2012-ci il Azərbaycan tarixinə dinamik
inkişaf mərhələsinin uğurlu dövrü kimi həkk olunacaq
Gənc müstəqil Azərbaycan
dövləti ötən ili özünəməxsus
uğurlarla başa vurub. Geridə qalan illərin
hansının tarixçəsinə nəzər salsaq, orada
mütləq ölkə və
region əhəmiyyətli çoxsaylı layihələrin
icrasını göstərən möhtəşəm bir
siyahı ilə tanış ola
bilərik. Elə bir il olmayıb ki, respublikamızın həyatında
adı “Regionda ilk dəfə reallaşdırılan tədbir”, “MDB məkanında ən
böyük layihə”, “postsovet
məkanının ən müasir qurğusu” və digər
bu kimi epitetlərlə yanaşı çəkilən bir
neçə layihə reallaşdırılmamış olsun.
2012-ci il isə bu baxımdan daha çox hadisələrlə
yaddaşlara yazıldı. Bu ilin hətta hər rübü və
hər ayı bizim üçün
zəngin nailiyyətlər dövrü kimi unudulmaz oldu.
Ötən il ölkəmizin Prezident İlham Əliyevin rəhbərliyi ilə idarə olunmasının 9-cu ili idi. Dövlət başçımızın Heydər Əliyev siyasi kursunu uğurla davam etdirməsi və idarəetmədə ən müasir metodlardan səmərəli şəkildə istifadə etməsi Azərbaycan xalqının həyatında, daxili və xarici siyasətdə, keçdiyi yolda, həyata keçirdiyi layihələrdə özünün yüksək səviyyəli təsdiqini tapdı. Məhz ona görə də 2012-ci il 1993-cü ilin yayından başlanan inkişaf xəttinin zirvəsi kimi qəbul edilir. Bu illər ərzində Azərbaycan həm daxili siyasətində, həm də xarici siyasətində, təkcə region üçün deyil, o cümlədən beynəlxalq aləm üçün daim qüdrətlənən, öz reytinqini gücləndirən, nüfuzunu artıran bir dövlət olubdur. Beynəlxalq reytinq agentliklərinin verdikləri qiymətləri nəzərə alsaq, görərik ki, Azərbaycanın mövqeyi daim birinci olubdur. 2012-ci il də əvvəlki illər kimi bu hadisələrlə zəngin oldu. Bu gün Cənubi Qafqaz regionunda Azərbaycanın iştirakı və ya razılığı olmadan reallaşdırılan heç bir layihə yoxdur. 2012-ci ildə baş verən hadisələr bir daha göstərdi ki, Azərbaycan beynəlxalq münasibətlər sistemində tamamilə yeni nüfuz qazanmış ölkədir. Bu da ona görə mümkün olur ki, Azərbaycanın kifayət qədər gücü, qüdrəti, imkanları var. Bundan başqa, Azərbaycan ona görə ildən - ilə daha çox uğurlara imza atır ki, bu ölkə müstəqil siyasət yeridir və elmi şəkildə əsaslandırılmış Dövlət Proqramlarının icrası ilə inkişaf etdirilir. Digər tərəfdən dünya dövlətləri də tamamilə demokratik cəmiyyət quruculuğu və sivil inkişaf yolu tutmuş Azərbaycana böyük etimad göstərirlər. Odur ki, Azərbaycan 2012-ci ildə qarşıya qoyduğu bütün planları reallaşdıra bildi. Həm ölkənin sürətli iqtisadi inkişafında, sosial sferada baş verən müsbət dəyişikliklərdə, həm də xarici əlaqələrinin, beynəlxalq ictimaiyyətlə əməkdaşlığının güclənməsində əldə etdiyimiz nailiyyətlər bir daha sübut etdi ki, biz ən doğru olan yolu seçmişik.
Yola saldığımız ildə
ölkəmizdə
çoxsaylı böyük beynəlxalq tədbirlər
keçirildi. Bu tədbirlərdə
Avropanın, Amerikanın, Asiyanın, Ərəb ölkələrinin
görkəmli ictimai-siyasi xadimləri iştirak edirdilər. Elə tədbirlər oldu ki, orada
onlarca keçmiş
dövlət rəhbərləri, Nobel
mükafatı laureatları, dünyanın tanınmış
siyasətçiləri, dövlət və hökumət
nümayəndələri iştirak
edirdilər. Bu tədbirlər həm bizim xarici siyasətimizi, həm
daxili siyasətimizi, həm mədəniyyətimizi,
həm dinlərarası dialoqu, həm də
ümumiyyətlə, bəşəriyyəti maraqlandıran,
onları narahat edən müasir
dövrün problemlərini əhatə edib. Bunların sırasında “Eurovision” mahnı müsabiqəsini, Krans Montana Forumunu,
Beynəlxalq Humanitar Forumu,
dinlərarası dialoqla bağlı beynəlxalq
konfrans və bir çox digər tədbirləri xüsusilə
qeyd etməliyik. İqtisadi
Əməkdaşlıq Təşkilatının Zirvə görüşü də Azərbaycanda və
bizim dövlət başçımızın
iştirakı ilə keçirildi. Yəni, Azərbaycan
artıq regional lider kimi bütün sahələrdə
inkişafını, beynəlxalq münasibətlər
sistemində mövqeyinin güclənməsini
bir daha təsdiq etmişdir. Əlbəttə,
bu tədbirlərin məhz Azərbaycanda
keçirilməsi ölkəmizə olan
inamın, etimadın güclənməsinin, eyni zamanda, Azəbaycanın
beynəlxalq münasibətlər sistemində özünün
yerinin və rolunun
olmasının, beynəlxalq proseslərdə fəal
iştirakının göstəricisi kimi
qiymətləndirilməlidir.
