“Daş yuxular” ədəbiyyatın qara ləkəsidir

Biz, Naxçıvan Muxtar Respublikasının ziyalıları, mətbuat və mədəniyyət işçiləri Əkrəm Əylislinin “Daş yuxular” əsərini kəskin hiddətlə qarşılayır, bu əsəri Azərbaycanın xalq yazıçısı adını daşımağa layiq olmayan bir adamın xalqımıza qarşı növbəti planlı xəyanəti kimi qəbul edirik.

Əkrəm Əylisli xislətindəki mənəviyyatsızlığı, genindəki qarışıq qanı bu əsərdə təkcə nümayiş etdirməmiş, bununla yanaşı, qaniçən, uşaq, qoca, qadın qatili olan erməniləri mələk cildində göstərmişdir. Buna həddən artıq sevinən ermənilər Əkrəmin timsalında “Xocalıda türk qanı axdıqca mən bir erməni yazıçısı olaraq rahatlıq tapırdım.”–deyən ikinci bir Zori Balayan qazandılar. Əsər dərc olunan kimi erməni mətbuatı “Azərbaycanda ikinci Zori Balayan–bu, Əkrəm Aqulisli akperimizdir” bəyanatını verdi.

İki əsrdən artıq xalqımızın başına müsibətlər gətirən, Bakıda, Naxçıvanda, Şamaxıda, Qubada, Xocalıda, qətliamlar törədən, tarixi torpaqlarımızda özlərinə dövlət quran, ərazilərimizin 20 faizini işğal edən erməniləri “Daş yuxular”da ideallaşdırmaq, gerçək tarixi saxtalaşdırmaq Vətənimizə, şəhidlərimizin ruhuna amansız zərbədir. Bu əsər daşların danışdıqları yuxular deyil. Bu, ermənilərə rəğbət bəsləyən bir buyuruq qulunun erməni əcdadlarının yuxuları və sayıqlamalarıdır.

Əkrəm Əylisli Azərbaycan ədəbiyyatına qara ləkə olan üzdəniraq “Daş yuxular”ını yazmaqla, Azərbaycana da, Naxçıvana da, çörəyini yeyib, suyunu içdiyi Əylis kəndinə də xəyanət etdi. Vətən belə xəyanəti heç vaxt bağışlamır.

Son günlərdə bəzi üzdəniraq mənəviyyatsızların ona dəstək olmaları xalqın bir daha qəzəbinə səbəb olub. Millilikdən uzaq, mənəviyyatsız insanların onu müdafiə etmələri düşmən dəyirmanına su tökməyə bərabərdir. Bu müdafiə o deməkdir ki, Əkrəm düz yazıb: erməni məzlum millətdir, azərbaycanlılar isə onların qənimidir, daim erməniləri əzib, məhv edib, incidib. Çox təəssüf... Azərbaycan xalqına, onun dəyərli oğullarına nifrət edərək onu aşağılayan, düşmən dəyirmanına su tökən, öz simasızlığı ilə ziyalı adına ləkə gətirən Əkrəm Əylisli azərbaycanlı kimi şərəfli adı daşımağa layiq deyil. Bu gün onun layiq olduğu tək bir şey var: Azərbaycan xalqının nifrəti.

Sonda bildirmək istəyirəm ki, Prezident İlham Əliyevin xain Əkrəm Əylislini xalq yazıçısı adından və Prezident təqaüdündən məhrum etməsi ümumxalq tələbinin cavablandırılması oldu. Qoy, bu, Əkrəmə dəstək vermək istəyənlərə dərs olsun.

Kamran QULİYEV,

xalq artisti,

Cəlil Məmmədquluzadə adına Naxçıvan

Dövlət Musiqili Dram Teatrının direktoru

Xalq qəzeti.- 2013.- 9 fevral.- S. 8.