"Azərenerji" ASC-də Azərbaycan
milli mətbuatının 135 illik yubileyi qeyd edilmişdir
İyulun 20-də
"Azərenerji" ASC-də Azərbaycan milli mətbuatının
135 illik yubileyinə həsr olunmuş mətbuat konfransı
keçirilmişdir.
Azərbaycan Elmi-Tədqiqat
və Layihə-Axtarış Energetika İnstitutunun direktoru
Nurəli Yusifbəyli görkəmli maarifçi və
publisist Həsən bəy Zərdabinin yaratdığı
"Əkinçi" qəzetinin milli mətbuatımızın
inkişafında əvəzsiz rolundan
danışmışdır.
Tədbirdə "Əkinçi"
qəzetinin nəşri ilə bağlı videoçarx
nümayiş etdirilmişdir.
Konfransda jurnalistləri maraqlandıran
suallar cavablandırılmışdır.
N.Yusifbəyli bu il Kür çayı
üzərində ümumi
gücü 550 meqavata
yaxın olan Tovuz, Şıxlı və Poylu su
elektrik stansiyalarının,
Bakı şəhərinin
ətrafında 50 meqavat
gücündə külək
elektrik stansiyasının,
İsmayıllı və
Qusar rayonlarında isə kiçik su elektrik stansiyalarının
tikintisinə başlanılacağını
bildirmişdir. Mövcud generasiya
güclərinin müasir
texnologiyalar əsasında
yenidən qurulması
layihələrinin icrası
davam etdirilir. Bu il Azərbaycan
İstilik Elektrik Stansiyasının 5 blokunun
yenidən qurulması
işləri başa çatdırılacaqdır. Nəticədə energetika sistemi 450 meqavata yaxın əlavə güc əldə edəcəkdir.
Şirvan İstilik Elektrik Stansiyasını əvəzləyəcək 780 meqavat gücündə
"Cənub" Elektrik
Stansiyasının, həmçinin
25 meqavat gücündə
Füzuli Su Elektrik Stansiyasının tikintisi
aparılır. Bu stansiya Aran bölgəsinin
enerji təhlükəsizliyinin
daha da möhkəmləndirilməsinə
kömək edəcəkdir.
N.Yusifbəyli demişdir ki, ümumiyyətlə 2010-2015-ci illərdə
nəzərdə tutulmuş
layihələrin həyata
keçirilməsi nəticəsində
elektrik enerjisi sisteminin gücü 3 min meqavata yaxın artacaqdır. Həmçinin
2015-ci ilə kimi respublika üzrə iri və kiçik
su elektrik stansiyalarının tikintisi
layihələrinin həyata
keçirilməsi 2 milyon
tondan artıq şərti yanacağa qənaət olunmasına,
eyni zamanda, atmosferə atılan karbon qazının miqdarının təqribən
10 milyon ton azaldılmasına
imkan verəcəkdir.
Sonda jurnalistlərə mükafatlar
təqdim edilmişdir.
Konfrans çərçivəsində KİV nümayəndələrinin Sumqayıt
Elektrik Stansiyasına ekskursiyası da təşkil edilmişdir.
Xalq qəzeti.- 2010.- 21 iyul.- S. 7.