Sumqayıtda möhtəşəm bayram konserti

Respublika Günü münasibətilə Sumqayıtda silsilə tədbirlər keçirilmişdir.

Mayın 27-də isə ulu öndər Heydər Əliyevin adını daşıyan parkda əsl bayram izdihamı yaşandı. Ölkə başçısı cənab İlham Əliyevin tapşırığına əsasən, yenidən qurulmuş bu park bayramsayğı bəzədilmişdir. Həmin gün Sumqayıt Şəhər İcra Hakimiyyətinin 28 May - Respublika Günü münasibətilə təşkil etdiyi möhtəşəm konsert proqramı nümayiş olundu. Xalq artisti Teymur Göyçayevin dirijorluğu ilə Q.Qarayev adına Azərbaycan Dövlət Kamera Orkestrinin ifasında dünya şöhrətli bəstəkarlarımızın klassik əsərləri, ariya və romanslar səsləndirildi.

Vokal sənətçilərinin ifa etdikləri xalq və bəstəkar mahnıları, muğamlar da şəhər sakinlərinə və qonaqlara əsl bayram əhval-ruhiyyəsi bəxş etdi.

Əli NƏCƏFXANLI

Xalq qəzeti.- 2013.- 30 may.- S. 11.