Azərbaycanda yaşıl iqtisadiyyatın
və yaşıl biznesin perspektivləri
Azərbaycan Türkiyə İş Adamları Birliyi , Qara dəniz və Xəzər dənizi Sahibkarlar Konfederasiyaları Birliyi
(UBCCE) və Almaniya Texniki Əməkdaşlıq
Cəmiyyətinin (GTZ) təşkilatçılığı
və "CNİM" şirkətinin
dəstəyi ilə
"Azərbaycanda yaşıl
iqtisadiyyatın və
yaşıl biznesin perspektivləri" mövzusunda
beynəlxalq seminar keçirilmişdir.
Üç sessiyadan ibarət seminarda UBCCE-nin birinci vitse-prezidenti Ahmet Erentok, Sənaye və Energetika Nazirliyinin (SEN) Alternativ və Bərpa Olunan Enerji Mənbələri üzrə Dövlət Agentliyinin direktor müavini Cəmil Məlikov, ARDNŞ-in Ekoloji Layihələrin İdarəedilməsi Departamentinin
direktoru Ramiz Əliyev və GTZ-in Ətraf Mühit və İqlim Dəyişikliyi
Departamentinin Ətraf Mühit, Resurs Səmərəliliyi və
Tullantıların İdarəedilməsi
şöbəsinin rəhbəri
Detlef Şrayber çıxış etmişlər.
"Ölkənin neft-kimya sənayesində ətraf mühit standartlarının tətbiqi"
adlı birinci sessiyada neft-kimya sənayesində ətraf mühit standartlarının
tətbiqinin yeni institusional və hüquqi çərçivələri,
eləcə də bu sahədə beynəlxalq əməkdaşlıq
üçün mümkün
istiqamətlər müzakirə
olundu. ARDNŞ-nin "Azərkimya" İB-nin Əməyin mühafizəsi, təhlükəsizlik
və ekologiya şöbəsinin rəisi
Qəzənfər İmanov,
BASF Caspian şirkətinin
icraçı direktoru
Ümit Başdaş,
GTZ-in Ətraf Mühit və İqlim Dəyişikliyi Departamentinin Ətraf Mühit, Resurs Səmərəliliyi və
Tullantıların İdarəedilməsi
şöbəsinin
rəhbəri Detlef Şrayber məruzə etdilər. "Azərbaycanda
alternativ enerji mənbələri və enerji səmərəliliyi"
adlı ikinci sessiyada mövzu ilə bağlı Sənaye və Energetika Nazirliyinin (SEN) Alternativ və Bərpa Olunan Enerji Mənbələri üzrə Dövlət Agentliyinin direktor müavini Cəmil Məlikov, Regional Ətraf Mühit Mərkəzinin (Türkiyə)
baş məsləhətçisi və
İqlim Platformunun baş katibi Önder Algedik, Kaspian Texnoloji şirkətinin texniki direktoru Nəzir Ramazanov, Alman Azərbaycan Biznes Assosiasiyasının (DAWF) direktoru
Florian Şröyder çıxış etdilər.
Məruzələrdə Azərbaycanda qeyri-ənənəvi
mənbələrdən (günəş,
hidroelektrik, külək
və s.) alınan yeni enerji ehtiyatlarından istifadənin mümkünlüyü
və eyni zamanda, müvafiq proqramların icrası ilə bağlı tənzimləyici problemlərə
dair müzakirələr,
həmçinin enerji
səmərəliliyi mövzusu
əhatə edildi.
"Azərbaycanda tullantıların
idarə olunması məsələləri" adlı
üçüncü sessiyada
bu sistemin kompenentləri (toplanması,
daşınması, emalı,
təkrar emalı, yerləşdirmə və
tullantılara nəzarət)
və onun kommersiya səmərəliliyini
əhatə edilməsi
müzakirə edildi. "Təmiz Şəhər"
ASC-nin İdarə Heyəti sədrinin müavini Etibar Abbasov, Ekologiya və Təbii Sərvətlər Nazirliyinin
Ətraf Mühitin Mühafizəsi Departamentinin
təhlükəli tullantıların
idarəedilməsi sektorunun
müdiri Adil Zeynalov, CNİM şirkətinin
ətraf mühit məsələləri üzrə
direktoru və Avropa Tullantıların
Enerjiyə Çevrilməsi
Texnologiyaları Təchizatçılarının
(ESWET) Texniki Komitəsinin
sədri Hubert de Şefdebyen məruzə etdilər.
Qeyd edək ki, seminar UBCCE və GTZ təşkilatlarının
ortaq olaraq həyata keçirdikləri
"UBCCE ölkələrində Yaşıl Biznesi Dəstəkləmə Strategiyasının
Formalaşdırılması" layihəsi çərçivəsində
təşkil edilib. Layihəyə Almaniya Ətraf Mühit Nazirliyi tərəfindən
də dəstək verilir. Layihənin əsas məqsədi iqlim dəyişlikliyinin ortaya çıxarıldığı
çağırışlara və imkanlara özəl sektor tərəfindən çevik
və səmərəli
cavab verilməsi üçün ümumi biznes strategiyasının formalaşdırılmasıdır. Strategiya çərçivəsində
özəl sektora və digər maraqlı tərəflərə
idarəetmə məsələləri,
biznes imkanları, texnologiyaların transferi və əməkdaşlıq
barədə lazımi
informasiya təqdim ediləcək. Layihənin
əsas fokusu iqlimə uyğun texnologiyalar, enerji və resurslardan səmərəli istifadə
məsələləridir. Xatırladaq ki, ATİB
2006-cı ildə təsis
edilən və hazırda 19 ölkədən
24 üzvü olan Qara Dəniz və Xəzər dənizi İş Adamları Konfederasiyaları
Birliyinin (UBCCE) birinci vitse-prezidentidir.
Z.
BƏŞİRQIZI,
Xalq qəzeti.-2010.-23 dekabr.-S.5.