“Dissertasiya işlərinə opponentliyə görə əməyin ödənilməsi haqqında” Azərbaycan Respublikası Nazirlər Kabinetinin 2011-ci il 2 fevral tarixli 22 nömrəli qərarında dəyişikliklər edilməsi barədə

Azərbaycan Respublikasının Nazirlər Kabinetinin Qərarı

№ 186

Bakı şəhəri, 28 aprel 2017-ci il

“Elm haqqında” Azərbaycan Respublikasının 2016-cı il 14 iyun tarixli 271-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 9 avqust tarixli 1009 nömrəli Fərmanının 1.1.2-ci yarımbəndinin icrasını təmin etmək məqsədi ilə Azərbaycan

Respublikasının Nazirlər Kabineti QƏRARA ALIR:

“Dissertasiya işlərinə opponentliyə görə əməyin ödənilməsi haqqında” Azərbaycan Respublikası Nazirlər Kabinetinin 2011-ci il 2 fevral tarixli 22 nömrəli qərarında (Azərbaycan Respublikası nın Qanunvericilik Toplusu, 2011, № 2, maddə 150) aşağıdakı dəyişikliklər edilsin:

1. Adına, preambulasına və 3-cü hissəsinə “opponentliyə” sözündən əvvəl “rəsmi” sözü əlavə edilsin.

2. Preambulada “, elmi idarə və təşkilatlarında” sözləri “və elmi müəssisələrdə” sözləri ilə əvəz edilsin.

3. 3-cü hissədə “həmin şəxslərin çalışdıqları müəssisə, idarə və təşkilatların” sözləri “iddiaçının doktorantı və ya dissertantı olduğu elmi müəssisə və ali təhsil müəssisəsinin” sözləri ilə əvəz edilsin.

Artur Rasi-zadə

Azərbaycan Respublikasının

Baş naziri

Xalq qəzeti.- 2017.- 30 aprel.- S.2.