“Baza maliyyələşdirilməsinin subyektləri olan elmi müəssisə və təşkilatların Siyahısı”nın təsdiq edilməsi haqqında

Azərbaycan Respublikasının Nazirlər Kabinetinin Qərarı

№ 584

Bakı şəhəri, 21 dekabr 2017-ci il

“Elm haqqında” Azərbaycan Respublikasının 2016-cı il 14 iyun tarixli 271-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 9 avqust tarixli 1009 nömrəli Fərmanının 1.1.8-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

1. “Baza maliyyələşdirilməsinin subyektləri olan elmi müəssisə və təşkilatların Siyahı”sı təsdiq edilsin (əlavə olunur).

2. Dövlət elmi müəssisə və təşkilatlarının baza maliyyələşdiril-məsi Azərbaycan Respublikasının dövlət büdcəsində aidiyyəti dövlət qurumları üçün nəzərdə tutulmuş vəsaitlər, habelə qanunvericiliklə qadağan olunmayan digər mənbələr hesabına həyata keçirilir.

Artur Rasi-zadə

Azərbaycan Respublikasının

Baş naziri

Qeyd: Qərara edilmiş əlavələrin tam mətni ilə www.cabmin.gov.az və www.xalqqazeti.com saytlarında tanış ola bilərsiniz.

Kabinetinin 2017-ci il 21 dekabr

tarixli 584 nömrəli qərarı ilə

təsdiq edilmişdir.

Baza maliyyələşdirilməsinin subyektləri olan elmi müəssisə və təşkilatların

SİYAHISI

Azərbaycan Milli Elmlər Akademiyası üzrə:

Fizika İnstitutu;

Riyaziyyat və Mexanika İnstitutu;

İdarəetmə Sistemləri İnstitutu;

Radiasiya Problemləri İnstitutu;

İnformasiya Texnologiyaları İnstitutu;

Biofizika İnstitutu;

N.Tusi adına Şamaxı Astrofizika Rəsədxanası;

Akademik Y.Məmmədəliyev adına Neft-Kimya Prosesləri İnstitutu;

Akademik M.Nağıyev adına Kataliz və Qeyri-üzvi Kimya İnstitutu;

Polimer Materialları İnstitutu;

Akademik Ə.Quliyev adına Aşqarlar Kimyası İnstitutu;

Geologiya və Geofizika İnstitutu;

Neft və Qaz İnstitutu;

Akademik H.Əliyev adına Coğrafiya İnstitutu;

Respublika Seysmoloji Xidmət Mərkəzi;

Təbiət Tarixi Muzeyi;

Botanika İnstitutu;

Zoologiya İnstitutu;

Akademik A.Qarayev adına Fiziologiya İnstitutu;

Molekulyar Biologiya və Biotexnologiyalar İnstitutu;

Mikrobiologiya İnstitutu;

Dendrologiya İnstitutu;

Mərkəzi Nəbatat Bağı;

Torpaqşünaslıq və Aqrokimya İnstitutu;

Genetik Ehtiyatlar İnstitutu;

N.Gəncəvi adına Ədəbiyyat İnstitutu;

Nəsimi adına Dilçilik İnstitutu;

Folklor İnstitutu;

Memarlıq və İncəsənət İnstitutu;

M.Füzuli adına Əlyazmalar İnstitutu;

A.Bakıxanov adına Tarix İnstitutu;

Arxeologiya və Etnoqrafiya İnstitutu;

Fəlsəfə İnstitutu;

Hüquq və İnsan Haqları İnstitutu;

İqtisadiyyat İnstitutu;

Akademik Z.Bünyadov adına Şərqşünaslıq İnstitutu;

Milli Azərbaycan Tarixi Muzeyi;

N.Gəncəvi adına Milli Azərbaycan Ədəbiyyatı Muzeyi;

Elm Tarixi İnstitutu;

Qafqazşünaslıq İnstitutu;

Hüseyn Cavidin Ev Muzeyi;

“Azərbaycan Milli Ensiklopediyası” Elmi Mərkəzi;

Lənkəran Regional Elmi Mərkəzi;

Şəki Regional Elmi Mərkəzi;

Mərkəzi Elmi Kitabxana;

“Elm” Nəşriyyatı.

Naxçıvan bölməsinin:

Tarix, Etnoqrafiya və Arxeologiya İnstitutu;

İncəsənət, Dil və Ədəbiyyat İnstitutu;

Təbii Ehtiyatlar İnstitutu;

Bioresurslar İnstitutu;

Batabat Astrofizika Rəsədxanası;

Əlyazmalar Fondu

Gəncə bölməsinin:

Humanitar Tədqiqatlar İnstitutu;

Diyarşünaslıq İnstitutu;

Nizami Gəncəvi Mərkəzi;

Bioresurslar İnstitutu;

Ekologiya və Təbii Ehtiyatlar İnstitutu;

Aqrar Problemlər İnstitutu;

Nəbatat Bağı.

