Səbaillilərin
yubiley tədbirləri
Ümummilli lider Heydər Əliyevin 90 illik yubileyi ilə əlaqədar
tədbirlər planına uyğun olaraq Səbail rayonunun Badamdar qəsəbəsində 7 binada əsaslı təmir və abadlıq
işləri yekunlaşdırılmış və “Abad həyət”
layihəsi əsasında Neftçilər küçəsi
2 ünvanda növbəti “Abad həyət”
istifadəyə verilmişdir.
Sakinlərlə
görüş zamanı Səbail Rayon İcra Hakimiyyətinin başçısı Asif Əsgərov
ulu öndər Heydər Əliyevin 90 illik yubileyi ilə
bağlı keçirilən tədbirlər, rayonda və o
cümlədən, Badamdar qəsəbəsində aparılan
genişmiqyaslı abadlıq-quruculuq işləri barədə
məlumat vermişdir. Qeyd olunmuşdur ki, qısa müddət
ərzində Badamdarda Heydər Əliyev parkı əsaslı
təmir olunmuş, burada ulu öndərin əzəmətli
büstü ucaldılmışdır. Ötən il qəsəbədə
880 şagird yerlik yeni məktəb və 120 yerlik uşaq
bağçası istifadəyə verilmişdir. “Abad həyət”
layihəsi əsasında qəsəbədə 15 həyət
əsaslı təmir olunmuş, 2 xeyir-şər zalı
tikilmiş, yol kənarlarındakı mağaza və obyektlərin
fasadları üzlənmişdir. Hazırda qəsəbə daxili yolların təmiri
və asfaltlaşdırılması aparılır.
50 il
əvvəl tikilmiş və indiyədək təmir
olunmamış 7 binanın fasadı əsaslı təmir
olunaraq hər birinə 3500 kvadratmetrdən çox aqlay
üzlük çəkilmişdir. Həyət tərəfdə
binanın bloklarında yeni plastik pəncərələr və
girişlərdə isə yeni
dəmir qapılar quraşdırılmışdır.
Binaların eyvanları təmir olunaraq ilkin vəziyyətə gətirilmişdir.
Sakinlərin istirahəti üçün söhbətgahlar
quraşdırılmış, yeni oturacaqlar qoyulmuşdur. Mini
stadionda futbol qapıları quraşdırılmış,
bura dəmir torla hasara alınmış və rənglənmişdir.
AFFA-nın köməyi ilə 500 kvadratmetr sahəsi olan
stadiona süni örtük çəkilmişdir. Uşaqlar
da yaddan çıxmamış, onlar üçün əyləncə
qurğuları quraşdırılmışdır. Həyətlərdə yeni
ağaclar əkilmiş, yaşıllıqlar
salınmışdır.
Ümummilli
lider Heydər Əliyevin 90 illik yubileyi ərəfəsində
istifadəyə verilmiş həyətin sakinləri
görülən işlərdən çox razı
qalmış, onların istirahəti üçün burada
yaradılan şəraitə görə ölkə rəhbərliyinə
minnətdarlıqlarını bildirmişlər.
* * *
Yubileylə
əlaqədar Səbail RİH-nin təşkilatçılığı
ilə rayonda yaşayan aztəminatlı, imkansız 1000 ailəyə
ərzaq bağlamaları verilmişdir.
* * *
Ümummilli
lider Heydər Əliyevin 90 illik yubileyi ilə bağlı Səbail
rayonunun sıx dostluq və əməkdaşlıq əlaqələri olan Daxili İşlər Nazirliyinin
Daxili Qoşunlarının Xızı rayonunda yerləşən
Təlim Mərkəzində də tədbir
keçirilmişdir.
Səbail
rayon rəhbərliyi və Daxili Qoşunlar
komandanlığının iştirakı ilə keçirilən
mərasimdə rayonun ali məktəblərinin tələbələri
ilə yanaşı, Bakı Oksford məktəbində təhsil
alan şagirdlər, Daxili Qoşunların şəxsi heyətinin
nümayəndələri iştirak etmişlər.
Səbail
Rayon İcra Hakimiyyətinin başçısı Asif Əsgərov,
Daxili Qoşunların komandanı, general-leytenant Zakir Həsənov
və qonaqlar əvvəlcə Daxili Qoşunların istifadəsində
olan müasir hərbi texnika, silah və sursatla tanış
olmuşlar.
Yubiley
mərasimində Səbail Rayon İcra Hakimiyyətinin
başçısı Asif Əsgərov ümummilli lider Heydər
Əliyevin ölkəmizdə ordu quruculuğu işindəki əvəzsiz
xidmətlərindən, ulu öndərin səyləri nəticəsində
hələ sovetlər dönəmində respublikamızda
peşəkar hərbçilərin yetişdirilməsi məqsədi
ilə C.Naxçıvanski adına hərbi liseyin
yaradılmasından danışmışdır. Natiq bu
gün ölkə Prezidenti, Silahlı Qüvvələrin Ali
Baş Komandanı İlham Əliyevin rəhbərliyi ilə
Azərbaycan Ordusunun möhkəmlənməsi və müasir
silah və texnika ilə təminatında görülən
işlər barədə məlumat vermiş, gənclərin
hərbi-vətənpərvərlik tərbiyəsinin önəmini
vurğulamışdır.
Daxili
Qoşunların komandanı, general-leytenant Zakir Həsənov
Azərbaycan Ordusunun yaradılmasında Heydər Əliyevin
böyük və əvəzsiz rolundan
danışmış, Daxili Qoşunların inkişafı,
müasir silah və texnika ilə təminatı, şəxsi
heyətin məişət şəraitinin
yaxşılaşdırılması istiqamətində
ölkə başçısı İlham Əliyevin fəaliyyəti
barədə məlumat
vermişdir. Mərasimdə Vətəni ulu öndər Heydər
Əliyev kimi sevməyin, onu ayıq-sayıq qorumağın
müqəddəs borc olduğu vurğulanmışdır.
R.TAHİR
Xalq qəzeti.- 2013.- 9 may.- S. 11.