Ötənilin fevral ayında
Böyük İyirmilik Ölkələrinin Meksikada
keçirilən tədbirində,
mart ayında isə Koreya Respublikasının paytaxtı
Seul şəhərində təşkil olunan nüvə təhlükəsizliyi
üzrə zirvə toplantısında Azərbaycanın
yüksək səviyyədə təmsil olunması da
dövlətimizin qüdrətindən,
dünyadakı nüfuzundan xəbər verir. Xatırladaq ki,
qeyd olunan tədbirlərdə
dünyanın ancaq nəhəng,
qabaqcıl və inkişaf səviyyəsi
çox yüksək olan
dövlətləri iştirak edirdilər. Bu gün Azərbaycanın da həmin
dövlətlər arasında öz yerini alması
artıq zamanın bizə bəxş etdiyi
reallıqlardır. Təbii ki, bütün bunlar təkcə
Ermənistana deyil, ümumilikdə dünyaya çox
aydın və gözəl mesajdır.
Ötən ilin ən böyük
uğurlarından biri Azərbaycanın
BMT Təhlükəsizlik Şurasının qeyri-daimi
üzvü kimi fəaliyyətə
başlaması, may ayında isə
Təhlükəsizlik Şurasının iclaslarına sədrlik etməsi oldu. Məlumdur ki, Azərbaycanın bu
beynəlxalq qurumun üzvü
seçilməsi çox uzun
bir prosesdən
sonra reallaşdı. Son nəticədə
isə respublikamız 155
dövlətin dəstəyi ilə bu haqqa nail oldu.
Bu isə o demək idi ki, dünya
dövlətlərinin
üçdə- ikisindən çoxu
Azərbaycana səs vermişdi. Onu da unutmayaq ki, Azərbaycan
BMT Təhlükəsizlik Şurasına seçkilərdə
dünyanın ən güclü tərəfinin
- Qərbin namizədləri ilə üz-üzə
dayanırdı və, onlara qalib gələ bildi. Yuxarıda qeyd etdiyimiz kimi bu, Azərbaycanın beynəlxalq münasibətlər
sistemindəki yerinin
və rolunun göstəricisi idi. Həmin uğur Azərbaycanın
tarixində onilliklər, yüzilliklər boyu
danışılacaq və
yazılacaq hadisələrdəndir. Ən başlıcası isə bu, Azərbaycanın
xarici siyasətində zirvə nöqtələrindən
biri olaraq tarixə
yazıldı.
Bu zaman bir tendensiyanı
yada salmaq zərurəti yaranır. Belə ki,
istənilən məsələ
barədə söz açan ekspertlər mütləq hansısa ölkəni öz qonşularıyla və ya region ölkələri
ilə müqayisə
edirlər. Həmin
prizmadan baxarkən, bizimlə eyni zamanda müstəqillik qazanmış ölkələrdə
cərəyan edən
proseslərlə, Azərbaycanda
müşahidə olunan
müasirləşməni, əldə olunan nailiyyətləri qətiyyən müqayisə etmək mümkün deyil. Azərbaycandakı inkişaf, stabillik, xalqın dövlətə
və dövlət başçısına olan inamı, etimadı, xalq - iqtidar bağlılığı tamamilə
fərqlidir.
Regionun digər
ölkələrində nələrin
baş verdiyi hamının gözü qabağındadır. Eyni zamanda
Azərbaycanda baş verən ictimai-siyasi proseslər də dostlarımız və bədxahlarımız tərəfindən
böyük maraq və diqqətlə izlənilir. Hamı görür ki, Azərbaycanın iqtisadi,
siyasi inkişafı eyni zamanda, beynəlxalq
münasibətlərdə də yeni proseslərin
meydana gəlməsinə,
ölkənin qarşısında
yeni məqsədlərin
dayanmasına, tamamilə
başqa üfüqlərin açılmasına
şərait yaradır.
