Region kitabxanalarının Veb-saytlarında daha bir yenilik
Bir sıra region kitabxanaları öz Veb-saytlarını zənginləşdirmək
məqsədilə rayonun
tarix-diyarşünaslıq muzeyində olan eksponatlar haqqında kitabxana saytlarında məlumat verirlər. Bu barədə Mədəniyyət və
Turizm Nazirliyinin mətbuat xidməti məlumat yayıb.
Xaçmaz rayon Mərkəzləşdirilmiş
Kitabxana Sisteminin Veb-saytının (www.xacmazmks.webs.com) “Muzeyimizin eksponatları” bölməsində rayon tarix-diyarşünaslıq
muzeyində mühafizə
edilən 18 eksponat – küp qablar, qədim silahlar, pullar, tunc dövrünün
bəzək əşyaları,
daş çapacaqlar nümayiş etdirilir.
Bərdə rayon Mərkəzləşdirilmiş Kitabxana Sisteminin Veb-saytında (www.barda-mks.az)
rayon tarix-diyarşünaslıq muzeyində mühafizə
edilən 20 eksponat haqqında maraqlı məlumatlar verilmişdir. Eksponatlar
arasında saxsıdan
süzgəc, antik dövrə aid saxsıdan
emal edilmiş əczaçılıq qabı,
saxsı çıraq,
paleolit dövrünə
aid daş balta, saxsı şamdan, üzüm emal etmək üçün daş alət və s. oxucuların marağına səbəb
olmuşdur.
Bu təcrübə digər
region kitabxanalarında da
yayılacaqdır.
M.MÜKƏRRƏMOĞLU
Xalq qəzeti.- 2010.- 11 mart.- S. 6.