Azərbaycanın
Avropa təsisatları ilə əməkdaşlığı
yeni müstəvidə inkişaf edir
Hesab
edirəm ki, üzərində işlədiyimiz sənədlər
imzalandıqdan sonra Avropa təsisatları ilə Azərbaycan
arasında əlaqələrin daha da yaxınlaşmasına gətirib
çıxaracaqdır. Biz bu münasibətlərdə
maraqlıyıq, siyasətimizin Avropa hissəsi prioritet xarakter
daşıyır.
İlham ƏLİYEV,
Azərbaycan Respublikasının
Prezidenti
Brüssel, 22 iyun 2011-ci il
Mən bu
həssas, lakin vacib məsələləri açıq və
səmimi şəkildə müzakirə etdiyimiz
üçün Prezident İlham Əliyevə təşəkkürümü
bildirmək istəyirəm. Ümumi dəyərlərə
dair bölüşdüyümüz öhdəliklər -
demokratiya, qanunun aliliyi, insan haqları əlaqələrimizin əsas
hissəsini təşkil edir və düşünürəm
ki, bu, nailiyyət üçün vacibdir.
Xose Manuel Barrozu,
Avropa Komissiyasının sədri
Brüssel, 22 iyun 2011-ci il
Prezident İlham Əliyevin
Belçika səfəri bu istiqamətdə daha geniş
perspektivlər açdı
Azərbaycan
Respublikasının Prezidenti İlham Əliyevin bir çox Qərb
siyasətçilərinin rəmzi olaraq "Avropanın
paytaxtı" adlandırdığı Belçika
Krallığına işgüzar səfəri bir neçə
cəhətdən əlamətdar oldu. Bu səfərin Azərbaycan,
Rusiya və Ermənistan prezidentlərinin Kazan
görüşü ərəfəsində
reallaşdırılması siyasi və diplomatik baxımdan
kifayət qədər əhəmiyyət kəsb edirdi. Çünki
dövlət başçımızın Brüsseldə
görüşüb müzakirələr apardığı
rəsmilərin hamısı ATƏT-in Minsk qrupuna həmsədrlik
edən ölkələrin dövlət
başçılarının son bəyanatını və
Ermənistan-Azərbaycan, Dağlıq Qarabağ
münaqişəsinin həlli üçün vasitəçilik
edən şəxslərin səsləndirdiyi "mövcud
status-kvo qəbuledilməzdir"
çağırışını dəstəklədiklərini
bildirdilər. Eyni zamanda həm Avropa Komissiyasının, həm
də Avropa Parlamentinin rəhbərləri bəyan etdilər
ki, vasitəçilərin Cənubi Qafqazdakı vəziyyəti
normallaşdırmaq üçün irəli
sürdüyü "Əsas prinsiplər" adlı sənəd
üzərində iş başa
çatdırılmalıdır.
Yazının
əvvəlində Azərbaycan Respublikasının Prezidenti
İlham Əliyevdən gətirdiyimiz sitatdan
göründüyü kimi Azərbaycanın xarici siyasətində
Avropa ilə əməkdaşlığa xüsusi önəm
verilir və bu istiqamət prioritet xarakter daşıyır. Dövlət
başçımızın Brüssel səfəri zamanı
tərəflər növbəti dəfə rəsmi
Bakının bu əməkdaşlığa verdiyi önəmin
canlı şahidinə çevrildilər. Avropa təsisatlarının
rəhbərləri Azərbaycanın öz üzərinə
götürdüyü bütün öhdəlikləri ardıcıllıq
və prinsipiallıqla yerinə yetirdiyini gördülər, qəbul
etdilər və etiraf etdilər ki, Azərbaycan Avropadan öz ədalətli
mövqeyinə dəstək gözləyərkən tamamilə
haqlıdır. Cənab Xose Manuel Barrozunun birgə mətbuat
konfransında söylədiyi fikirlərdən seçdiyimiz
sitatda isə əsas diqqət tərəflərin
bölüşdüyü öhdəliklərin ümumi
nailiyyət üçün vacibliyinə yönəldilir. Yəni,
Azərbaycan Avropaya inteqrasiyanı genişləndirir, Avropa isə
gənc müstəqil dövlət olan, mehriban qonşuluq
şəraitində yaşadığı Azərbaycan Respublikası
qarşısında götürdüyü öhdəlikləri
gələcək nailiyyətlərin təməli sayır.
