Nəsimi rayonu ilin 9 ayını uğurlarla başa vurub

Nəsimi rayonunda 2012-ci ilin 9 ayının sosial-iqtisadi inkişafının yekunlarına və qarşıda duran vəzifələrə həsr edilmiş iclas keçirilib.

Tədbiri Nəsimi Rayon İcra Hakimiyyətinin başçısı Nəsib Məhəməliyev açaraq bildirmişdir ki, ilin doqquz ayında ölkə iqtisadiyyatında uğurlar əldə edilmiş və qarşıya qoyulmuş vəzifələr uğurla yerinə yetirilmişdir. Bu dövrdə iqtisadiyyatımız 1,1 faiz, əhalinin pul gəlirləri isə 12 faiz artmışdır. Ölkənin valyuta ehtiyatları 5 milyard dollar artaraq 45 milyard dollara çatmışdır. Hesabat dövründə ölkəmizdə 94 min yeni iş yeri açılmışdır.

2012-ci ilin 9 ayında ölkəmizdə bütün istiqamətlərdə olduğu kimi sosial-iqtisadi sahədə də nailiyyətlər əldə edilib. Bütün bunlar əsası ümummilli liderimiz Heydər Əliyev tərəfindən qoyulmuş və Azərbaycanın hərtərəfli inkişafına yönəlmiş siyasətin bu gün möhtərəm Prezidentimiz İlham Əliyev tərəfindən uğurla davam etdirilməsinin bariz nümunəsidir.

2012-ci ilin 9 ayında Nəsimi rayonunda da sosial-iqtisadi sahədə nailiyyətlər əldə edilmişdir.

2012-ci ilin yanvar-sentyabr aylarında rayonda 230 milyon 130 min manat həcmində sənaye məhsulu istehsal edilmiş və pullu xidmətlər göstərilimişdir. Həmin dövr ərzində rayonda 2622 yeni iş yeri açılmışdır. Hesabat dövründə Nəsimi Rayon Əhalinin Sosial Müdafiəsi Mərkəzi tərəfindən 2526 ailəyə ünvanlı dövlət sosial yardımı verililmişdir. Mərkəzin əməkdaşları tərəfindən 360 nəfər tənha, ahıl və əlilə evlərdə sosial-məişət xidməti göstərilimişdir.

"Azərbaycan Respublikası regionlarının sosial-iqtisadi inkişafı Dövlət Proqramı (2011-2013-cü illər )" çərçivəsində nəzərdə tutulan tədbirlərin icrası rayonda uğurla həyata keçirilir.

Nəsimi Rayon İcra Hakimiyyəti başçısının müavini Anar Tağıyev məruzə ilə çıxış etdi. O bildirdi ki, ilin 9 ayı ərzində rayonda istehlak bazarı dinamik inkişaf etmiş, əhaliyə 802 milyon 547 min manatlıq mal satılmış və pullu xidmətlər göstərilimişdir. Bu dövr ərzində rabitə müəssisələri tərəfindən 15 milyon 150 min manatlıq xidmət göstərilmişdir. Nəqliyyat sektorundakı müəssisələr 281 milyon 640 min manat həcmində iş görmüş və xidmət güstərmişlər. 9 ay ərzində rayondakı tikinti-quraşdırma təşkilatları 203 milyon 935 min manat həcmində iş görmüşlər.

Yeni tədris ili ərəfəsində 5,14 və 111 saylı orta məktəblər əsaslı təmir edilmişdir. 1 və 5 saylı orta məktəblərdə yeni korpusların inşasına başlanılmışdır. Hazırda 45, 74 və 92 saylı körpələr evi-uşaq bağçalarında əsaslı təmir işləri həyata keçirilir.

2012-ci ilin 9 ayında Nəsimi Rayon Qaz İstismarı İdarəsi tərəfindən təbii qazın dəyərinin 101,0 faizi ödənilib. İdarə tərəfindən müxtəlif ünvanlarda 6657 mexaniki sayğac "smart-kart" sayğacı ilə əvəz edilib. Bu dövrdə rayon enerji təchizatı və satışı idarəsi tərəfindən 143 min 240 metr kabel və naqillər dəyişdirilmiş və 537 ədəd elektrik dayağı quraşdırılmışdır. 17 transformator məntəqəsi əsaslı təmir edilmiş, 97 transformator məntəqəsində yeni elektrik avadanlıqları təftiş olunmuşdur. Elektrik enerjisinin dəyərinin ödənilməsi 99,5 faiz təşkil etmişdir.

Ölkəmizin hər yerində olduğu kimi Nəsimi rayonunda da genişmiqyaslı abadlıq və quruculuq işləri davam etdirilir. Hazırda Cavadxan küçəsində yeni park inşa edilir, H.Əliyev və R.Məmmədov küçələrinin kəşişməsindəki "Heydər parkı"nda əsaslı təmir işləri görülür. Azadlıq prospekti, H.Seyidzadə, Nizami, S.Rüstəm və figər küçələrdəki 17 ünvanda binaların fasadlarında təmir işləri aparılır, Vaqif prospektində üç ünvanda binaların fasadlarının təmiri başa çatıb. Hazırda Tbilisi prospektindəki Velotrekdə yenidənqurma işləri aparılır.

Rayon ərazisində istehsal olunan və satılan istehlak mallarının keyfiyyətinə nəzarəti gücləndirmək məqsədilə rayon icra hakimiyyəti başçısının sərəncamı ilə komissiya yaradılmış və bununla əlaqədar çoxsaylı reydlər keçirilmişdir. Bu işlər daim rayon rəhbərliyinin nəzarətindədir. Rayondakı "Təzə Bazar" və 3-cü mikrorayondakı "Kəndli yarmarkası" ərazilərində hər həftə 40-50 ton müxtəlif çeşiddə bazar qiymətlərindən aşağı qiymətə kənd təsərrüfatı məhsullarının satışı təşkil edilb. Süni qiymət artımının qarşısının alınmasına xidmət edən bu iş rayon icra hakimiyyətinin nəzarətində saxlanılır.

Sonra Nəsimi Rayon Mənzil Kommunal Təsərrüfatı Birliyinin rəisi Laçın Mustafayev, rayon su kanal departamentinin rəisi İmran Abbasov, rayon qaz istismar sahəsinin rəisi Məcid Kərimli və başqalarının çıxışları dinlənildi. Onlar görülmüş işlərdən və qarşıda duran vəzifələrdən danışdılar.

Nəsimi Rayon İcra Hakimiyyətinin başçısı Nəsib Məhəməliyev iclasa yekun vurdu.

Tədbirdə Milli Məclisin deputatı Asim Mollazadə iştirak edirdi.

Ayaz HƏMİDOĞLU

Xalq qəzeti.- 2012.- 18 oktyabr.- S. 6.