“Kino və zaman” kitabı nəşr olunub

Mədəniyyət və Turizm Nazirliyinin dəstəyi ilə “Kino və zaman” kitabı çapdan çıxıb.

Əməkdar incəsənət xadimi Aydın Kazımzadənin müəllifi olduğu bu kitab müxtəlif janrlı filmləri beynəlxalq mükafatlara layiq görülən, neçə-neçə yaradıcı və texniki nəslin çalışdığı Cəfər Cabbarlı adına “Azərbaycanfilm” kinostudiyasının yaradıcılıq yoluna həsr olunub. Kitabda Azərbaycan kino tarixi sistemli şəkildə öz əksini tapıb.

Kitab mütəxəssislər, incəsənət sahəsində təhsil alan tələbələr, kinosevərlər üçün nəzərdə tutulub.

“Kino və zaman” kitabı “Şərq-Qərb” nəşriyyatında yüksək poliqrafik keyfiyyətlə çap edilib.

M. MÜKƏRRƏMOĞLU

Xalq qəzeti.- 2017.- 17 dekabr.- S.8.