Azərbaycan Respublikasının Təhsil Nazirliyi üzrə:

Azərbaycan Respublikasının Təhsil İnstitutu;

Bakı Dövlət Universitetinin Tətbiqi Riyaziyyat Elmi-Tədqiqat İnstitutu;

Bakı Dövlət Universitetinin Fizika Problemləri Elmi-Tədqiqat İnstitutu;

Azərbaycan Neft və Sənaye Universitetinin “Neftin, qazın geotexnoloji problemləri və kimya” Elmi-Tədqiqat İnstitutu;

Azərbaycan Dövlət İqtisad Universitetinin İqtisadi Araşdırmalar Elmi-Tədqiqat İnstitutu;

Təhsil Nazirliyinin nəzdində “Təhsil sisteminin inkişafı və proqnozlaşdırılması problemləri üzrə” Elmi-Tədqiqat Laboratoriyası.

Azərbaycan Respublikasının Səhiyyə Nazirliyi üzrə:

Milli Onkologiya Mərkəzi;

Akademik Z.Əliyeva adına Milli Oftalmologiya Mərkəzi;

C.Abdullayev adına Elmi-Tədqiqat Kardiologiya İnstitutu;

M.Topçubaşov adına Cərrahiyyə Mərkəzi;

K.Fərəcova adına Elmi-Tədqiqat Pediatriya İnstitutu;

Elmi-Tədqiqat Mamalıq-Ginekologiya İnstitutu;

Elmi-Tədqiqat Tibbi Bərpa İnstitutu;

Elmi-Tədqiqat Travmatologiya və Ortopediya İnstitutu;

V.Axundov adına Elmi-Tədqiqat Tibbi Profilaktika İnstitutu;

B.Eyvazov adına Elmi-Tədqiqat Hematologiya və Transfuziologiya İnstitutu;

Elmi-Tədqiqat Ağ Ciyər Xəstəlikləri İnstitutu;

Ə.Əliyev adına Dövlət Həkimləri Təkmilləşdirmə İnstitutu.

Azərbaycan Respublikasının Kənd Təsərrüfatı Nazirliyi üzrə:

Əkinçilik Elmi-Tədqiqat İnstitutu;

Baytarlıq Elmi-Tədqiqat İnstitutu;

Tərəvəzçilik Elmi-Tədqiqat İnstitutu;

Kənd Təsərrüfatının İqtisadiyyatı Elmi-Tədqiqat İnstitutu;

Bitki Mühafizə və Texniki Bitkilər Elmi-Tədqiqat İnstitutu;

Üzümçülük və Şərabçılıq Elmi-Tədqiqat İnstitutu;

Heyvandarlıq Elmi-Tədqiqat İnstitutu;

Meyvəçilik və Çayçılıq Elmi-Tədqiqat İnstitutu.

Azərbaycan Respublikasının Ekologiya və Təbii Sərvətlər Nazirliyi üzrə:

Mineral Xammal Elmi-Tədqiqat İnstitutu;

Hidrometeorologiya Elmi-Tədqiqat İnstitutu;

Elmi-Tədqiqat Balıqçılıq Təsərrüfatı İnstitutu;

Elmi-Tədqiqat Meşəçilik İnstitutu.

Azərbaycan Respublikasının Müdafiə Sənayesi Nazirliyi üzrə:

Milli Aerokosmik Agentliyi (MAKA).

Azərbaycan Respublikasının Nəqliyyat, Rabitə və Yüksək Texnologiyalar Nazirliyi üzrə:

Yüksək Texnologiyalar üzrə Tədqiqat Mərkəzi.

Azərbaycan Respublikasının İqtisadiyyat Nazirliyi üzrə:

İqtisadi İslahatlar Elmi-Tədqiqat İnstitutu.

Azərbaycan Respublikasının Ədliyyə Nazirliyi üzrə:

Məhkəmə Ekspertiza Mərkəzi.

Azərbaycan Respublikasının Əmək və Əhalinin Sosial Müdafiəsi Nazirliyi üzrə:

Əmək və Sosial Problemlər üzrə Elmi-Tədqiqat və Tədris Mərkəzi

Azərbaycan Respublikasının Maliyyə Nazirliyi üzrə:

Maliyyə Elm-Tədris Mərkəzi

Azərbaycan Respublikasının Mədəniyyət və Turizm Nazirliyi üzrə:

Mədəniyyətşünaslıq üzrə Elmi-Metodiki Mərkəz

Azərbaycan Respublikasının Dövlət Statistika Komitəsi üzrə:

Elmi-Tədqiqat və Statistik İnnovasiyalar Mərkəzi.

Xalq qəzeti.- 2017.- 24 dekabr.-S.13.