Hamının gördüyü və
yüksək qiymətləndirdiyi
həqiqətlərdən biri
də odur ki, Azərbaycanın xarici siyasətinin əsas məqsədlərindən biri də qonşu dövlətlərlə mehriban,
sıx əlaqələrini
daim inkişaf etdirməsidir.
Əlbəttə, respublikamız ötən
illər ərzində
də buna nail olmuşdu. Ancaq 2012-ci ildə bizim Türkiyə Cümhuriyyəti
ilə, Rusiya Federasiyası ilə yüksək səviyyədə
münasibətlərimiz və
hərtərəfli əlaqələrimiz daha da irəliləmiş, bu proses yeni müstəviyə
qaldırılmışdır . Azərbaycan ötən il Gürcüstan
və İranla da qarşılıqlı maraqlara
söykənən faydalı
əməkdaşlıq münasibətləri
yaratmışdır və dövlətimiz
bu əlaqələrə
çox böyük önəm verir.
Məhz
bu sivil və demokratik münasibətlərin, aparılan
islahatların nəticəsidir
ki,
tarixdə ilk dəfə
keçiriləcək Avropa
Olimpiya Oyunlarının təşkil edilməsi hüququ Avropa qurumları tərəfindən bilavasitə Azərbaycana verilmişdir. Xristian dövlətlərindən ibarət olan Avropanın ilk Olimpiya Oyunlarını Azərbaycan
təşkil edəcək.
Politoloqların fikrincə
bu, təkcə Azərbaycanın deyil, bütövlükdə türk
dünyasının böyük uğurudur.
Bu, artıq danılmaz bir faktdır ki, indi Azərbaycan
öz sürətli sıçrayışları ilə inkişaf etmiş dövlətlər
sırasına daxil olmaqdadır. Ölkə Prezidenti
İlham Əliyevin məhz 2012-ci ildə təsdiq etdiyi konseptual bir sənəd bu tendensiyanı daha da sürətləndirəcək.
“Azərbaycan 2020: Gələcəyə
baxış” strateji inkişaf planı adlı həmin sənəd ölkəmizin gələcək
inkişafının bütün
istiqamətlərini özündə
əks etdirir. Böyük bir qətiyyətlə deyə
bilərik ki, 2020-ci ildə Azərbaycan dünyanın ən inkişaf etmiş mərkəzlərindən biri
olacaq. Yəni biz özümüzün
hansısa problemini həll etmək üçün sırf
öz imkanlarımızdan
istifadə edəcəyik.
Hələlik isə gündəlikdəki
ən mühüm məsələ yeni -
2013-cü ilin uğurlarla
başlanılması və
nailiyyətlərlə başa
çatdırılmasıdır. Həm ekspertlərin , həm də
dövlət rəsmilərinin
fikrincə,
2013-cü il Azərbaycan üçün xüsusi
bir il olacaq.
Belə ki, bu il Azərbaycanın taleyində
çox mühüm bir siyasi hadisə
olan prezident seçkiləri keçiriləcək. Ölkə əhalisi və dostlarımız tam əmindirlər
ki,
Azərbaycan xalqı
onu 1993-cü ilin məhrumiyyətlərindən və
məşəqqətlərindən xilas etmiş siyasi kursu dəstəkləməklə təməli
2012-ci ildə qoyulmuş,
son nəticəsi isə 2020-ci ilə hesablanmış böyük
inkişaf mərhələsinin
icrasına başlayacaq. Ölkəmiz bu il də
öz siyasi, iqtisadi, diplomatik prinsiplərinə sadiq qalaraq, daha böyük
sürətlə inkişaf
edəcək və müasirləşəcək. Xalq əmindir ki, Prezident İlham Əliyevin güclü iradəsinə
əsaslanan bütün
proqram və layihələr kimi “Azərbaycan
2020: Gələcəyə baxış” strateji inkişaf planı da çox böyük uğurla icra ediləcək. Dövlətimiz qarşıya qoyduğu istənilən məqsədə, hədəfə
çatmaq iqtidarındadır. 2012-ci ilin böyük social-iqtisadi bə ictimai-siyasi nailiyyətlərlə
başa çatması
da məhz həmin qətiyyətin və əzmin nəticəsidir.
Beləliklə gənc müstəqil
Azərbaycan dövləti
illəri uğurla başa vurmaq ənənəsinə sadiq
qalaraq növbəti təqvim ilini də xoş əhval-ruhiyyə ilə yola saldı. Buna sevinənlərin gözü aydın olsun, bədxahlarımızın
isə Prezident İlham Əliyevin dediyi kimi “düşünməyə
hələ vaxtları
var”.
İttifaq Mirzəbəyli
Xalq qəzeti.- 2013.- 12 yanvar.- S. 1;2.