Dövlət
başçımızın Belçika Krallığına
işgüzar səfəri çərçivəsində həyata
keçirilən tədbirlərin sırası, aparılan
müzakirələrin isə əhatə dairəsi
genişdir. Avropa Komissiyasının sədri Xose Manuel Barrozu
ilə görüş və birgə mətbuat konfransı,
Avropa Parlamentinin sədri Yeji Buzek ilə görüş və
birgə bəyanat, Avropa İttifaqının prezidenti Herman
Van Rompey ilə görüş və mətbuat
üçün bəyanatlarla çıxış edilməsi,
Avropa İttifaqının genişləndirilməsi və
Avropa qonşuluq siyasəti üzrə komissar Ştefan Fule ilə
görüş, eləcə də dövlət
başçımızın Brüsseldə təşkil
olunmuş Krans Montana Forumunun rəsmi
açılışında iştirak etməsi və digər
tədbirlər Azərbaycan-Avropa əməkdaşlığının
genişləndirilməsinə təkan verilməsi
baxımından çox əlamətdar idi. Ancaq bir məsələ
daha çox diqqət kəsb edirdi. Belə ki, Avropa rəsmiləri
Azərbaycana həmişə böyük hörmət və
ehtiramla yanaşsalar da, rəsmi Bakıya inam və etimad
heç zaman indiki səviyyədə olmayıb. Bu fikri yuxarıda
adını çəkdiyimiz rəsmilərin öz ifadələri
ilə təsdiq etməyə çalışaq. Məsələn,
cənab Barrozu Avropa üçün nə qədər əhəmiyyət
kəsb etdiyini siyasi-diplomatik dillə deyil, bir insan kimi, Avropada
yaşayan ziyalı kimi səmimi şəkildə etiraf edir:
"...Bu ilin yanvarında mən Prezident Əliyev ilə birgə
"Cənub" qaz dəhlizinin yaradılmasına dair birgə
bəyannamə imzaladıq. Bu, enerji təchizatı və tələbatımızın
təhlükəsizliyi və şaxələndirilməsi
üçün çox vacibdir. Bu dəhliz strateji məqsədimizdir,
Azərbaycan üçün strateji məsələdir... Bu,
eyni zamanda Avropa İttifaqı üçün də strateji məsələdir.
Çünki bununla biz Xəzər hövzəsindən
alternativ təchizat marşrutu əldə etməyə imkan
tapacağıq". Fikrimizcə cənab Barrozunun bu şəkildə
açıq mətnlə danışması ancaq və ancaq
Bakıya olan inam və etimaddan irəli gəlir.
