“Ali təhsilin bakalavriat səviyyəsi ixtisaslarının (proqramlarının) Təsnifatı”nın təsdiq edilməsi haqqında” Azərbaycan Respublikası Nazirlər Kabinetinin 2009-cu il 12 yanvar tarixli 8 nömrəli qərarında dəyişikliklər edilməsi barədə

Azərbaycan Respublikasının Nazirlər Kabinetinin Qərarı

№ 120

Bakı şəhəri, 4 aprel 2017-ci il

“Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən, Azərbaycan Respublikası Təhsil Nazirliyinin təklifini nəzərə alaraq Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2009-cu il 12 yanvar tarixli

8 nömrəli qərarı (Azərbaycan Respublikasının Qanunvericilik Toplusu, 2009, № 1, maddə 29, № 4, maddə 287; 2011, № 3, maddə 230, № 11, maddə 1069; 2012, № 4, maddə 387,

№ 8, maddə 823, № 12, maddə 1378; 2013,

№ 3, maddə 330; 2015, № 6, maddə 786; 2016, № 3, maddə 619; Azərbaycan Respublikası Nazirlər Kabinetinin 2017-ci il 22 fevral tarixli 60 nömrəli qərarı) ilə təsdiq edilmiş “Ali təhsilin bakalavriat səviyyəsi ixtisaslarının (proqramlarının) Təsnifatı”nın “6. Texniki və texnoloji ixtisaslar qrupu” bölməsinə aşağıdakı məzmunda 128-7-ci, 128-8-ci və 128-9-cu hissələr əlavə edilsin:

128-7.

050657

Sənaye mühəndisliyi

128-8.

050658

Logistika və nəqliyyat texnologiyaları mühəndisliyi

128-9.

050659

Şəhərsalma

Artur RASİ-ZADƏ,

Azərbaycan Respublikasının Baş naziri

Xalq qəzeti.- 2017.- 7 aprel.- S.2.