Dehlidə Asiya İnkişaf Bankının Rəhbərlər Şurasının 46-cı illik toplantısı işə başlamışdır

Toplantıda Azərbaycan nümayəndə heyəti də iştirak edir

Hindistanın paytaxtı Dehlidə Asiya İnkişaf Bankının (AİB) Rəhbərlər Şurasının 46-cı illik toplantısı işə başlamışdır.

Asiya İnkişaf Bankının Rəhbərlər Şurasının illik toplantısında Azərbaycanı maliyyə naziri, bankın Rəhbərlər Şurasının üzvü Samir Şərifovun rəhbərliyi ilə nümayəndə heyəti təmsil edir.

Builki toplantıda, ümumilikdə, 5 min nümayəndə iştirak edir.

Toplantıda Asiya regionunda aktual olan mövzular üzrə müxtəlif bölmə iclasları, seminarlar və təqdimatlar keçiriləcəkdir.

Tədbiri işıqlandırmaq üçün 300-ə yaxın jurnalist qeydiyyatdan keçmişdir.

Şahin CƏFƏROV

Xalq qəzeti.- 2013.- 4 may.- S. 13.