Yaxud,
Avropa Parlamentinin sədri Yeji Buzek Azərbaycan Prezidenti
İlham Əliyevlə keçirdiyi birgə mətbuat
konfransında özünün təmsil etdiyi qurumun Azərbaycanın
probleminə biganə qalmadığını dilə gətirir:
"...Avropa İttifaqı və Avropa Parlamenti dünyanın
bu regionunda dondurulmuş Dağlıq Qarabağ probleminin həllinə
böyük önəm verir. Biz ATƏT-in Minsk qrupunun fəaliyyətinə,
Rusiya, Fransa və ABŞ-ın fəaliyyətinə çox
ciddi yanaşırıq. Başqa çox vacib bir məqam əlbəttə
ki, Madrid prinsipləridir". Qeyd edək ki, Avropa rəsmisinin
"vacib məqam" adlandırdığı "Madrid
prinsipləri" bilavasitə Ermənistanın destruktivliyi nəticəsində
indiyədək həyata vəsiqə ala bilmir. Azərbaycan
Prezidenti bütün digər səfərlərində
olduğu kimi bu səfərində də Avropanın növbəti
informasiya vasitələrinə müsahibə vermək ənənəsini
davam etdirdi. İyunun 22-də Brüsseldə "Euronews"
telekanalına müsahibə verən dövlət
başçımız Azərbaycan həqiqətlərinin
dünya ictimaiyyətinə növbəti dəfə
çatdırılması baxımından çox önəmli
fikirlər söylədi. Müxbirin "Dağlıq
Qarabağ məsələsində Azərbaycanın növbəti
güzəşti nə ola bilər? - sualını
cavablandıran Azərbaycan Prezidenti bütün Avropa
üçün təkrar xatırlatma olan bir cavab verdi: "Əslində
elə bir şey yoxdur ki, bizə məxsus olmasın və biz
onu qaytarmalı olaq. Dağlıq Qarabağ Azərbaycanın
tarixi və beynəlxalq səviyyədə tanınan ərazisidir"
Dövlət
başçımızın Belçika səfəri çərçivəsində
iştirak etdiyi növbəti tədbir Brüsseldə təşkil
olunmuş Krans Montana Forumunun rəsmi
açılışı idi. Forumun
açılışında "Azərbaycan: Şərqə
doğru Avropanın qabaqcıl mayakı" adlı
sessiyanın təşkil olunması ölkəmizə olan
inamın növbəti təzahürü kimi qiymətləndirilirdi.
Eyni məkanda Azərbaycanla bağlı olan sərginin
açılması da xüsusilə diqqət çəkirdi.
Forumda nitq söyləyən Azərbaycan Prezidenti İlham Əliyev
ölkəmizin Avropa ilə əməkdaşlığının
böyük perspektivi olduğunu dilə gətirdi:
"...Bizim ümumi maraqlarımız var ki, gələcəkdə
bir çox sahələrdə əməkdaşlığımızı
genişləndirək. Bizim böyük gözləntilərimiz
var ki, "Şərq tərəfdaşlığı"
Proqramı Azərbaycan ilə Avropa arasında daha çox əlaqələrin
qurulmasına imkan yaradacaq və bunun nəticəsində biz
Avropa İttifaqının müsbət təcrübəsindən
ölkəmizdə istifadə edəcəyik, həyatımızın
meyarlarını Avropa İttifaqının meyarlarına
yaxınlaşdıracağıq. Azərbaycanın
Avropanın bir hissəsi olmasını, Avropa qitəsinin ifrat
sərhədində yerləşməsini nəzərə
alaraq ölkəmiz bu sahədə öz rolunu oynamağa
hazırdır".
Krans
Montana Forumunun ən ali mükafatı olan "PRİX DE
Dövlət
başçımızın Brüsseldən Kazana
uçmasından sonra da Belçika paytaxtında Azərbaycanla
bağlı tədbirlər davam etmişdir. İyunun 24-də
Brüsseldə Azərbaycanın birinci xanımı, Heydər
Əliyev Fondunun prezidenti, YUNESKO-nun və İSESKO-nun xoşməramlı
səfiri, Milli Məclisin deputatı Mehriban xanım Əliyevaya
Krans Montana Forumunun Qızıl medalı təqdim
olunmuşdur. Fondun prezidenti Jan Pol Karteron mükafatı Azərbaycan
təmsilçisinə təqdim edərkən demişdir:
"Biz bu mükafatı Mehriban xanım Əliyevaya daha
yaxşı dünya qurmaq üçün göstərdiyi dəyərli
fəaliyyətinə görə veririk".
Həddən
ziyadə diqqətçəkən məqam idi. Çünki
avropalılar "daha yaxşı dünya qurmaq
üçün" irəli sürülən təşəbbüslərin
ünvanını artıq dəqiq tanıyır və qiymətləndirir.
İttifaq MİRZƏBƏYLİ
Xalq qəzeti.- 2011.- 26 iyun.- S.3.