istiqamətində, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Azərbaycanda “Vətənin müdafiəsinə hazıram!” devizi altında gənclər təşkilatları və vətəndaş cəmiyyəti institutlarının iştirakı ilə reallaşdırılmış tədbirlərdə gənc nəslin müddətli həqiqi hərbi xidmətə fiziki, mənəvi və psixoloji cəhətdən hazırlığının artırılmasına, onların Vətənə sadiqlik ruhunda tərbiyə edilməsinə xüsusi önəm verilməsində yaxından iştirak edir.

Məqsədimiz yeniyetmə və gənclər arasında hərbi-vətənpərvərlik ruhunu daha da yüksəltməkdir. Belə görüşlərdə Aprel döyüşlərinin və 44 günlük Vətən müharibəsin əhəmiyyəti barədə də söz açmağı özümüzə mənəvi borc bilirik.

Bu gün biz aprel döyüşlərini Qarabağda böyük qələbəmizə aparan şanlı və müqəddəs yolun başlanğıcı hesab edirik.

“Canlarını vətən, millət, dövlət uğrunda qurban vermiş şəhidlər həm dini nöqteyi- nəzərdən, həm də bəşəri cəhətdən şərəfli və müqəddəs bir yolun yolçularıdırlar. Şəhidlərimiz daima ehtiram hissi ilə yad olunublar və olunacaqlar. Nə qədər ki, Azərbaycan xalqı, Azərbaycan dövləti var şəhidlərimiz də qəlblərimizdə yaşayırlar və yaşayacaqlar. Azərbaycanın suverenliyi və ərazi bütövlüyünün müdafiəsi uğrunda Şəhid olmuş insanların adı daimi qəlbimizdədir! Onların xatirəsi bizim üçün əzizdir, onlar bizim qəlbimizdən çıxmaz, unudulmaz”.

Siyasi ekspert Əkrəm Bəydəmirli isə deyib ki, Aprel döyüşləri çox ciddi psixoloji dönüşə səbəb oldu: “Aprel döyüşlərini qürurla anırıq. O zaman düşmən tapdağı altında qalmış 2000 hektar ərazi Ordumuz tərəfindən azad edildikdən sonra Azərbaycan cəmiyyətində növbəti qələbələrə inam yarandı. Xalqımızın həsrətində olduğu belə qələbələrin davamlı olacağına, bütün torpaqlarımızın azad olunacağına inam yarandı. Bütövlükdə ordu-xalq vəhdəti özünü yüksək səviyyədə göstərdi. Bu vəhdətin nəticəsini biz 44 günlük II Qarabağ müharibəsində gördük. Həmin vaxt həyata keçirilən hərbi əməliyyatlar Azərbaycan Ordusunun nəyə qadir olduğunu göstərdi.

Bir məqamı xüsusilə qeyd etmək istərdim. Aprel döyüşləri başlayanda yüzlərlə Azərbaycan gənci hərbi xidmətə çağırış vərəqəsini gözləmədən döyüşmək istəyi ilə səfərbərlik qurumlarına müraciət etdi. Əməliyyat gedən əraziyə bu gəncləri buraxmamaq üçün bir sədd yaradılmışdı. İstər 2016-cı il Aprel döyüşlərində, istərsə də 2020-ci ilin 44 günlük Vətən müharibəsində Ermənistan tərəfdə isə Azərbaycan əsgərindən qorxub qaçan erməni əsgərlərini saxlamaq üçün sədd çəkmişdilər, hətta onları geriyə qaytarmaq üçün güllə ilə vururdular. Hər iki döyüş Ermənistan ordusundakı fərarilərin sayının artdığını göstərdi. Bundan əlavə ermənilər tərəfdən uydurulmuş məğlumedilməz ordu mifi tamamilə dağıdıldı. Digər tərəfdən Aprel döyüşləri çox ciddi psixoloji dönüşə səbəb oldu. Azərbaycan cəmiyyətində xeyirin şər üzərində mütləq qalib gələcəyi tendensiyası möhkəmləndi. Yekunda ilahi ədalət II Qarabağ müharibəsidə bərqərar oldu. Belə qalibiyyət, tarixi Zəfər düşünülmüş strateji siyasət və böyük fədakarlıq nəticəsində qazanılıb. Bu müqəddəs yolda qurban gedən bütün şəhidlərimizi ehtiramla anırıq”.

Cavid

Xalq Cəbhəsi .- 2025. -3 aprel(№12).- S.9.