Azərbaycan Respublikası Nazirlər Kabinetinin 1995-ci il 4 sentyabr tarixli 198 nömrəli qərarı ilə təsdiq edilmiş “Bakı Metropoliteni” Qapalı Səhmdar Cəmiyyəti işçilərinin əmək intizamı haqqında Nizamnamə”də dəyişikliklər edilməsi barədə

Azərbaycan Respublikasının Nazirlər Kabinetinin Qərarı

№ 508 Bakı şəhəri, 16 dekabr 2016-cı il

“Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanının 1.1.2-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 1995-ci il 4 sentyabr tarixli 198 nömrəli qərarı ilə təsdiq edilmiş “Bakı Metropoliteni" Qapalı Səhmdar Cəmiyyəti işçilərinin əmək intizamı haqqında Nizamnamə”də aşağıdakı dəyişikliklər edilsin:

1. 14-cü hissənin ikinci abzasında “inzibati məsuliyyət” sözləri “intizam məsuliyyəti” sözləri ilə əvəz edilsin.

2. 18-ci hissənin ikinci abzasında “inzibati” sözü “pozuntulara görə” sözləri ilə əvəz edilsin.

3. 25-ci hissənin ikinci abzasında “inzibati tənbeh” sözləri “intizam tənbehi” sözləri ilə və “inzibati cəzanın” sözləri “intizam tənbehinin” sözləri ilə əvəz edilsin.

Artur RASİ-ZADƏ,

Azərbaycan Respublikasının

Baş naziri

Xalq qəzeti.- 2016.- 18 dekabr.- S.2.